Mt 6:30 - MKPAMAṄ AMVOE Nouveau Testament en langue Ewondo 2012

³⁰ Ndò hm, ngë Zamba angamana bòdò bilòg ya mëfub ya binë ana, okidi bëwoa a ndoan, ngamëna ai mina, a e bod minë tègè ai abui ṅyëbë ba?

Mt 6:30 Iomraidhean Croise

Mt 14:31

Yesus asama wò, akè nyè, nyè ai nyè na: Asu dze ohë soo, a mod onë tègè ai abui ṅyëbë?

Mt 16:8

Yesus ayëmë të nala, nyè na: Dze mialaṅëdan a minnëm mian, a e bod minë tègè ai abui ṅyëbë ba, na miandzëki nòṅ bëmbaṅëla?

Mt 17:17

Ndò Yesus angadzo na: A mvòṅ bod minë të ai ṅyëbë, mitoa fë dzongo ba! Mayi tòbò ai mina akui abog afe? Mayi mina dzibi akui ve? Zaan ai ma nyè va!

Mt 8:26

Nyè ai bò na: Za wòṅ minë di, a bod miabëlë ki abui ṅyëbë ba? Ndò azu tëbë a si, abama ai evundu ai maṅ, ndò biaku a miëëṅ.

Mk 4:40

Nyè ai bò na: Za akyaè wòṅ minë di? A dze miabëlë ki ṅyëbë?

Mk 9:19

Ndò ayalan bò na: A e ngongo bod minë tègè ai ṅyëbë ba, mayi tòbò ai mina akui oden? Mayi mina dzibi akui oden? Zaan ai nyè abë ma!

Lk 12:28

Ndò hm, ngë Zamba abòdò elòg ya enë a afub ana, okidi bëwoa a ndoan, ayi mina bòdò fog fe, a e bod ṅyëbë onë abòd ba?

Lk 9:41

Yesus nyè na: A mvòṅ bod minë tègè ai ṅyëbë, mitoa fë dzongo, mayi tòbò ai mina akui ve, mëdzibigi mina? Zaag ai nyò mòn ha.

Yohannes 20:27

Ndò azu dzo ai Tomas na: Zaag ai onyu woe ha, oyen mò mama, ozu fë ai wò woe, ofudi wò a mviè dzama, ozu hm bò ṅyëbë, të wabò bisoo.

Ebrea 3:12

A babëdzaṅ, boan okala na të mod ziṅ ya abë mina abi mbë-nnëm anë tègè ai ṅyëbe, abò na alum Zamba ya avëë mvus,

Petrus osu 1:24

Asu te mod ose anë anë elòg, duma die asë anë sama elòg. Elòg emana kot, sama ekuu a si.