Mt 5:5 - MKPAMAṄ AMVOE Nouveau Testament en langue Ewondo 2012

⁵ Bësombòg mvòm, e ba bënë evovoe, Amu si-ndon yayi bò ngab-elig dzaban.

Mt 5:5 Iomraidhean Croise

Mt 11:29

Bëëgan efanga dzama, miyègè fë abë ma na mënë evovoe ai edzòdi nyòl, eyòṅ te miayi bi awaè asu enyiṅ dzaan.

Mt 21:5

Kadan ngòn Sion na: Yënë, nkukuma woe azu wa a zen, anë edzòdi nyòl, abëdë ozele ai mòn a mvus, tsid mimbëgë.

Roma 4:13

Amu Abraham ngë ki mvòṅ dzie bandzëki bi ngaga ai mvende, na si-ndon yayi nyè bò ngab-elig, ngaga te engasò a mëkyëbë ya mvende.

Galati 5:23

evovoe, aban nnëm. Mvende ziṅ yaluman ki ai e kan nyi.

Ef 4:2

ai edzòdi-nyòl esë, ai afu-nnëm asë, ai fin; midzibigi mina mina ai ediṅ,

Kolosi 3:12

Bòan hm nnëm ngòl, abëṅ nnëm, edzòdi nyòl, afu-nnëm, fin, hë anë mimfufub ai mindindiṅ ya Zamba angatòb,

1Tim 6:11

Mfag woe, a mod Zamba, tubu e mam ma. Biege mëkyëbë a zut, ai olugu Zamba, ai ṅyëbë, azombo, afu-nnëm.

2Tim 2:25

ayëgëlë e bod badoan ai nyè ai evovoe nnëm, kamëna Zamba avëṅan bò nnëm, bëyëm bëbëla,

Titus 3:2

të bamgbali mod ziṅ, të badzëṅ bitòm, bëbò evovoe, bëlëdëgë bod bësë afu-nnëm daban;

Yakobus 1:21

Asu te, dzogan fulu akoe esë ai abui mbë nnëm a evovoe ete, minòṅ hm ebug yalad minkaṅa bë mina, a ebëlë ngul ya akode minsisim mian.

Yakobus 3:13

Za anë mfëfëg, za abëlë fëg enyiṅ abë mina? Alëdëgë hm mimboan mie ai evovoe fëg a mbëmbë enyiṅ woe.

Petrus osu 3:15

boan na Kristus Nti abò mfuban a minnëm mian, mitòbò kòm esë a ngomëzan na miatoan timi e mod asili mina nsili asu afidi daan;

Petrus osu 3:4

Nyanga dzaan ebòò e dzom esòlò a nnëm, abëṅ-nnëm ya landaman ki, evovoe nsisim; e mod anë ai mfi abui a mis më Zamba.