Mt 3:7 - MKPAMAṄ AMVOE Nouveau Testament en langue Ewondo 2012

⁷ Ayen angayen abui bëfarisea ai bësadukea bëzaa asu ṅduan woe, ndò adzo ai bò na: «A mvòṅ nyòò nyi, za alëb mina na mitub olun wazu?»

Mt 3:7 Iomraidhean Croise

Mt 12:24

Bëfarisea bëngayi wog, bò na: E mod nyòlò atsidan bëbe minsisim hë ai ngul Belzebul, ndzoe bëbe minsisim.

Mt 12:34

A ayòṅ nyò di, eyë minë dzam kòbò mbëṅ, mibòò abe ya? Amu anyu lafala e di lasò a nnëm ete.

Mt 15:12

Ndò bëyègè bëngasubu nyè babi bò na: Yë wayëm fò na bëfarisea bawog nkòbò hi abe?

Mt 16:1

Ndò bëfarisea ai bësadukea bëngazu na bazu nyè bobolo, bò na alëdë bò ndëm esòò a yob.

Mt 16:6

Yesus nyè ai bò na: Boan okala, misaala ozëzaṅ mbaṅëla bëfarisea ai bësadukea.

Mt 22:15

Bëfarisea bëkë hm bui esòg ha na babi nyè a nkòbò.

Mt 22:23

Amos te oben, ndò bësadukea bëngasubu nyè babi. (Mbò badzo na akui-lë sòṅ a sëki). Ndò basili nyè na:

Mt 22:34

Bëfarisea bëngayi wog na angatoe bësadukea eboṅ, ndò bëngatogan ekoan asu te,

Mt 23:33

A e mvog nyòò ba, ayòṅ mëkpë di, eyë mingatub nkat ndoan wayanga mina ya?

Mt 5:20

Amu makad mina na, ngë sosoo waan andzëki lod e nyò bësaṅa bëkalara ai bëfarisea, mianganyian ki a edzoe ya yob.

Mk 12:13

Ndò balom nyè bod bëziṅ ya esamba bëfarisea ai e ba ya ngam Herodes asu yë na bëlam nyè a nkòbò.

Mk 12:18

Ndò bësadukea bazu abë nyè ha (ba badzo na akui-lë-sòṅ a sëki), ndò basili nyè na:

Mk 8:15

Ndò Yesus avë bò tëbëga na: Mibò okala asaala ekòsaṅ bëfarisea ai e dzi Herodes.

Lk 16:14

Bëfarisea ya bëngabë bëlë akuma, bëdiṅi mòni, bëngayi wog nala, bëngamgbali nyè.

Lk 18:11

Ndò man farisea angatëbë, angakogëlan a nnëm etere na: A Zamba, makaṅ wa mbol masëki anë e bod bëvòg: bafadi, bënë dzongo, bandaman mëlug; masëki anë nnòṅò ntòlò nyò.

Lk 7:30

Bëfarisea ai bod bë mvende bëngabèan ṅyian Zamba, amu bandzëki duuban abë nyè.

Yohannes 1:24

E bod ba bëngabë a nloman bëfarisea.

Yohannes 8:44

Mina, miasò abë esya waan, Satan, ndò miadiṅ na miabò ṅyian waan. Ṅnyè anë hm ṅwoe bod atarigi a mëtari, ndò atëlë ki a bëbëla, amu bëbëla asëki abë nyè. Eyòṅ akòbò minnal, akòbò mam moe, amu anë mod minnal, atoa fë esya minnal.

Yohannes 9:40

Bëfarisea bëziṅ ya bëngabë ai nyè ha bò ai nyè na: Dze, yë bia binë ndim nga?

Bisye bi Apostel 15:5

Ndò bod bëziṅ ya ekòg bëfarisea, a bëngasò a ṅyëbë, batëbë a si, bò na: 'E bod bëvòg bali bayean kelëban, bibende fë bò na bëbaala mvende Moses.'

Bisye bi Apostel 20:31

Asu te hm, mikalëga, mitsogo na, mimbu mimbu milè, mandzëki mina vòd lëb, ai bibëga a mis, mbombòg mbombòg.

Bisye bi Apostel 26:5

bazuzu ya bayëm ma, ngë badiṅ bòòlò na mënganyiṅ anë man Farisea, akyaè ya e ngam yadaṅ alèd a ṅyëbë waan enë.

Bisye bi Apostel 5:17

Ndò fada nen angatëbë, ai nyè ai e bod bëngabë ai nyè ha, ekoan bësadukea, bëmana ya dzie ai aban ha,

Roma 1:18

Amu olun Zamba, osòòg a yob, wakulan ebyandi esë ai abe-nnëm e bod bafèd bëbëla zen ai abe-nnëm a nyòl,

Roma 5:9

Abadan afëdan na, bikyëbë a nkat ai mëki moe, ayi bia kode a olun woe.

1Tes 1:10

ai na miyanga mòn woe, a asò a yob, e nyò angavëlë a bëkon, Yesus ya akode bia a olun ya wazu.

Ebrea 11:7

A ṅyëbë, mbol bëngabeme Noe asu e mam ya mëngabë na babë ki mò yen, ndò angawog, aloṅo arka asu akode nda dzie, etere ngò abò si-ndon nkat, ndò fë angabi ngab-elig a mëkyëbë ya ṅyëbë.

Ebrea 6:18

asu yë na, asu mam mëbè ya matsende ki, a Zamba asëki dzam kad evus ete, na e bia ya bingabë sòbò abë nyè, bibi mfaṅ a wonòṅ ya ayëm a kpiim ai afidi ya adzogo bia osu di.

1Yoh 3:10

Bòn bë Zamba ai bòn bë Satan basëlan e dzam di na: E mod osë abò ki sosoo asò ki abë Zamba, tò fë e nyò adiṅ ki manyaṅ.