Mt 3:2 - MKPAMAṄ AMVOE Nouveau Testament en langue Ewondo 2012

² na: «Vëṅan, edzoe ya yob esubu ya babi.»

Mt 3:2 Iomraidhean Croise

Mt 10:7

A miakë, miyedëgan na: Edzoe ya yob esubu ya babi.

Mt 11:20

Ndò hm angatari na akòṅan ai bëtisòn ya abui biyëṅ bi mam bie bingayenan ete, amu bandzëki tsende.

Mt 12:41

Bod ya Ninive bayi kodo a si a amos nkat, bëngakpèè ayom bod di a nkat, amu bò, bëngavëṅan ai mbëman Yonas angabëmë bò. E mod alod Yonas anë va a!

Mt 13:11

Ndò angafèd, nyè na: Amu mingavëëban ndimba mam ya yob. E bali, bandzëki dzò vëëban.

Mt 13:24

Ndò angaku bò nkana mfë na: Edzoe ya yob yafulan ai mod y'angabè mvòṅ a afub die.

Mt 13:31

Ndò angaku bò nkana mfë, nyè na: Edzoe ya yob yafulan ai fes ndoṅ ya mod anòṅ, abèè a afub die.

Mt 13:33

Ndò angaku bò nkana mfë: Edzoe ya yob yafulan ai osësaṅ mbaṅëla ya mininga anòṅ, abaman ai mëbom më ovug mëlè akëlë kui anë ovug osë wamana vus.

Mt 13:47

Edzoe ya yob yafulan fë ai mvunda ya bawoa a maṅ, engabi kòs mëkyaè mësë.

Mt 13:52

Nyè ai bò na: Asu te, ntil bëkalara osë ya ayègè mam ya edzoe ya yob, afulan ai mod-dzal ya akuli bisë etòg dzie, tò mimkpamaṅ, tò minnomo.

Mt 18:23

Asu te, edzoe ya yob yafulan ai mod, nkukuma ya angabë ayii na abò zitòk ai bod bisye boe.

Mt 20:1

Amu edzoe ya yob yafulan ai mod dzal ya angakui ai ndib kidi na ayoe bod bëkë nyè sye a afub wayn.

Mt 22:2

Edzoe ya yob yafulan ai nkukuma mod ya ongakag abog alug mòn.

Mt 23:13

Amala ai mina, a e bod bë dzongo ba, mina miatsig bod zen ya edzoe ya yob. Mina bëben të nyian, tò e ba banyian, mitsigi bò zen.

Mt 25:1

Edzoe ya yob yayi bò anë mintud bëngòn awom ya bëngakë ai mëlamba na bakë toban ai nlug a zen.

Mt 25:14

Anë mod ziṅ ya akëlë a dulu, ndò angaloe bod bisye boe, avë bò akuma die.

Mt 4:17

Atarigi hala, ndò Yesus azu tari na ayedan na: «Tsendëgan enyiṅ amu edzoe ya yob esubu ya babi».

Mt 4:23

Angakë awulu a nkòṅ nnam Galilea osë, ayëgëlë a mënda-bikoan maban, ayëdëgan Mbëmbë Foe edzoe Zamba, alëdëgë akòn asë ai mintye misë a zaṅ bod.

Mt 5:10

Bësombòg mvòm, e ba bëbëlë efëma asu sosoo, Amu edzoe ya yob yawoge ai bò.

Mt 5:3

Bësombòg mvòm, e ba bënë mëbua a nsisim, Amu edzoe ya yob yawoge ai bò.

Mt 6:10

Ayòṅ doe azaag, ṅyian woe obòban, akyaè ya yob, nala fë a si

Mt 6:33

Tarigan hm dzëṅ edzoe Zamba ai sosoo woe, eyòṅ te e mam mësë ma mayi sò baaban a yob.

Mk 1:15

Abog akpaèn ya, ndò edzoe Zamba esubu ya babi: Tsendëgan, miyëbë mbëmbë foe.

Mk 1:4

Yohannes Ndu-Bodo angabë a nkod-nnam, ayedëgan ṅduan avëṅan asu evaa minsëm.

Mk 6:12

Ndò bëngatye, bëngabende na bod bëvëṅan,

Lk 1:16

ayi vëṅan abui bòn bë Israel abë Nti Zamba waban.

Lk 11:20

Ngë matsidan minsisim ai onyu Zamba, yëman hm na edzoe Zamba esò ya abë mina.

Lk 13:3

Tègè hm fò, ma makad mina; dzam da, ngë mina bësë mibò të vëṅan, miayi dzaṅ nala.

Lk 13:5

Tègè hm fò, ma makad mina; hë da ngë mibò të vëṅan, mina bësë, miayi fë dzaṅ kan te.

Lk 15:10

Makad mina, nala ngò mintag minë a zaṅ benglès bë Zamba asu nsëmë mbòg ya avëṅan.

Lk 15:7

Makad mina na nala ngò mintag miayi bò a yob asu nsëmë mbòg ya avëṅan, alodo anë asu bësosoo mëwom ebul ai ebul ya bayaṅan ki ai avëṅan.

Lk 16:30

Nyè na: Kokoa, a tara Abraham; ngë mod ahë kë bò sòṅ a bëkon, bayi vëṅan.

Lk 21:31

Dzam dëda fë ai mina: eyòṅ miayi yen e mam ma mëbòban, yëman na edzoe Zamba entoa ya babi.

Lk 24:47

abog te bëyedan mëyòṅ mësë avëṅan asu evaa minsëm a dzoe die. Atarigi a Yerusalem,

Lk 6:20

Ndò angabede mis a yob mfa bëyègè boe bëngabë, nyè na: Bësòmbòg, mina mimbubua, Amu edzoe Zamba yawoge ai mina.

Lk 9:2

ndò angalom bò na bëyedan edzoe Zamba, ai na bëlëdë akòn,

Bisye bi Apostel 11:18

Awog bëngawog nala, ndò bëngaku bivol, bëngalugu Zamba, bò na: Ndë Zamba avë ya tò bëhaiden na bëvëṅan a enyiṅ a !

Bisye bi Apostel 17:30

Mbol ya Zamba angabudi mis a mëbog më ndimi mëte, abende hm bod etoa dzi na bëvëṅan hom osë,

Bisye bi Apostel 2:38

Petrus nyè ai bò na: «Tsendëgan, mod osë ya abë mina aduuban a dzoe Yesus Kristus asu evaè minsëm dzaan, abog te miayi bëlë efaè Mfufub Nsisim.

Bisye bi Apostel 20:21

mëbende Yuden ai Grek avëṅan abë Zamba ai ṅyëbë bayëbë Nti waan Yesus a kpaam.

Bisye bi Apostel 26:20

dzam da, ndò mëngatari bende e ba ya Damaskus ai e ba ya Yerusalem, nkòṅ nnam osë ya Yuda ai bëhaiden, mëbende bò na bëvëṅan, bëdugan abë Zamba, na bëbò e mam makyëbë ai avëṅan.

Bisye bi Apostel 3:19

Vëṅan hm, midugan mfag minsëm miavaaban mina,

2Kor 7:10

Amu mëliṅan a ndi Zamba mabye ntsendan enyiṅ; asu akode ladugan ki ai mvus. Mëliṅan më si-ndon mabye awu.

Kolosi 1:13

Nnyè angakode bia a edzoe dibi, akëlë ai bia a edzoe mòn ediṅ woe,

2Tim 2:25

ayëgëlë e bod badoan ai nyè ai evovoe nnëm, kamëna Zamba avëṅan bò nnëm, bëyëm bëbëla,

Ebrea 6:1

Asu te, ntaman dzoge e mam ya mëtari a mabëbë Kristus, bikë a e mam mëwon ya, tègè fë ai na biadugan tele tin mfim asu ntsendan enyiṅ, a mimboan ya minë ṅwuan, ai asu ṅyëbë biayëbë Zamba,

Petrus bèè 3:9

Zamba asëki atòṅ a vë ngaga, anë bod bëziṅ badzo na nala onë atòṅ; anë hë fin ai mina, ayi ki na bëvòg bëkë a ndzaṅ, ayi na bësë bëkë kui a ntsendan enyiṅ.

Ekuli-mam 2:21

Ndò mavë ya nyè abog na atsende enyiṅ, ndò ayi ki na avëṅan a bisog bie.

Ekuli-mam 2:5

Tsogo hm e hom ongaku mbëg, ovëṅan, obò e mimboan mi osu. Ngë tegè ai nala, mayi sò abë wa, mëvaè etëlëge alamba dzoe e hom yakad tëbë, ngë waandzëki tsende enyiṅ.