Mt 24:14 - MKPAMAṄ AMVOE Nouveau Testament en langue Ewondo 2012

¹⁴ Abog te mbëmbë foe edzoe nyò ayi yëdan a si esë. Mëyòṅ mayi yen mbòòlan te. Abog te hm amana si layi bò.

Mt 24:14 Iomraidhean Croise

Mt 10:7

A miakë, miyedëgan na: Edzoe ya yob esubu ya babi.

Mt 18:19

Mabaala mina na ngë bod bëbè bëkui kiṅa si na badzaè nguma dzom ziṅ, Tara ya yob ayi bò dzò vë.

Mt 24:3

Atòbò bëngatòbò a nkol bile bi mbòn, ndò bëyègè bëngasubu nyè babi, bò bò, bò na: Kada bia, e mam ma mayi yenëban eyòṅ efe? Ndò ki ndëm asò-lë doe ai amana si enë ya?

Mt 24:6

Miayi wog mëfoe bitaṅ ai mëndum. Mikalëga, të miaku wòṅ. Amu nala wayean bòban, dzam da, së ki amana dili.

Mt 4:23

Angakë awulu a nkòṅ nnam Galilea osë, ayëgëlë a mënda-bikoan maban, ayëdëgan Mbëmbë Foe edzoe Zamba, alëdëgë akòn asë ai mintye misë a zaṅ bod.

Mt 9:35

Yesus angakë awulu a mal maban ai bëtisòn baban, akëlë ayëgëlë a mënda-bikoan maban, abendëge mbëmbë foe ya edzoe, alëdëgë akòn asë ai mintye misë.

Mk 13:10

Amu mbëmbë foe ayean tari yëdan a mëyòṅ mësë.

Lk 2:1

Ndò fò angabò na, mëlu mëte, ndò abende Kaiser Augustus angasò na si esë etilban a elaṅa.

Lk 24:47

abog te bëyedan mëyòṅ mësë avëṅan asu evaa minsëm a dzoe die. Atarigi a Yerusalem,

Lk 4:5

Ndò abed ai nyè, alëdë nyè bidzoe bisë ya si eyòṅ dzia,

Bisye bi Apostel 1:2

azaag kui amos angatëbëlë apostel ya angatòb, ai Mfufub Nsisim, ndò anganòṅëban a yob.

Bisye bi Apostel 11:28

Ndò mbòg ya abë bò, dzoe na Agabus, angatëbë a si, angakòbò ai ngul nsisim na mod zie azu bò a si esë; ndò fë zie engabò a abog Klaudius.

Bisye bi Apostel 17:31

amu angatele amos ya ayi tsig si-ndon ntol a sosoo, abë e mod angatele, avëë nyè ndi a bod bësë, mbol angakuli nyè a bëkon.

Bisye bi Apostel 17:6

Mbol bandzëki bò yen ete, ndò bakë ai Yason, ai babënyaṅ bëfë hala abë bëdzoe bë tisòn, bëngabam, bò na: E bod bakë badzugulu si esë bësò ya kui abë bia,

Bisye bi Apostel 19:27

Ndò hm, së ki hë makit maan mmò mazu ku a si etam, tò ben tempel zamba mininga Artemis nënë azu wu ntug, bayi nyè vaè olugu woe, abim anë nnam Azia osë ai si esë bialugu nyè!

Bisye bi Apostel 20:25

Etoa dzi hm, mayëm na e mina bësë ba a mëkëlë mayedan edzoe a zaṅ dzaan, miayi ki fë ma dugan yen asu.

Roma 10:18

Mëngasili hm na: Yë mbol yë na bandzëki wog? Bëngawog fò: Kiṅ dzaban engayaman a si esë, bibug biaban biyaman a mëbug më si mësë.

Kolosi 1:23

ngë milaṅan a kpiim a ṅyëbë tègè tigibi, tègè fëṅëlan a afidi mbëmbë foe mingawog, a bëngakad a ekokoma esë ya enë a si, mbëmbë foe te hm ma Paulus masye.

Kolosi 1:6

ya angasò abë mina, akyaè ya abugëban a si esë, anaṅa fë anë abë mina, atarigi amos mingawog, miyëmë fë maa Zamba a bëbëla.

Ebrea 1:6

Ndò fë eyòṅ azu ai ntol mòn a si-ndon, adzo na: Benglès bë Zamba bëluugu nyè.

Ebrea 2:5

Amu së ki benglès mbò angatele na bëdzoe enyiṅ yazu a biakòbò dzi.

Ekuli-mam 14:6

Ndò mëngayen englès mfë ayëlëgë a yob, abëlë mbëmbë foe kole na akad e bod bëtoa a si-ndon, ai ayòṅ asë, ai nda-bod esë ai nkòbò, ai ayòṅ,

Ekuli-mam 16:14

Amu bëngabë minsisim bësatan bëbòò mësimba, a bakë a minkukuma ya si esë na bakoan bò asu bita ya amos nen Zamba ngul mësë.

Ekuli-mam 3:10

Amu ongabaala ebug fin dzama ndò fë ma mayi wa kala a awola mëbobëla layi sò a si esë, na babobolo e bod bëtoa a si.