Mt 23:15 - MKPAMAṄ AMVOE Nouveau Testament en langue Ewondo 2012

¹⁵ Amala ai mina, mina bësaṅa bëkalara ai befarisea, bod bë dzongo, amu miawulu tò a maṅ, tò a nkot si na miavëṅan tò të hë efadag mod dzia, ṅnyie hm fë anë avëṅan ya, mingabò na ayenan ai ebe ndoan alodo mina bëben.

Mt 23:15 Iomraidhean Croise

Mt 23:13

Amala ai mina, a e bod bë dzongo ba, mina miatsig bod zen ya edzoe ya yob. Mina bëben të nyian, tò e ba banyian, mitsigi bò zen.

Mt 3:7

Ayen angayen abui bëfarisea ai bësadukea bëzaa asu ṅduan woe, ndò adzo ai bò na: «A mvòṅ nyòò nyi, za alëb mina na mitub olun wazu?»

Mt 5:22

Mfa wama, makad mina na, e mod osë awog olun ai manyaṅ, ayean ai nda-mëdzo. E nyò adzo ai manyaṅ na «Raka» ayean ai nda-mëdzo nen. E nyò adzo na «Okukud», ayean ai ebe ndoan.

Mt 5:29

Ngë e dis doe ya mbo-nnomo labò na oku mbëg, tui dò, owoa dò oyab. Anë ai mfi na odzaè edzoo dzoe dzia alodo na nguma nyòl woe owoaban a mod mbimbi.

Yohannes 8:44

Mina, miasò abë esya waan, Satan, ndò miadiṅ na miabò ṅyian waan. Ṅnyè anë hm ṅwoe bod atarigi a mëtari, ndò atëlë ki a bëbëla, amu bëbëla asëki abë nyè. Eyòṅ akòbò minnal, akòbò mam moe, amu anë mod minnal, atoa fë esya minnal.

Bisye bi Apostel 13:10

nyè na: A wa ya onë ndzalan ai mfugu osë, ai mvol esë, wa mòn Satan, wa nziziṅ sosoo, wayiyi ki tele adzo di na waandaman bëtëtëlë mëzen më Nti nga?

Bisye bi Apostel 13:43

Amana ekoan ngogëlan engaman, abui bë Yuden ai bëyëṅ bënganòṅ ṅyëbë, bëtoa bod bë ngogëlan, bëngabie Paulus ai Barnabas, bò bëngalèè ai bò, bëyini bò na bëbò mban a maa Zamba.

Bisye bi Apostel 14:19

Ndò Yuden bëngatye a Antiokia ai a Ikonium, bëmana bòlan bod, ndò balum Paulus ngòg, bëkë badudu nyè a si, bëkuli nyè a tisòn a nsëṅ, bëtsogo na bëwoe ya nyè.

Bisye bi Apostel 14:2

E Yuden bandzëki ṅyëbë ba bëngafòṅòlò, bëfugu ezëṅ a minnëm bëhaiden asu babënyaṅ.

Bisye bi Apostel 17:13

Yuden ya Tesalonika bëngayi yëm na Paulus ayedan ebug Zamba a Beroa, ndò bakë we, bëngafòṅòlò bod, bëdzèègè bò fëg.

Bisye bi Apostel 2:10

Frizia ai Pamfilia, Egipten, bod ya basò a mfag Libia ya Sirena, ai e bëyëṅ basò a Roma,

Bisye bi Apostel 6:5

Ndò adzo di anganyëb bod bësë a nnëm, ndò batòb Stefanus, mod ya angabë ndzalan ai ṅyëbë, ai Mfufub Nsisim; bëtòbò fë Filip, Prokoro, Nikanor, Timon, Parmenas, Nikola, mod ya anganòṅ ṅyëbë a Antiokia,

Galati 4:17

Bamvaman ai mina, së ki asu mbëṅ, dzam da bayi na bia mina bitsaman, asu yë na mimvaman ai bò.

Galati 6:12

Abui dzam ya badzëṅ duma a nyòl, mbò bayi na bakele mina a ngul, hë asu yë na të bafëm bò etòm klos Kristus.

Ef 2:3

A zaṅ dzaban, bia bësë fë binganyiṅ okoba ai miṅyian mi nyòl mian, bibò ṅyian nyòl ai nsisim, bia fë bingabë hë bòn bë olun anë e ba bëvòg a enyiṅ dzaan.