Mt 21:22 - MKPAMAṄ AMVOE Nouveau Testament en langue Ewondo 2012

²² Ndò fë e dzi esë miayi dzaè a ngogëlan, ai afidi, miayi dzò bëlë.

Mt 21:22 Iomraidhean Croise

Mt 18:19

Mabaala mina na ngë bod bëbè bëkui kiṅa si na badzaè nguma dzom ziṅ, Tara ya yob ayi bò dzò vë.

Mt 7:11

Ngë e mina ya minë bëbe, mina yëm vë bòn baan mimbëmbë bifaè, esoa ya yob ayi vë e ba badzaè nyè mimbëmbë mi byem fog fe?

Mt 7:7

Siligan, bëvë mina, dzëṅan, miayi sòm; kudan, bayi mina yaè.

Mk 11:24

Asu te makad mina na: E dzi esë miayi dzaè a ngogëlan, yëbëgan na mibi ya dzò; miayi dzò bëlë.

Yohannes 14:13

Ndò e dzi miayi dzaè a dzoe dama, mayi dò bò, asu yë na Tara avëëban olugu abë mòn.

Yohannes 15:7

Ngë mitòbò abë ma, bibug biama bitòbò abë mina, dzagan e dzi miayaṅan ai dzò, eyòṅ te yayi yenan ai mina.

Yohannes 16:24

Akui etoa dzi, miabë ki dzaè dzom ziṅ adzoe dama. Dzagan, miayi bëlë, asu yë na mëfon maan mëbò ntud.

Yakobus 5:16

Mëman minsëm mina mina, mikogëlan anë mod asu e nyò mbòg, asu yë na mibò mvoè. Ngogëlan sosoo mod enë ngul abui.

1Yoh 3:22

ndò e dzi biayi dzaè, biayi dzò hëlë abë nyè, amu biabaala mëmvende moe, ndò biabò e mam manyëb nyè a nnëm.