Mt 20:18 - MKPAMAṄ AMVOE Nouveau Testament en langue Ewondo 2012

¹⁸ Bëbëgan, bia ba biabed a Yerusalem; Mòn mod ayi vëëban a mò bëfada bënen ai bësaṅa bëkalara, bayi tsig na ayean ai awu,

Mt 20:18 Iomraidhean Croise

Mt 10:4

Simun man Kananea ai Yudas man Iskariot ya angakuan ai nyè.

Mt 16:21

Akaègi abog te, ndò Yesus angakèè na alëdë bëyègè boe mbol ayean kë a Yerusalem, abëlë abui mintye a mò bënyia-bod-mvia bë nnam, ai bëfada bënen, ai bësaṅa bëkalara, bëwoe nyè, abog te ayi kui a sòṅ a amos lala.

Mt 26:2

Miayëm na Paska anë mëlu mëbè ana, ba bayi kuan ai mòn mod na aboman a klos.

Mt 26:66

Miayen adzo te ya? Bò ai nyè na: Ayean ai awu.

Mt 27:1

Ai mëlende më kidi, ndò bëfada bënen bësë ai bënyia-bod-mvia bë nnam bëngakui kiṅ na bawoe Yesus.

Lk 22:71

Bò na: Dze fë biayaṅan ai sòman? Amu bia bëben biwog a anyu die.

Bisye bi Apostel 2:23

Yesus te ṅnyè mingawoe, mibomë nyè a klos a mò më e bod bayëm ki mvende, abog ya angatilban, Zamba ayëmë fë nala, ndò angavë mina nyè,