Mt 18:10 - MKPAMAṄ AMVOE Nouveau Testament en langue Ewondo 2012

¹⁰ Boan okala, të byandi tò mbòg ya abobod di.

Mt 18:10 Iomraidhean Croise

Mt 1:20

Hala angëlë atsogo nala a nnëm, ndò englès Nti angayene nyè a nlo, nyè na: A Yosef, man David, obë mbara nòṅ Maria nyò ngal; E dzi yabyali abë nyè dzili, yasò abë Mfufub Nsisim.

Mt 12:20

Ayi ki këlan e nden ebugi ya, Ngë adim e man nkabag angënë ayoṅo, Akëlë kui anë ayi dò ai sosoo.

Mt 18:14

Nala ngò hm fë ṅyian tara ya yob onë na të madzèè tò mbòg ya e ban abobod ba.

Mt 18:6

Ngë mod ziṅ ahë yè mbòg ya abobod layëbë ma di zen, ai mbë mvulna, layean na bëtindi nyè mod akòg a kiṅ, abog te ayimbi nala a yòm.

Mt 2:13

Adugan bëngadugan, ndò englès Nti angayene Yosef a nlo nyè na: «kodogo a si, onòṅ mòngò ai nyia otub a Egipten, otòbò we akui anë mayi wa kad; amu Herodès ayi dzëṅ mòngò na awoe nyè.»

Mt 2:19

Awu Herodès angawu, ndò englès Nti angayene Yosef a nlo a nnam Egipten

Mt 24:31

Abog te ayi lom benglès boe ai mod tòṅ, abog te bayi koan e bod angatòb a mëbug më si mënyii, akègè a abug yob di, akui e di avòg.

Lk 1:19

Englès nyè ai nyè na: Mënë Gabriel; ma makad tëbë Zamba osu, ndò mënë nloman na mëzu wa kad, mëbende fë wa e mam ma.

Lk 10:16

E mod awog mina, awog fë ma; E nyò ki abyandi mina, ma abyandi. E nyò hm abyandi ma, abyandi e mod angalom ma.

Lk 16:22

Ndò hm lazu bò na, awu mbubua hi ongawu, ndò benglès bëngakë ai nyè a mëbè më Abraham. Nkukuma mod hi wa owuu, bëdzëbë nyè.

Bisye bi Apostel 10:3

Ndò atoan yen a nlo anë englès Zamba anyian abë nyè dzam bò a awola ebulu, nyè ai nyè na: A Kornelius!

Bisye bi Apostel 12:15

Ndò badzo ai nyè na : Wakòn a nlo ! Nyè të hë ayin na adzo te anë ete. Bò na : Englès woe nyòlò.

Bisye bi Apostel 12:23

Etye etye te ndò englès Nti angabimi nyè, etòm ya na andzëki vë Zamba duma; Bitum bingadi nyè, ndò angasuu ṅhëbë.

Bisye bi Apostel 27:23

Amu englès Zamba ya masye ayene ma alu ya ana di

Bisye bi Apostel 5:19

Ai alu ha, ndò englès Nti angayaè mimbè ya mbog, akuli bò a nsëṅ, nyè na:

Roma 14:10

A wa, dze ben watsig manyòṅ ntol? Dze ben ki wabyandi manyòṅ? Amu bia bësë biayi tëbë a etoa ntsigi ntol Zamba osu,

Roma 14:21

Anë mbëṅ na të wadi tsit, ngë ki anyu mëyòg, ngë abò ki e dzom manyòṅ aku mbëg ete.

Roma 15:1

E bia ya binë ngul, biayean bëgë atëg e ba bënë ntëgan, tègè dzëṅ mintag mian.

1Kor 11:22

Nga mibëlë mënda asu yë na midi, minyu fë we? Yë na miabyandi nda-Zamba, ndò miasama mimbubua? Mëkad mina ya? Yë mëtaman mina? Mataman ki mina e dili!

1Kor 16:11

Të mod ziṅ afëm nyè. Miyaan ai nyè mvoè, asu yë na azu abë ma. Amu mayanga nyè ai babëdzaṅ.

1Kor 9:22

Mëngabò ntëgan ai e ba bënë ntëgan, asu yë na mëdudu e ba bënë ntëgan. Mëngavëṅan dzom esë asu bod bësë, asu yë na mëkode bod bëziṅ, tò dze ebò.

2Kor 10:1

Mamen, Paulus, makogëlan ai mina ai evovoe, ai abëṅ nnëm Kristus, e ma ya mënë edzòdi-nyòl eyòṅ mënë abë mina, mëntoa ayòg eyòn mënë mina oyab.

2Kor 10:10

Amu bod bëziṅ badzo na: 'Bëkalara boe bënë ai fim, ai ngul, eyòṅ emen atëlë bia a mis, hë ntëgan ntëgan, nkòbò woe tègè ai ndòṅ.'

Galati 6:1

A babëdzaṅ, ngë bëhë dilan mod a evus ziṅ, mina bod bë nsisim, dugan tele mod te a zen ai nsisim evovoe; Obò okala na wamen oza kuu a mëbobëla.

1Tes 4:8

Asu te, e mod abyandi dò, së ki mod ṅnyè abyandi, abyandi e Zamba ya avë bia Mfufub Nsisim woe.

1Tim 4:12

Të mod abyandi wa mbol ongënë mòngò; Obòò mvulna asu bëyëbë a nkòbò, a fulu, a ediṅ, a ṅyëbë, a fulu mfuban.

Ebrea 1:14

Nga bò bësë bënë e minsisim bëngalom na mibò esye asu e bod bayi bi ngab a akode?

Ebrea 9:24

Amu Kristus andzëki nyian a mfufub etòbògò ya onë nkoman ai mò më bod, a wafulan ai e hi onë mfaṅ; anganyian a yob ben, asu yë na akui Zamba a mis etoa dzi asu daan.

Ekuli-mam 8:2

Ndò mëngayen e benglès zamgbal ya bëkëlë Zamba osu, ndò bëngavë bò tòṅ zamgbal.