Mt 16:27 - MKPAMAṄ AMVOE Nouveau Testament en langue Ewondo 2012

²⁷ Mòn Mod ayi sò a duma esya ai bënglès boe, abog te ayi yaan ai mod osë anë mbol mod angasye.

Mt 16:27 Iomraidhean Croise

Mt 13:41

Mòn Mod ayi lom benglès boe, abog te bayi koan e dzom esë enë nkòt a ayòṅ die, ai e ba bësë bafug ezëṅ.

Mt 13:49

Nala ngò wayi yenan a mëmana më si. Benglès bayi kui bëngafial bëbe ai bësosoo,

Mt 24:30

Abog te hm ndëm mòn mod yayi yenëban a yob, abog te mëyòṅ mësë ya si mayi tòbò a mëlunga, bëngayen mòn mod azaa a minkut ya yob ai ngul, ai duma asë.

Mt 25:31

Eyòṅ mòn mod ayi sò a duma die ai benglès boe, ayi tòbò etoa ntomba duma die.

Mt 26:64

Yesus nyè ai nyè na: Ndò wadzo dili. Ndò hm fë makad mina na, akaègè etoa dzi miayi yen mòn mod atoa edzoe a mbo-nnomo, asusu a minkut ya yob.

Mt 8:20

Ndò Yesus adzo ai nyè na: Mvu afan ebëlë biboga, anòn ya yob abëlë mumba, dzam da mòn mod abëlë ki e hom anë dzam bede nlo.

Mk 14:62

Yesus nyè na: Owe, ndò fë miayi yen mòn mod atoa a mbo-nnomo ngul, azaa fë a minkut a yob.

Mk 8:38

Amu, e mod awog osòn asu dama ai asu bibug biama a e ngongo bod b'ebamba ai minsëm ba, mòn mod nyè ayi fë wog osòn asu die abog ansò a duma esya ai mimfufub benglès.

Lk 21:27

Eyòṅ te hm bayi yen mòn mod azaag a nkut ai ngul, ai abui duma.

Lk 22:69

Akègè etoa dzi, mòn mod ayi tòbò a mbo-nnomo ngul Zamba.

Lk 9:26

Amu e nyò awog osòn asu dama ai asu bibug biama, mòn mod nyè fë ayi nyè wog osòn eyòṅ ayi sò a duma die ai e di esya ai e di mimfufub benglès.

Yohannes 21:22

Yesus nyè ai nyè na: Ngë mayi na alaṅan akëlë kui anë madugan zu, dze yabëbë wa ete? Mfag woe, biege ma.

Yohannes 21:23

Foe eyaman hm fò a zaṅ babënyaṅ na ṅyègè te ayi ki wu. Yesus nyè andzëki dzo na ayi ki wu, angadzo hë na: Ngë mayi na alaṅan akëlë kui anë mazu, dze yabëbë wa ete?

Bisye bi Apostel 1:11

bò na: «A Bod ya Galilea, dze mitëlë, mibëbëgë a yob? E Yesus ya avaaban mina a yob nyò, nala ngò ayi sò, e kan mihë yen akëlë a yob».

Roma 14:12

Ndò hm mod osë ya abë bia ayi tye ndò dzie emen.

Roma 2:6

ayi vë mod osë anë mimboan mie minë.

1Kor 15:23

Mod osë hm a etye dzie: Kristus anë ntol, a mvus hala, e bod bayi tòbò ai Kristus eyòṅ adugan sò,

1Kor 3:13

esye mod osë yayi kui a ngëëṅ, amu biayi kuban a ndoan. Amu, e kan esë esye mod enë, ndoan yayi dzò fial.

1Kor 8:8

Së ki bidi mbiè biakë ai bia abë Zamba; tò ki na: bibò të di, biayi dzèè, ngë bihë di, biayi bi mfi.

2Kor 5:10

Amu bia bësë biayi yean kë tëbë a etoa nkat Kristus osu, asu yë na mod osë abëlë maan ya e mam angabò a nyòl, tò mbëṅ, tò abe.

Ef 6:8

miyëmë na eyòṅ mod osë abò e dzam anë mbëṅ, Nti ayi nyè vë maan ya ete tò anë olò, tò anë fili mod.

Kolosi 3:25

E mod abò nkòt ayi bi maan më nkòt te, amu efyal mësu yasëki we.

1Tes 1:10

ai na miyanga mòn woe, a asò a yob, e nyò angavëlë a bëkon, Yesus ya akode bia a olun ya wazu.

1Tes 4:16

Amu Nti emen, eyòṅ bayi vë abende, a kiṅ ertsenglès, ai a tòṅ Zamba, ayi sus asòò a yob, abog te e bod bëngawu abë Kristus bayi tari tëbë a si,

Yakobus 5:7

Tòbògan hm fin akëlë kui a asò-lë Nti. Tama yen anë mbè mëfub ayanga bibuma ya si, a biabi nyè a nnëm, ai fin esë, akëlë kui anë abi biè abog oyon ngë ki na a mëtye më mbu.

Petrus osu 1:17

Ndò hm ngë mialoe e nyò atsig ntol hë a mboan mod osë, tègè ai ebom-kama, na tara, nyiṅan ai wòṅ ntye ya minë a mëkaban.

1Yoh 2:28

Etoa dzi hm a bòngò, laṅan abë nyè asu yë na, eyòṅ ayi kulëban, bibëlë azombo, bibò te bi osama a asò-lë die.

Yudas 1:14

Enok angakòbò adzo daban anë profèt, ngongo ebulu atarigi abë Adam, nyè na: Yënë, Nti angasò ai mimfufub minkunda mie,

Ekuli-mam 1:7

Yënë sik, azu ai minkut, ndò dis asë layi nyè yen, tò ben e ba bëngatubulu nyè; abog te mëyòṅ mësë ya si mayi nyè yëb. Owe, amen.

Ekuli-mam 2:23

mayi fë woe bòn boe mfaṅ a wu. Abog te mënda më Zamba mësë mayi yëm na mamen matsas miṅyian ai minnëm, ndò fë mayi vë mina bësë, anë mod akyaè mimboan mie.

Ekuli-mam 20:12

Ndò mëngayen mimbim, tò bòngò tò bënyia-bodo, bëtëlë etoa-ati osu. Ndò bëkalara bëngayaaban, ndò fë kalara mfë angayaaban, ṅnyè anë kalara enyiṅ, ndò bëngatsig bëwu ntol ai e mam mëngabë ntilan a bëkalara, akyaè ya mimboan miaban mingabë.