Mt 16:21 - MKPAMAṄ AMVOE Nouveau Testament en langue Ewondo 2012

²¹ Akaègi abog te, ndò Yesus angakèè na alëdë bëyègè boe mbol ayean kë a Yerusalem, abëlë abui mintye a mò bënyia-bod-mvia bë nnam, ai bëfada bënen, ai bësaṅa bëkalara, bëwoe nyè, abog te ayi kui a sòṅ a amos lala.

Mt 16:21 Iomraidhean Croise

Mt 12:40

Amu, e kan Yonas angabombo mëlu mëlè ai mëmos mëlè a abum kòs, nala ngò mòn mod ayi tòbò a abum si mëmos mëlè ai mëlu mëlè.

Mt 16:22

Ndò Petrus angakë ai nyè a fëfël, angakòṅan ai nyè, nyè na: Sòṅ, a Nti! Akyaè dzam te të toban ai wa!

Mt 16:28

Makad mina bëbëla na bod bëziṅ bëtëtëlan va, a bëngâyen ki awu, së na bëyen anë Mòn Mod azu a edzoe dzie.

Mt 17:12

Ndò makad mina na: Elias angasò ya, hë da, ndò bandzëki nyè yëm, dzam da, bëbòbò nyè e dzom esë bëngabë tama. Nala ngò mòn mod ayi bi mintye a mò maba.

Mt 17:9

A bësusu a nkol a si ha, ndò Yesus abende bò na: Të miakad tò mod ziṅ e dzam di, akui anë mòn mod ayi tëbë a sòṅ mimbim.

Mt 20:28

Nala hm fë ngò mòn mod andzëki sòṅ na bësye nyè, angasò na asye, alig fë enyiṅ dzie eban asu abui bod.

Mt 26:2

Miayëm na Paska anë mëlu mëbè ana, ba bayi kuan ai mòn mod na aboman a klos.

Mt 26:47

Angënë akobògò nala, Yudas, mbog ya b'awom ai bëbè ahama, mod nkunda atoa ai nyè ha, bëbëlë bënyamëla ai mimbëṅ; bëfada bënen ai bënyia-bod-mvia bë nnam mbò bëngalom bò.

Mt 27:12

Hë da, ntye osë bëfada bënen ai bënyia-bod-mvia bëngabë sòman nyè, nyè tègè yalan tò dzom.

Mt 27:63

bò na: A Nti, bidugan tsog na, hala angënë atala, e mod minnal nyò angadzo na: Mayi kui a sòṅ a mvus mëlu mëlè.

Mt 28:6

Asëki ha, amu akui a sòṅ anë angadzo. Zaan yen e hom angabë aboo.

Mk 8:31

Ndò hm akèè na ayëgëlë bò na, mòn mod ayean bi abui mintye, ai na mvindi ai bëfada bënen ai bësaṅa bëkalara bayi nyè sie, ayi woeban, adugan kui a sòṅ a mvus mëlu mëlè.

Mk 9:12

Nyè ai bò na: Elias ayean tari zu na amana kom mësë. Ndò ki, asu dze anë ntilan abëbëgë mòn mod na ayean bi abui mintye, bëbyandigi fë nyè?

Lk 17:25

Dzam da, ayean tari dzugi abui, e mvòṅ nyi etimi fë nyè.

Lk 24:46

Nyè ai bò na: Eyë anë ntilan nala na Kristus ayi bi mintye, atëbë a bëkon a amos lala,

Lk 9:31

E bod bëngayene ba bëngalèè adzo awu die ya angabë na layene a Yerusalem.