Mt 11:11 - MKPAMAṄ AMVOE Nouveau Testament en langue Ewondo 2012

¹¹ Bëbëla, makad mina na: mod ziṅ a bòn bë bininga alod ki Yohannes ndu-bodo. Dzam da, man mod ntòg ya edzoe ya yob alod nyè.

Mt 11:11 Iomraidhean Croise

Mt 11:10

Ṅnyè bëngatil asu die na: Yënë sik, malom wa englès wama osu, nyè ayi wa komëzan zen osu.

Mt 11:12

Atarigi abog Yohannes azaa kui ana, edzoe ya yob ebëlë ndzug. Miṅyoyòg miasa dzò.

Mt 3:1

Mëlu mëte, ndò Yohannes Ndu-bodo angasò, angayedan Mbëmbë Foe a nkod-nnam ya Yudea

Mt 3:11

Ma madu mina a mëndim asu avëṅan, e nyò azu ma a mvus anë ngul alodo ma; masëki nyè dzam tii bësilfas a mëkol. Ṅnyè ayi mina du a Mfufub Nsisim ai ndoan.

Mt 5:19

E nyò osë ayi vaè dzidzia ya mëmvende mënë ntòg ma, ayëgëlë fë bod abò nala, bayi nyè loe na «e mod mvua» a edzoe ya yob. E nyò ki ayi bò ngë ki ayëgële mò, bayi nyè loe na «e mod nënë» a ayòṅ ya yob.

Lk 1:15

Ayi bò mfaṅ a mis më Nti, ndò fë ayi ki nyu mëyòg tò bilam, ndò fë ayi dzie ai Mfufub Nsisim atarigi a abum nyia,

Lk 7:28

Makad mina: A bòn bë bininga, mod ziṅ a lod ki Yohannes. Dzam da, e nyò anë mëligi-mvua a edzoe Zamba alod nyè.

Lk 9:48

nyè ai bò na: E mod osë asoan ai e man mòngò nyò a dzoe dama, ma asoan ai nyè. E mod ki asoan ai ma, asoan ai e nyò angalom ma. Amu e nyò anë mëligi-mvua a mina bësë, ṅnyè anë mfaṅ a bui.

Yohannes 1:15

Yohannes abòòlò nyè, ndò adzo na: E nyò ṅnyè mëdzoo na: E mod azu ma a mvus alod ya ma osu, amu angabë ma osu.

Yohannes 1:27

azu ma a mvus, hë da mayean ki na matii nyè nkòl silfas.

Yohannes 10:41

Abui bod asòò abë nyè, bò na: Yohannes andzëki bò tò ndëm dzia, dzam da e mam mësë Yohannes angadzo mëtyan ai nyè mënë ete.

Yohannes 3:30

Nyè ayean bugëban, ma ki mayean dzòdiban.

Yohannes 5:35

Angabë alamba layoṅ, afyè fë, ndò mingayi na miatag etun abog a mfyè woe.

Yohannes 7:39

Angabë adzoo ai nsisim ya e bod bëngayëbë nyè bëyiigi bi. Amu hala nsisim wabë ki sò, tègè ai na Yesus abëlë ya duma.

1Kor 15:9

Amu ma mënë mëligi-mvua ya apostel, a makyëbë ki na bëloe ma na man apostel, mbol mëngaluman ai nda-Zamba.

1Kor 6:4

Eyòṅ mibëlë akyaè ban mëdzo di, yë miatele e bod bënë tègè ai ndòṅ a nda-Zamba na mbò bëtsig ntol te?

Ef 2:3

A zaṅ dzaban, bia bësë fë binganyiṅ okoba ai miṅyian mi nyòl mian, bibò ṅyian nyòl ai nsisim, bia fë bingabë hë bòn bë olun anë e ba bëvòg a enyiṅ dzaan.

Ef 3:8

E ma ya madaṅ obòbòd a zaṅ mimfufub misë, ma bëngavë e maa nyò, na mëyedan bëhaiden mbëmbë foe akuma Kristus ya anë tègè ai alèè,

2Tim 1:10

Maa te akulan etoa dzi ai asò-lë nkode waan Kristus Yesus ya angasole awu, asòò ai enyiṅ a enyiṅ kole a mfyè ai mbëmbë foe.

Ebrea 11:40

amu Zamba angatele dzom ziṅ ya yadaṅ mbëṅ asu daan, na ngë tègè ai bia, bò tègè kui a ntud, a saaṅ.

Petrus osu 1:10

E bëprofèt bëngakòbò adzo maa waan, bëngadzëṅ, bëbindi fë dzam ya akode te.