Mk 9:20 - MKPAMAṄ AMVOE Nouveau Testament en langue Ewondo 2012

²⁰ Ndò bëngasò ai nyè abë nyè. Mbë nsisim angayi nyè yen, angasugzu mòngò, akuu a si, angakë abigidi, avul akui a anyu.

Mk 9:20 Iomraidhean Croise

Mk 1:26

Ndò mbë nsisim ongasuguzu nyè, ndò ongabam a yob ete, okui nyè a nyòl.

Mk 9:18

Akad bò na, e hom osë abi nyè, adibi nyè a si, avul angakui nyè a anyu, angaladan mësoṅ, amana kat. Ndò mësili bëyègè boe na bëtsidan nyè, bò tègè ai ngul.

Mk 9:19

Ndò ayalan bò na: A e ngongo bod minë tègè ai ṅyëbë ba, mayi tòbò ai mina akui oden? Mayi mina dzibi akui oden? Zaan ai nyè abë ma!

Mk 9:21

Ndò asili esya na: Lakad ya nyè bò nala atarigi abog afe? Nyè na, atarigi atoa man mòngò.

Mk 9:26

Ndò angakui, abama, asugzu nyè abui. Mòngò andzogo anë mbim, abui bod angadzo na awu ya.

Lk 4:35

Yesus abama ai nyè na: Ku evol, okui fë nyè a nyòl. Ndò mbë nsisim awoa nyè a si a zëzaṅ bod, akodo nyè a nyòl, tègè nyè dugan kòb.

Lk 8:29

Amu angabë abama ai mbë nsisim na okui mod a nyòl. Hala te nsisim te obi ya nyè kòm. Ndò bëkarëga nyè tindi mësuṅ ai mbog, dzam da, ṅnyie anë atye mësuṅ, mbë nsisim alindi nyè a nkod-nnam.

Lk 9:39

Mbë nsisim akad nyè bi, etye etye angabam, awoa nyè a si, avul angakui nyè a anyu; anë të nyè dzoge së na abò nyè mbë dzam.

Lk 9:42

Ṅnyie anë angasubu, ndò fë mbë nsisim awundi nyè, awoa nyè a si. Yesus abama ai mbë nsisim, abò mòngò mvoè, ndò avë nyè esya.

Yohannes 8:44

Mina, miasò abë esya waan, Satan, ndò miadiṅ na miabò ṅyian waan. Ṅnyè anë hm ṅwoe bod atarigi a mëtari, ndò atëlë ki a bëbëla, amu bëbëla asëki abë nyè. Eyòṅ akòbò minnal, akòbò mam moe, amu anë mod minnal, atoa fë esya minnal.

Petrus osu 5:8

Banan nnëm, mitòbò evie. Nziziṅ waan, Satan, avuṅ hë anë ayòg emgbëm, adzëṅë e mod amana nyab.