Mk 8:35 - MKPAMAṄ AMVOE Nouveau Testament en langue Ewondo 2012

³⁵ Amu, e mod ayi na anyii enyiṅ dzie, ayi dzò dzèè. E nyò ki ayi dzèè enyiṅ dzie asu dama ai asu Mbëmbë Foe, ayi dzò nyii.

Mk 8:35 Iomraidhean Croise

Mt 10:22

Bod bësë bayi mina fëm hë asu dama. E nyò ayi bò azombo akui a mëmana ayi nyiiban.

Mt 10:39

E nyò akam enyiṅ dzie ayi dzò dzèè; e nyò ki adzèè enyiṅ dzie asu dama ayi dzò baala.

Mt 16:25

E mod ayi na akaman ai enyiṅ dzie, ayi dzò dzèè. E nyò ki adzèè enyiṅ dzie asu dama, ayi dzò bi.

Mt 19:29

Ndò fë, e mod osë alig nda, ngë manyaṅ, ngë kal, ngë esya, ngë bòn, ngë mëfub etòm dzama, ayi bëlë mam mëte biyòṅ ntèd, abëlë fë enyiṅ kòm.

Mk 8:36

Amu, mfi dze onë na mod ahaman si esë, ngë adzèè enyiṅ dzie?

Lk 17:33

E nyò ayi dzëṅ na akode enyiṅ dzie ayi dzò dzèè; e nyò ki ayi dzò dzèè, ayi bëlë enyiṅ.

Lk 9:24

Amu e nyò ayi na abaala enyiṅ dzie, ayi dzò dzèè. E nyò ki adzèè enyiṅ dzie asu dama, e nyòlò te ayi dzò kode.

Bisye bi Apostel 20:24

Dzam da, madaṅ ki yen na enyiṅ enë ai ma mfi, hë na mëmana mbara mbil wama, mëmana fë esye ya Nti Yesus angavë ma, na mëbòòlò mbëmbë foe ntotomamaa Zamba.

Bisye bi Apostel 21:13

Paulus nyè na: Dze ndzò miabò a miayon na, midzugulu ma nnëm ha? Amu, hë ma ma, mënë a ngomëzan së ki hë na bëfaṅ ma ngadag, mënë fë a ngomëzan na mëwu a Yerusalem asu dzoe Nti Yesus.

Bisye bi Apostel 9:16

Amu mayi nyè lëdë e mam mësë ayi dzugi asu dzoe dama.

1Kor 9:23

Mabò mam mësë asu mbëmbë foe, asu yë na ma fë mënòṅ ngab ete.

2Kor 12:10

Asu te mawog mintag a atëg, a mam më ebyandi, a mëyaṅan, a baluman ai ma, a mindzug, asu Kristus. Amu, eyòṅ mënë ntëgan, abog te mënë ngul.

2Tim 1:8

Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

Ebrea 11:35

Bininga bëngabi bëwu baban a bëkui a sòṅ. Bëngatibili bëvòg, bëtëbë na bësoe bò hë asu yë na bëbi akui-lë sòṅ ya ladaṅ nyëb.

Ekuli-mam 12:11

Ndò bëngatègè nyè asu mëki më ntomba ai asu ebug mbòòlan dzaban, ndò bandzëki diṅ enyiṅ dzaban akui a awu.

Ekuli-mam 2:10

Të hm wambara e mam wayi dzugi. Satan ayi woa bod bëvòg ya abë mina a mbog, asu yë na mibi mëbobëla, ndò miayi bi ndzug mëlu awom. Bòò mod-afidi, akëlë kui a awu, mëvë wa ekadi-duma enyiṅ.

Ekuli-mam 7:14

Ma ai nyè na: A Nti wama, wa wayëm dò. Nyè ai ma na: Mbò basò a mod ndzug eyëgan, ndò bëngamana sob biwòman biaban, bëmana bò na bifum a mëki më ntomba.