Mk 8:11 - MKPAMAṄ AMVOE Nouveau Testament en langue Ewondo 2012

¹¹ Ndò bëfarisea bazu, bëkèè na badoan ai nyè, bësiligi nyè na avë bò ndëm esòò a yob, bëbobolo nyè.

Mk 8:11 Iomraidhean Croise

Mt 12:38

Ndò bësaṅa bëkalara bëziṅ ai bëfarisea badzo ai nyè na: A ṅyëgëlë, biayi yen ndëm ziṅ esòò abë wa.

Mt 19:3

Ndò bëfarisea bëziṅ bëngasò hala na bazu nyè bobolo, bò na: Yë mod abëlë ngul ya asoe mininga woe asu kan etòm esë?

Mt 21:23

Ndò anganyian a tempel, bëfada bënen ai bënyia-bod-mvia ya nnam bësubu mfa angabë ayëgëlë, bò na: Wabò e mam ma ai ngul fe? Za ki angavë wa ngul te?

Mt 22:15

Bëfarisea bëkë hm bui esòg ha na babi nyè a nkòbò.

Mt 22:18

Mbol Yesus ayëmë olam waban, nyè na: Dze miabobolo ma, a e bod bë dzongo ba?

Mt 22:23

Amos te oben, ndò bësadukea bëngasubu nyè babi. (Mbò badzo na akui-lë sòṅ a sëki). Ndò basili nyè na:

Mk 12:15

Mbol ayëmë mëdugan maban, nyè ai bò na: Dze miabobolo ma? Zaan ai ma nsaṅ mòni, mëyen.

Mk 2:16

Ndò, bësaṅa bëkalara ai bëfarisea bëngayi yen anë adi ai bësëm ai bënòṅò bë toya, ndò badzo ai bëyègè boe na: Asu dze adi ai bësëm, ai bënòṅò bë toya?

Mk 9:16

Ndò asili bò na: Dze mialaṅëdan ai bò?

Lk 10:25

Ndò mod mvende ziṅan gakodo a si na abobolo nyè, nyè na: A ṅyëgëlë, mëbò dze asu yë na mëbi enyiṅ kòm?

Lk 11:16

Bëvòg bëngadzè nyè, bësiligi nyè na abò ndëm esòò a yob.

Yohannes 4:48

Yesus nyè ai nyè na: Ngë miandzë yen ndëm ai biyëṅ bi mam, mina tègè yëbë.

Yohannes 6:30

Bò ai nyè na: Ndëm fe wabò, asu yë na biyen, biyëbë fë wa? Wabò dze ben tug?

Yohannes 7:48

Za ya a bëdzoe ngë ki bëfarisea atam ya nyè ṅyëbë hala?

Yohannes 8:6

Bëngabë hm të bëdzoo e mam ma na babobolo nyè, asu yë na bëbi akalëga ya asòman nyè. Ndò të Yesus alumbu a si, angatil a mëtsò ai onyu.

Bisye bi Apostel 5:9

Petrus nyè ai nyè na: Dze yabò na mikui kiṅa bobolo nsisim Nti? Yënë, mëkol më e bod basò dzëb nyò nnom ma mëtëlë a mbè; bò fë bazu kë ai wa.

1Kor 10:9

Të biabobolo Kristus, akyaè ya bëvòg ya ete bëngabobolo, ndò nyò engamana bò woe.