Mk 6:51 - MKPAMAṄ AMVOE Nouveau Testament en langue Ewondo 2012

⁵¹ Ndò angabed a bëngabë a efunga, evundu esusu, bëngakam fò eyëgan a minnëm miaban.

Mk 6:51 Iomraidhean Croise

Mt 8:10

Awog Yesus angawog nala, ndò angakam, nyè ai e bod bëngabë biege nyè na: Bëbëla emen, makad mina, mabë ya ki yen e kan ṅyëbë nyi abë mod ziṅ a Israel.

Mk 1:27

Bësë bëngakam, bësiligi hm bëben na: Dze dzi? Mkpamaṅ dòkten ai edzoe esë; adzoe tò bëbe minsisim, mia miwogo nyè.

Mk 2:12

Ndò angatëbë a si, abëgë fë ondanga woe etye etye, akui, bod bësë bëtala, e kan yë na bësë bëngakam. Bëngalugu Zamba, bò na: Biabë ya ki yen e kan nyi eyòṅ efë!

Mk 4:39

Ndò angavëbë a oyò, angabam ai evundu, nyè ai maṅ na: A miëëṅ! Evol! Ndò evundu engasus, mod endindim antoa.

Mk 4:41

Bëngambara eyëgan, bëngakòbò a zaṅ bò a bò ha na: Za mod adi na tò evundu, tò maṅ biabò nyè mëwog?

Mk 5:42

Ndò mòngò angakodo a si etye etye, angawulu, amu hala atoa mimbu awom ai mibè. Mod wòṅ a susu bò a nyòl.

Mk 6:32

Ndò bakë a efunga, e hom ongabë a miëëṅ.

Mk 7:37

Bësë bëngakam adzo di eyëgan, bò na: Abò dzam asë hë mbëṅ, abò na mindondòg miwog, ai na mimvumvug mikòbò.

Yohannes 6:21

Bëngayi na banòṅ nyè a efunga, ndò fò efunga yakui e hom bëngabë këlëg.