Mk 16:19 - MKPAMAṄ AMVOE Nouveau Testament en langue Ewondo 2012

¹⁹ Eyòṅ hm Nti Yesus angamana lèè ai bò nala, ndò anganòṅëban a yob, atòbò a mbo-nnomo Zamba.

Mk 16:19 Iomraidhean Croise

Mk 16:20

Bò bëtye hm na bakë bayedan mbëmbë foe hom osë, Nti asye ai bò, ebug dzò elada minkaṅa i mësimba mëbòban ete. Amen.

Lk 22:69

Akègè etoa dzi, mòn mod ayi tòbò a mbo-nnomo ngul Zamba.

Lk 9:51

Eyòṅ mëlu yë na anòṅëban a yob mëngakui, ndò angatye na akë a Yerusalem.

Yohannes 13:1

Osusua abog Paska, mbol Yesus ayëmë na awola die asò ya na akodo e si nyi, adugan abë esya, mbol angadiṅ emboe ya bëngabë a si-ndon, ndò angadiṅ fò bò akui a mëmana.

Yohannes 16:28

Mëngasò abë tara, ndò mëngazu a si-ndon. Ndò madugan kodo a si-ndon, mëkëlë abë Tara.

Yohannes 17:13

Eyòṅ hm dzi, mazu abë wa, ndò makòbò e mam ma a si-ndon mu, asu yë na mintag miama midzie abë bò.

Yohannes 20:17

Yesus nyè ai nyè na: Obë ma namba, amu mabë ki bed abë tara. Këlëg a babëdzaṅ bënë, okad bò na: Mabed abë Tara ai esya waan, abë Zamba wam ai Zamba waan.

Yohannes 21:15

Eyòṅ bëtsama akag ha, Yesus nyè ai Simun Petrus na: A Simun man Yohannes, yë wadiṅ ma alodo eba? Nyè ai nyè na: Owe a Nti, wayëm na madiṅ wa. Nyè ai nye na: Nònëṅi mintomba miama.

Yohannes 21:22

Yesus nyè ai nyè na: Ngë mayi na alaṅan akëlë kui anë madugan zu, dze yabëbë wa ete? Mfag woe, biege ma.

Yohannes 6:62

Ngamëna ki eyòṅ miayi yen mòn mod abëdë mfa angabë osusua?

Bisye bi Apostel 1:22

atarigi a ṅduan Yohannes, azaag kui amos ya bënganòṅ nyè a yob a zaṅ dzaan; Layean na mbòg ya ete abò mbòòlò akui-lë sòṅ fufulu ai bia.

Bisye bi Apostel 2:33

Mbol mbo-nnomo Zamba angabede nyè, ndò anganòṅ ekaa Mfufub Nsisim abë esya, asoe nyè, akyaè ya miayen, miwogo fë di.

Bisye bi Apostel 3:21

ṅnyè yob layean soan ai nyè, akui abog e mam mësë Zamba angakòbò a kòm ya kòm a anyu mimfufub bëprofet boe matoban.

Roma 8:34

Za ayi kpèè a adzo? Kristus Yesus angawu, abadan afëdan, akui a sòṅ, ṅnyè anë a mbo-nnomo esya, akogëlan asu daan.

Kolosi 3:1

Ngë bëngakuli hm mina a sòṅ ai Kristus, dzëṅan mam ya yob, mfag ya Kristus atoa a mbo nnomo Zamba.

1Tim 3:16

Ndimba olugu Zamba enë hm fò anen bëbëla: Akulan a ngëëṅ a minson, abii mëkyëbë a nsisim, ayene benglès, bëyedan nyè a bëhaiden, bëyëbë nyè a si-ndon, akëlë a yob a duma ete.

Ebrea 1:3

Ṅnyè anë mfyè ya duma die, atoa fë ndëm nsi woe, abëgë dzom esë ai ngungul ebug woe, avëṅan esob-minsëm, atòbò a mbo-nnomo ati a yob ete,

Ebrea 12:2

bibëbë abë Yesus, ṅnyè angatye ṅyëbë hi, abò fë wa a saaṅ, ṅnyè angadzibi mintye ya klos asu e mintag mingabë nyè osu, abyandi osòn, ndò angatòbò a mbo-nnomo etoa-ati Zamba.

Ebrea 4:14

Mbol hm bibëlë mod fada-nen ya angamana daṅ yob, Yesus, mòn Zamba, ṅyëman a kpiim ai emëm-ṅyëbë.

Ebrea 6:20

mfag ya Yesus angakë bia mbil osu, anyian, abò fada-nen a kòm ya kòm a nkoṅ Melkisedek.

Ebrea 7:26

Amu e kan fada-nen nyi endzò fò bingabë kyëbëgë ai dzò: mod ngogëlan tègè ai mëdugan, tègè ai mvit a nyòl, tègè kalan dzom ai bësëm, amana lod yob asë.

Ebrea 8:1

Ntol ebug ya e mam bihë dzo onë na: Bibëlë e kan fada-nen nyi, a angatòbò a mbo-nnomo etoa-ati duma a yob,

Ebrea 9:24

Amu Kristus andzëki nyian a mfufub etòbògò ya onë nkoman ai mò më bod, a wafulan ai e hi onë mfaṅ; anganyian a yob ben, asu yë na akui Zamba a mis etoa dzi asu daan.

Petrus osu 3:22

ya angakë a yob, anë a mbo-nnomo Zamba. Benglès ai mintomba babò nyè mëwog.