Mk 16:16 - MKPAMAṄ AMVOE Nouveau Testament en langue Ewondo 2012

¹⁶ E mod ayi yëbë, aduban fë, ayi kodeban; e nyò ayi ki yëbë, ayi ku a nkad.

Mk 16:16 Iomraidhean Croise

Mt 28:19

Kaṅan hm, mikë miayëgëlë mëyòṅ mësë, miduu bò a dzoe Esya, ai Mòn, ai Mfufub Nsisim,

Mk 1:15

Abog akpaèn ya, ndò edzoe Zamba esubu ya babi: Tsendëgan, miyëbë mbëmbë foe.

Lk 8:12

E ba ya mgbag zen bënë e bod bawog. A mvus hala, Satan asòò, avaè bò ebug a minnëm asu yë na të bayëbë, bëkodeban.

Yohannes 20:31

E ma mëngatilban asu yë na miyëbë na Yesus anë Kristus, mòn Zamba; miyëbë, mibëlë enyiṅ a dzoe die.

Yohannes 3:36

E nyò ayëbë mòn, abëlë enyiṅ kòm. E nyò ki abyandi mòn, ayi ki yen enyiṅ, dzam da, olun Zamba obaa nyè a nyòl.

Yohannes 3:5

Yesus nyè ai nyè na: Amen, amen, makad wa na: e nyò andzëki dugan byali a mëndim ai nsisim, asëki dzam nyian a ayòṅ Zamba.

Yohannes 5:24

Amen, amen, makad mina na e mod awog ebug dzama, ayëbë fë e nyò angalom ma, abëlë enyiṅ kòm, ndò fë akë ki a nkat, dzam da, alod ya a enyiṅ, asòò a awu.

Yohannes 6:29

Yesus nyè ai bò na: Esye Zamba enë na, miyëbë e nyò emen angalom.

Yohannes 6:35

Yesus nyè ai bò na: Ma mënë mbaṅëla enyiṅ: e mod azu abë ma, ayi ki wog zie, ndò fë e nyò ayëbë ma ayi ki wog ekode tò eyòṅ.

Yohannes 6:40

Amu ṅyian Tara onë na: e nyò osë ayen mòn, ayëbë fë nyè, abëlë enyiṅ kòm, ma mëkuli fë nyè a sòṅ a amos mvua.

Yohannes 8:24

Mëkad mina na miayi wu a minsëm mian. Amu, ngë miayëbë ki na ma mënë, miayi wu a minsëm mian.

Bisye bi Apostel 10:43

Ṅnyè bëprofèt bësë babòòlò na e mod osë ayëbë nyè, ayi bëlë evaa-minsëm a dzoe die.

Bisye bi Apostel 13:39

e mod osë ayëbë nyè, abi mëkyëbë.

Bisye bi Apostel 13:46

Paulus ai Barnabas bëngakòbò ha ai azombo asë, bò na: Mina bihë yean tari kad ebug Zamba. Ndò hm mbol miatëb dzò, miyënë fë na miakyëbë ki ai enyiṅ kòm, ndò hm biakë a bëhaiden bënë.

Bisye bi Apostel 2:38

Petrus nyè ai bò na: «Tsendëgan, mod osë ya abë mina aduuban a dzoe Yesus Kristus asu evaè minsëm dzaan, abog te miayi bëlë efaè Mfufub Nsisim.

Bisye bi Apostel 2:41

E bod ba bëyëbë fò ebug dzie, bëduuban, ndò bod bëngabagëban bò a yob amos te dzam bò bakuda bëlè.

Bisye bi Apostel 22:16

Ndò hm, etoa dzi, asu dze wayanga? Kodogo a si, oduuban, minsëm mie mivaaban eyòṅ waloe dzoe die.

Roma 3:6

Tègè ai dzom! Ngë tègè ai nala, eyë Zamba anë dzam tsig si-ndon ntol ya?

Roma 4:24

dzam da asu daan fë amu bayi fë bia laṅ nala, e bia ya biayëbë e nyò angakuli Yesus, Nti waan, a bëkon,

2Tes 1:8

a nkabag ndoan, avaa e bod bayëm ki Zamba endëgëlë, ai e ba fë bandzëki bò mbëmbë foe Nti waan Yesus mëwog,

2Tes 2:12

ai na e ba bësë bandzëki ṅyëbë bëbëla, bëdiṅi hë nkòt, bod bëte bëtsigëban ntol.

Petrus osu 1:21

Asu die ngò mibële afidi abë Zamba ya angavëlë nyè a bëkon, avëë nyè duma, antoa hm na ṅyëbë waan ai afidi daan binë abë Zamba.

Petrus osu 3:21

Ṅduan ya onganòṅ mvulna ete ngò hm wakode mina etoa dzi, së ki na wavaè mina mvit a nyòl, dzam da onë ndzaan ya biadzaè Zamba nnëm sosoo onë a saaṅ, asu akui-lë sòṅ Yesus Kristus

Ekuli-mam 20:15

Ngë bandzëki kòb mod atoa ntilan a kalara enyiṅ, bawoa nyè a etëtag ndoan.

Ekuli-mam 21:8

Mfag miṅwowòṅ a i e ba bayëbë ki, e ba babò bëbe bë mam, bëwoe bë bod, bod bë ebamba, bod mëbiaṅ ai e ba balugu bëzamba ai e ba bësë babò minnal, ngab dzaban enë etëtag yadig ndoan ai sulfur; awu bèè dili.