Mk 10:52 - MKPAMAṄ AMVOE Nouveau Testament en langue Ewondo 2012

⁵² Yesus nyè ai nyè na: Këlëg, ṅyëbë woe onyii wa. Etye etye te, angadugan yen mbëṅ, ṅnyè akë atoṅ Yesus a zen nyò.

Mk 10:52 Iomraidhean Croise

Mt 11:5

Mindindim hm mi miayen, mimbombog miwulugu, minzëzam mibò mvoè, mindondòg miwogo, mimbim miwomëṅe a mësòṅ, mimbubua miwogo mbëmbë foe.

Mt 12:22

Ndò bakë sòṅ ai nyè ndindim obëlë mbë nsisim, otoa fë mvug, abòò wò mvoè e kan yë na mvumvug ongakòbò, oyënë fë.

Mt 15:28

Ndò Yesus angayalan nyè na: A mininga, ṅyëbë woe onë abui. Abò ai wa anë mbol wayi. Ngò dzie ebò hm fò mvoè etye etye te.

Mt 21:14

Ndò mindindim ai biyeyëm bëngasubu nyè babi a tempel. Amana bò bò mvoè.

Mt 8:3

Ndò angasam wò, anamba nyè, nyè na: «Mayi nala, bò mvoè.» Etye etye te, ndò zam dzie engalèdëban.

Mt 9:22

Ndò Yesus angakilan, ayënë nyè, nyè ai nyè na: Bò azombo, a ngò dzam. Ṅyëbë woe onyii wa. Mininga abòò fò mvoè etye etye te.

Mk 1:31

Ndò angasubu nyè babi, abii nyè a wò, ndò atele nyè. Ndò fiba engakodo nyè a nyòl, angabëlan ai bò.

Mk 5:34

Nyè ai nyè na: A ngò dzam, ṅyëbë woe onyii wa. Këlë tòbò mvoè, okòn woe oman ya.

Mk 8:25

Ndò adugan nyè bede mò a mis, angatoan yen, antoa mvoè, angatoan fò yen dzom esë.

Lk 7:50

Nyè ai mininga na: ṅyëbë woe onyii wa. Okëlë mvoè.

Lk 9:48

nyè ai bò na: E mod osë asoan ai e man mòngò nyò a dzoe dama, ma asoan ai nyè. E mod ki asoan ai ma, asoan ai e nyò angalom ma. Amu e nyò anë mëligi-mvua a mina bësë, ṅnyè anë mfaṅ a bui.

Yohannes 9:32

Akèègè koba, babë ya ki wog na mod ziṅan gayaè mis më e mod angabyali ndim.

Yohannes 9:39

Yesus nyè na: Mëngasò a e si-ndon nyi asu nkat, asu yë na e ba bayen ki bëyen, e ba bayen bëbò ndim.

Bisye bi Apostel 26:18

na mëyaè bò mis, na bëkodo a dibi, bëdugan a mfyè, bëkodo a ngul Satan, bëdugan abë Zamba, na bëbi evaa-minsëm ai ngab elig ai e bod bëfububan ai ṅyëbë bayëbë ma.