Mk 1:8 - MKPAMAṄ AMVOE Nouveau Testament en langue Ewondo 2012

⁸ Ma madu mina ai mëndim, nyè ayi hm mina du ai Mfufub Nsisim.

Mk 1:8 Iomraidhean Croise

Mt 3:11

Ma madu mina a mëndim asu avëṅan, e nyò azu ma a mvus anë ngul alodo ma; masëki nyè dzam tii bësilfas a mëkol. Ṅnyè ayi mina du a Mfufub Nsisim ai ndoan.

Mk 1:7

Ndò angabë ayëdëgan, nyè na: Mod azu ma a mvus, anë ngul alodo ma, mëbëlë ki ngul ya alumbu a si na matii nyè minkòl mi ngob.

Mk 1:9

Mëlu mëte, ndò Yesus angasò a Nazaret ya Galilea, ndò angaduban abë Yohannes a Yordan.

Lk 3:16

Yohannes nyè ai bò bësë na: Ma, madu mina a mëndim. E nyò anë ngul alodo ma azu; masëki nyè dzam suli nkòl ngob. E nyòlò te ayi mina du a Mfufub Nsisim ai a ndoan.

Yohannes 1:26

Yohannes nyè ai bò na: Ma madu bod a mëndim. Mod atëlë a zaṅ dzaan, miayëm ki nyè;

Yohannes 1:33

Mfa wama, mambë yëmë ki nyè, dzam da e nyò angalom ma na mëdu bod a mëndim ṅnyè angadzo ai ma na: 'E mod oṅyënë nsisim osusu, ozaa tòbò abë nyè, ṅnyè ayi du abë Mfufub Nsisim!'

Bisye bi Apostel 1:5

Yohannes angadu a mëndim, mfa waan, miayi duuban abë Mfufub Nsisim e mëlu mazu ma.

Bisye bi Apostel 10:45

E bëyègè ya bëngasò ai Petrus ha, a bëngabë nkëlan, bëngakam na efaè Mfufub Nsisim yasoeban bëhaiden a nyòl.

Bisye bi Apostel 2:17

Layi bò na, a mëmos më mvua, Zamba ṅnyè akòbò nala, mayi soe Mfufub Nsisim wama abë mod osë, abog te bëndoman baan ai bëngòn baan bayi kèè na bakòbò anë bëprofet, binanga bian biayi yen mam a nlo, minnom mingayen biyëyëm a nlo;

Bisye bi Apostel 2:4

ndò bò bësë bëngadzie ai Mfufub Nsisim, bëtari hm na bakòbò a minkòbò mifë, e kan nsisim ongabë obò na bëfala nkòbò.

1Kor 12:13

Amu bia bësë bingaduuban abë Nsisim mbòg na binë nyòl dzia, tò Yuden, tò Grek, tò bëlò, tò fili bod, ndò fë bia bisë binganyu Nsisim mbòg.