Lk 2:25 - MKPAMAṄ AMVOE Nouveau Testament en langue Ewondo 2012

²⁵ Ndò hm, mod ziṅan gabë a Yerusalem dzoe na Simeon, mod te atoa sosoo, atoa fë mod ngogëlan, ayanga evòli Israel, Mfufub Nsisim atoa abë nyè.

Lk 2:25 Iomraidhean Croise

Mk 15:43

ndò Yosef ya Arimatea, mfaṅ mod ya ekoan nnam, nyè fë angabë ayanga ayòṅ Zamba, ndò angabi azombo, akëlë abë Pilatus, adzaè nyè mbim Yesus.

Lk 1:41

Ndò hm, ṅnyie anë Elisabet angawog mësugan më Maria, mòn angafoṅan nyè a abum, ndò Elisabet adzie ai Mfufub Nsisim,

Lk 1:6

Bò bësë bëbè bëngabë sosoo a mis më Zamba, bëbaala mëmvende mësë, tègè ai atòn a mam më mvende.

Lk 1:67

Ndò esya woe Zakarias angadzie ai Mfufub Nsisim, ndò akòbò anë profèt, nyè na:

Lk 2:38

Abog te, ndò angasuan, angakaṅ Zamba, angalèè e bod bësë bëyanga akode Yerusalem adzo die te.

Lk 23:51

-nyè andzëki kui ai bò kiṅa oyili waban ai e dzam bëngabò- angabë mod ya Arimatea, tisòn bë Yuden, angabë ayanga edzoe Zamba,

Bisye bi Apostel 10:2

e mod nyò atoa mod ngogëlan, akama fë Zamba, ai nyè ai nda-bod dzie esë, abò akab abui ai nnam, akogëlan ai Zamba kòm esë.

Bisye bi Apostel 10:22

Bò na: Kornelius, ndzoe ntèd bëzimbi, sosoo mod, akama Zamba, ayòṅ Yuden asë lakam nyè. Mfufub englès okad na alom wa sòṅ loe okë a nda dzie, owog bibug bie.

Bisye bi Apostel 2:5

Yuden bëngabë bëtoa a Yerusalem, bëtoa bod bë ṅyëbë, bësòò a mëyòṅ mësë ya si.

Bisye bi Apostel 24:16

Asu te madzëṅ ai ngul esë na mëbi nnëm sosoo kòm esë a mis më Zamba ai a mis më bod.

Petrus bèè 1:21

Amu së ki a ṅyian mod ngò nkòbò profèt ongasò okoba, dzam da, bod bëkòbògò, lësòò abë Zamba, akyaè Mfufub Nsisim atindigi bò.