Lk 17:1 - MKPAMAṄ AMVOE Nouveau Testament en langue Ewondo 2012

¹ Nyè ai bëyègè boe na: asëki dzam bò na mëbobëla mëbò të bò, dzam da amala ai e mod azu ai mò.

Lk 17:1 Iomraidhean Croise

Mt 16:23

Ndò angavëṅan, nyè ai Petrus na: Kodogo ma a zen, a Satan, wayè ma zen. Amu wawog ki mam më Zamba, e ma më bod mmò wawog.

Mt 18:7

Amala ai si asu mbë mvulna. Amu, tò të anë mbëṅ mvulna asëki ai asaala, hë da amala ai e mod avë mbë mvulna te.

Lk 16:31

Nyè ai nyè na: Ngë bavogolo ki Moses ai bëprofèt, tò mod afyaṅan kë tëbë a bëkon, bayi ki yëbë.

Roma 14:13

Të biabad hm tsigan ntol bia bia, dzam da ṅyilan na mod ayi ki bò na manyaṅ aku, ngë asogolo nyè a nsëm.

Roma 16:17

A babëdzaṅ, makogëlan ai mina na mibò okala e bod batsam mina, bësogolo bod a nsëm, bëdzoge ayègè ya mina mingayègè; saalan bò.

1Kor 10:32

Të miabò mod ziṅ nnëm mintye, tò Yuden, tò Grek, tò nda-Zamba,

1Kor 11:19

Amu mimfèt miayean bò a zaṅ dzaan, asu yë na e bod bëbëlë mfaṅ ṅyëbë a zaṅ dzaan bëkui a ngëëṅ.

1Kor 8:13

Asu te hm, ngë bidi biasogolo madzaṅ a nsëm, mayi ki bad di tsit tò eyòṅ, asu yë na mëza sogolo madzaṅ a nsëm.

1Tim 4:1

Nsisim watoan ma kad na, a mëbog më mvua, bod bëvòg bayi ku a ṅyëbë, bëngabie minsisim mëdugan ai ayëgëlë bësatan,

Ekuli-mam 2:14

Hë da, mawog olun ai wa ai ban mam, amu onë ai e bod bayëbë ayëgëlë Balaam, nyè angayëgëlë Balak na asogolo bòn bë Israel na bëdi tsit ya bëngatuni bëzëzë bëzamba, ai na bëbò bisog.

Ekuli-mam 2:20

Dzam da, mawog olun ai wa na wadzoge e mininga anë dzoe na Yezabel, a adzo na anë profèt, ayëgëlë, akëlë fë ai bësye bama a ndimi, bëngabò bisog, bëdzaa e tsit bëngatuni bëzamba.