Kolosi 3:3 - MKPAMAṄ AMVOE Nouveau Testament en langue Ewondo 2012

³ Amu mingawu ndò enyiṅ dzaan esòlò ai Kristus abë Zamba.

Kolosi 3:3 Iomraidhean Croise

Mt 11:25

Abog te, Yesus nyè na: Makaṅ wa a Tara, Nti yob ai si, amu ongasòli mimfëfëg ai minkëkëṅ e mam ma, okulan mò ban bòngò.

Yohannes 14:19

Hë man eban, si-ndon tègè ma bad yen; mfag waan, miayi ma yen, amu manyiṅ, ndò fë miayi nyiṅ.

Yohannes 3:16

Amu yë na, Zamba angadiṅ si-ndon e kan yë na avëë mbaṅ mòn woe, asu yë na e nyò osë ayebë nyè, abë kë a ndzaṅ, hë da abëlë enyiṅ kòm.

Yohannes 4:14

E mod ki ayi nyu e mëndim ya mamen mayi nyè vë, ayi ki bad wog ekode tò eyòṅ, dzam da, e mëndim mayi nyè vë mayi vëṅan etam e mëndim masoe asu enyiṅ kòm.

Yohannes 5:21

Amu, e kan ya esya ahëlë mimbim, avaa enyiṅ, nala ngò fë mòn avë e nyò osë ayi na avë enyiṅ.

Yohannes 5:24

Amen, amen, makad mina na e mod awog ebug dzama, ayëbë fë e nyò angalom ma, abëlë enyiṅ kòm, ndò fë akë ki a nkat, dzam da, alod ya a enyiṅ, asòò a awu.

Yohannes 5:40

Ndò fë miayi ki na miazu abë ma asu yë na mibi enyiṅ.

Roma 5:10

Ngë eyòṅ bingabë minziziṅ mie, bingalad ai Zamba a awu mòn woe, ngamëna ai eyòṅ bilad ya dzi. Biayi kodeban a enyiṅ dzie.

Roma 5:21

asu yë na, e kan ya nsëm ongadzoe a awu, nala ngò fë maa adzoe ai mëkyëbë asu enyiṅ kòm a zaṅ Yesus Kristus Nti waan.

Roma 6:11

Mina fë yëman hm na minë ṅwuan a nsëm, minyiṅi ai Zamba abë Kristus Yesus.

Roma 6:2

Tègè ai dzom! E bia ya bingawu ya a nsëm, eyë binë dzam nyiṅ ete ya?

Roma 8:2

Amu mvende nsisim enyiṅ abë Kristus Yesus engakode wa a mvende nsëm ai awu.

1Kor 15:45

Akyaè ya anë ntilan na: Adam, e mod osu, ambëlë enyiṅ, e Adam mvua nyè abò ya hm nsisim wavë enyiṅ.

1Kor 2:14

E mod anë mod si, anòṅ ki mam më Nsisim Zamba. Amu mënë mam më akud asu die, ndò fë asëki mò dzam yëm, amu bawog mò hë a Nsisim.

2Kor 5:14

Amu ediṅ Kristus yayadan bia, mbol biayëm na mod mbòg angawu asu bod bësë, asu te bod bësë bawu.

2Kor 5:7

Amu biawulu ai ṅyëbe, biawulu ki ai ṅyenan biayen.

Galati 2:20

Së ki fë ma manyiṅ, Kristus ṅnyè anyiṅ a bë ma. Enyiṅ manyiṅ a nyòl, manyiṅ dzò a ṅyëbë mayëbë mòn Zamba ya angadiṅ ma, akaba fë emen asu dama.

Ef 3:9

na mëfyè bod bësë e kan babëlan ai e ndimba ya engabë esolò atarigi a bisëb bisëb abë Zamba ya angakom bisë,

Filipi 4:7

E mvoè Zamba yalod fëg esë yayi kala minnëm mian ai mintsogan mian abë Kristus Yesus.

Kolosi 1:5

asu afidi bënganyie mina a yob, a mingatari wog a ebug bëbëla mbëmbë foe

Kolosi 2:20

Ngë mingawu ai Kristus a mam më si, asu dze miadzoge na bëbò mina dòkten anë e bod banyiṅ a si ndon?

Kolosi 2:3

abë nyè ngò akuma fëg ai ayëmë asë asòlò.

Kolosi 3:4

Eyòṅ Kristus ayi kui a ngëëṅ, ṅnyè anë enyiṅ dzaan, abog te mina fë miayi kui a ngëëṅ ai nyè a duma.

Ebrea 7:25

Antoa hm na anë dzam kode e bod bakë abë Zamba bëlodo abë nyè nguma nguma, amu anyiṅ kòm esë na akogëlan asu daban.

Petrus osu 3:4

Nyanga dzaan ebòò e dzom esòlò a nnëm, abëṅ-nnëm ya landaman ki, evovoe nsisim; e mod anë ai mfi abui a mis më Zamba.

Petrus osu 4:2

e kan yë na angakë ai enyiṅ osu a nyòl, abim abog aligi ya, së ki fë ai miṅyian mi bod, dzam da a ṅyian Zamba.

1Yoh 3:2

A mindindiṅ miama, etoa dzi, binë bòn bë Zamba, hë da e dzom biayi bò yabë ki kulan. Biayëm na eyòn yayi kulëban, biayi bò anë nyè, amu biayi nyè yen akyaè anë.

Ekuli-mam 2:17

E nyò abëlë mëlò, awogo e dzam Nsisim wakad mënda më Zamba. Mayi vë zingi e manna asòlò, mayi fë nyè vë man ngòg afumu, mkpamaṅ dzoe ya mod ziṅ mfë ayëm ki, sësala hë e nyò anòṅ dzò, atoa ntilan a man ngòg te.