Galati 1:7 - MKPAMAṄ AMVOE Nouveau Testament en langue Ewondo 2012

⁷ mbëmbë foe mfë asëki, dzam da, bod bëziṅ bandëgëlë mina, bayi na batsende mbëmbë foe Kristus.

Galati 1:7 Iomraidhean Croise

Mt 24:24

Abui bë Kristus mëdugan ai beprofet mëdugan bayi sò, bëbòò biyëṅ bi mam asu yë na, ngë atoa ebugbu, bëngadug tò e ba bëngatòban.

Bisye bi Apostel 13:10

nyè na: A wa ya onë ndzalan ai mfugu osë, ai mvol esë, wa mòn Satan, wa nziziṅ sosoo, wayiyi ki tele adzo di na waandaman bëtëtëlë mëzen më Nti nga?

Bisye bi Apostel 15:24

Mbol biawog na bod bëziṅ ya abë bia basò mina ndëgëlë ai mam mëziṅ ya mëngadzugulu mina minnëm, mam mëte, biandzëki mò bende,

Bisye bi Apostel 20:30

ndò ben fë bod bëziṅ ya zaṅ dzaan bayi tëbë, bëngakòbò të dòkten mvol asu yë na bëdudu bëyègè a batoṅ bò.

2Kor 11:13

Amu bod bëte bënë apostel bë mvol, bod bisye bë mfugu, bayi na bayene anë apostel bë Kristus.

2Kor 2:17

Amu biasëki anë abui bod bakuan ai ebug Zamba, bia biasye a tëtëlë, biakòbò a nloman Zamba, a mis më Zamba, abë Kristus.

2Kor 4:2

bingadzoge fò hë e mam basòli asu osòn, bia të wulu ai mëkëṅ, tò ki a tsende ebug Zamba, dzam da, mbol biakad bëbëla a ngëëṅ ngò wayi bò na bod bëse bëyëbë bia a mis më Zamba.

Galati 1:6

Makam dò na mivol ya ki lum e nyò angaloe mina a maa Kristus mvus, na miakë a mbëmbë foe mfë;

Galati 2:4

Asu babëdzaṅ bë mvol ya bëngasuan fò ha, bëkëlë banyian na bafëb e fili dzaan bibëlë abë Yesus Kristus, asu yë na bëbò bia bëlò,

Galati 4:17

Bamvaman ai mina, së ki asu mbëṅ, dzam da bayi na bia mina bitsaman, asu yë na mimvaman ai bò.

Galati 5:10

Ma mayëm fò na abë Nti, mina miatsog ki dzom efë. E mod andëgëlë mina ambëgë ya mëku moe, tò anë za.

Galati 5:12

E bod bandëgëlë mina, bëmana ki tuban miag ana!

Galati 6:17

Mod abë ma dugan vë ndzug atarigi etoa dzi. Amu mëbëgë ndëm Yesus a nyòl dzama.

2Tim 2:18

mbò bënë a ndimi mfag ya bëbëla, badzo na akui-lë-sòṅ a bòban ya, ndò fë badzugulu ṅyëbë bod bëziṅ.

1Yoh 2:26

Maatil mina e mam ma mëtyan ai e bod bayi na badzèè mina, Bon bë Zamba.

1Yoh 4:1

A mindidiṅ miama, te miayëbë nsisim osë, dzam da tsasan minsisim, miyëm ngë miasò abë Zamba; abui bëprofèt mëdugan bëngasò ya a si-ndon;

2Yoh 1:10

Ngë mod ziṅ asò abë mina të yëgëlë ayegëlë di, të miabëlan ai nyè a mënda maan, të miasug nyè.

2Yoh 1:7

Amu abui bod mëdugan bëngasò a si-ndon, e ba bamëm ki na Yesus Kristus angasò a minson. E nyòlò te anë mod-minnal, atoa fë nziziṅ-Kristus.

Yudas 1:4

Amu bod bëziṅ bënganyian omomoa; bëngabë nkomëzan asu nkat te okoba; balugu ki Zamba; batsende maa Zamba waan entoa ebamba, bësiege ṅyëgëlë waan etam ai Nti waan Yesus Kristus.

Ekuli-mam 12:9

Ndò bëngawoe e ngaṅ-mëdzaa nyò, mod nnomo nyò, ṅnyè baloe na Satan, ṅnyè adug si-ndon esë, ndò bëngawoa nyè a si, ndò fë bëngawoa benglès boe fufulu ai nyè a si.

Ekuli-mam 13:14

ndò adug e bod bëtoa a si ai mëndëm ya bëngavë nyè ngul na abò a mis më tsit afan, akada e bod bëtoa a si na bëkom bivëgëlë asu e tsit afan bëngabali ai nyamëla okëṅ, enyiṅ ifë.

Ekuli-mam 19:20

Ndò bëngabi tsit afan, fufulu ai nyè ha, bëbii fë profèt minnal ya abò mësimba a mis moe, ete ngò bëkëlë a ndimi ai e bod bënganòṅ ndëm tsit afan ai e ba bëngabë bëluugu evëgëlë dzie. Ndò bëngawoa bò bësë bëbè bëtala a etëtag ndoan yadig ai sulfur.

Ekuli-mam 2:2

Mayëm mimboan mie, ai tuṅ dzoe ai azombo doe, ai na wadzibi ki e bod bënë abe, ndò fë ongakyègè e bod badzo na bënë apostel, ndë bò basëki apostel, ndò ongayen na bënë bod minnal.

Ekuli-mam 2:20

Dzam da, mawog olun ai wa na wadzoge e mininga anë dzoe na Yezabel, a adzo na anë profèt, ayëgëlë, akëlë fë ai bësye bama a ndimi, bëngabò bisog, bëdzaa e tsit bëngatuni bëzamba.

Ekuli-mam 2:6

Dzam da, wabò mbëṅ na, wafëm mimboan mi bod bë Nikolas ya mamen mafëm.

Ekuli-mam 20:3

awoa nyè a tolendoṅ, abudi ai zitam asu yë na të abada kë ai mëyòṅ a ndimi akëlë kui anë tòzin mimbu yatoban. A mvus hala, bayean nyè tii man etun abog.