Filipi 4:8 - MKPAMAṄ AMVOE Nouveau Testament en langue Ewondo 2012

⁸ A babëdzaṅ, mëngakë luu nkòbò na, e dzi esë enë bëbëla, e dzi esë enë sosoo, e dzi esë enë a saaṅ, e dzi esë yayean ai ediṅ, e dzi esë enë ntomba, e dzi enë mbëmbë fulu, ai dzam olugu, mam mëte mmò mitsogo.

Filipi 4:8 Iomraidhean Croise

Mt 22:16

Ndò bëngalom nyè bëyègè baban ai bod ya ngam Herodès bò na: A ṅyëgëlë, biayëm na onë bëbëla mod ai na wayëgëlë zen Zamba a bëbela ai na wawu ki dis asu nkoṅ mod.

Mk 6:20

Amu Herodes angabë ambarëga Yohannes, amu ayëmë na anë sosoo mod, atoa fë mfufub, angakaman ai nyè, ndò fë, afyaṅan bò na bibug bi Yohannes bibii nyè a nnëm, hë adiṅi avogolo nyè.

Lk 16:15

Nyè ai bò na: Mina mialëdë a mis më bod e kan minë sosoo, ndë Zamba nyè ayëm mina minnëm. Amu e dzi ya bod bakam enë zëzë a mis më Zamba.

Lk 2:25

Ndò hm, mod ziṅan gabë a Yerusalem dzoe na Simeon, mod te atoa sosoo, atoa fë mod ngogëlan, ayanga evòli Israel, Mfufub Nsisim atoa abë nyè.

Lk 23:50

Ndò hm të mod ziṅ, dzoe na Yosef, mbòg ya ekoan nnam, angabë mbëmbë mod ai sosoo,

Yohannes 7:18

E mod akòbò ai ngul dzie, adzëṅ duma die. E nyò adzëṅ duma e mod angalom nyè, e nyòlò te anë sosoo, ndò fë ebom-kama esëki abë nyè.

Bisye bi Apostel 10:22

Bò na: Kornelius, ndzoe ntèd bëzimbi, sosoo mod, akama Zamba, ayòṅ Yuden asë lakam nyè. Mfufub englès okad na alom wa sòṅ loe okë a nda dzie, owog bibug bie.

Bisye bi Apostel 22:12

Ananias ziṅ, mod ya abaala mvende mbëṅ, e Yuden bësë ya bëmbë toa we bëkama fë nyè,

Bisye bi Apostel 6:3

A babëdzaṅ, tòban bod ya bënë ai olugu a zaṅ dzaan zamgbal, bëtoa ndzalan ai nsisim, ai fëg; mbò biayi tele a esye dzi;

Roma 13:13

Wulugan tëtëlë anë biawulu ai amos, tègè ai abui ndian ngë mënyu, tègè ai adzo bibòn ngë ebamba, tègè ai zuṅa ngë mëkomga,

Roma 13:3

Amu e mod asye mbëṅ a mbara ki bëdzoe. E nyò asye abe ṅnyè ambara bëdzoe. Ngë wayi ki na ombara edzoe, bòò mbëṅ, wayi bi mëtamëna ete.

Roma 14:18

Amu e mod asye Kristus hala, anyëb Zamba a nnëm, bod bëkama fë nyè.

Roma 2:29

dzam da man Yuden anë e dzi esòlò, ndò fë nkëlan ya nnëm onë a nsisim, së ki a e mvende enë ntilan; Olugu woe asò ki a bod, asò abë Zamba.

1Kor 4:5

Asu te, të miatam tsig ntol ziṅ, ntye Nti abëki sò, ṅnyè ayi fyè e byem bisòlò a dibi, akuli miṅyian ya minnëm a ngëëṅ. Abog te Zamba ayi taman mod osë.

2Kor 13:7

Biakogëlan ai Zamba na të miabò evus ziṅ, së ki asu yë na bia biyene mimkpangos, dzam da, asu yë na mibò mbëṅ, bia bibò anë biasëki nkoṅ te.

2Kor 6:8

ai duma, ai osòn, ai bikag, ai mëtaman; tò banòṅ bia anë bod bë mvol ai bod bë bëbëla,

2Kor 8:18

Bialom mina madzaṅ mfë fufulu ai nyè, a bayëm asu esye mbëmbë foe dzie a mënda më Zamba mësë,

2Kor 8:21

Biabò okala na bibò mbëṅ, së ki hë a mis më Nti, tò ben a mis më bod fë.

Galati 5:22

Bibuma bi nsisim binë na: ediṅ, mintag, mvoè, fin, abëṅ-nnëm, afu-nnëm, ṅyëbë,

Ef 4:25

Asu te, dzogan minnal; Mod osë akòbògò bëbëla ai manyaṅ, amu binë bidzo, anë mod e dzi e nyò mbòg.

Ef 5:9

amu bibuma bi mfyè binë a abëṅ-nnëm asë, ai mëkyëbë, ai bëbëla.

Ef 6:14

Tëbëgan hm tëtëlë, mibòd bëbëla a angëdëg, mëkyëbë mëtoa mina eben,

Filipi 3:1

Mëngakë luu nkòbò na, a babëdzaṅ, taan abë Nti. Nala waandëgëlë ki na mëbaala mina e mam ma, nala onë ai mina mfi.

Kolosi 4:5

Wulugan a fëg asu bëhaiden, mitoan bëlan ai abog.

1Tes 4:12

asu yë na miwulu tëtëlë a mis më bod ya nsëṅ, tègè yaṅan ai mod.

1Tim 2:2

asu minkukuma ai asu eba bësë bëbëlë edzoe, asu yë na bënyiṅ evovoe, tègè ai endugëlan, ai olugu Zamba asë ai dzin.

1Tim 3:11

Dzam dëda fë, bininga bëbòò bod bë olugu, tègè ai bò mfòb, tègè diṅ mëyòg, bëbòò bod bë afidi a mam mësë.

1Tim 3:4

atoan tele nda dzie mbëṅ, abòò na bòn boe bëbò mëwog, abòò dzin abui;

1Tim 4:12

Të mod abyandi wa mbol ongënë mòngò; Obòò mvulna asu bëyëbë a nkòbò, a fulu, a ediṅ, a ṅyëbë, a fulu mfuban.

1Tim 5:10

awumu ai mimbëmbë mimboan: ngë anganèè bòn, ngë angabëlan ai bëyëṅ mbëṅ, ngë angasob mimfufub mëkol, ngë angavòli e bod bëbëlë mindzug, ngë angamvaman ai abëṅ dzam asë.

1Tim 5:2

obëlan ai bënyia bininga anë bënyoa, bëngòn anë bënyò bëkal a mfuban osë.

Titus 1:8

ayean bò afaṅ ai bëyëṅ, adiṅi e dzi enë mbëṅ, mod evovoe, sosoo, mod ngogëlan, ayëmë ban nnëm,

Titus 2:14

ya angakaban asu daan, asu yë na akode bia a nkòt osë, ai na afubu nyè emen akyaè ayòṅ etam, a lamvaman ai mimbëmbë mi mam.

Titus 2:2

Okad minnom mi bod na të banyu mëyòg, bëbòò e bod bakam, evovoe, bëbëlë mfaṅ ṅyëbë, mfaṅ ediṅ, mfaṅ fin.

Titus 2:7

a mam mësë, lëdëgë na wamen onë mvulna a mimbëmbë mi mam mësë, olëdëgë na onë a saaṅ a dòkten woe, ai dzin,

Titus 3:14

Bod baan bëtoan yègè mvaman ai mimbëmbë mi mam, asu mimfaṅ mëyaṅan, asu yë na të batòbò nala të bò esye.

Ebrea 11:2

Amu etere ngò bod ya okoba bëngayen maa.

Ebrea 13:18

Kogëlan asu daan, amu biayëm na sosoo waan anë a saaṅ, mbol biayi na bianyiṅ mbëṅ a mam mësë.

Yakobus 1:27

Olugu Zamba ya anë mfuban, tègè ai atòn a mis më Zamba anë na: akë bëbë ban bë nyui ai minkus a mindzug miaban, atòbò tègè ai akalëga a mam më si-ndon.

Yakobus 3:17

Fëg yasò a yob; e di osu, enë mfuban mfuban; a mvus hala, enë mvoè, evovoe, enë mëwog, enë ndzalan ai nnëm ngòl, ai mimbëmbë bibuma, tègè ai dzò ebom-kama, tègè ai dzò mëdugan.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

Petrus osu 2:12

Nyiṅan mbëṅ a zaṅ bëhaiden asu yë na, ngë bakë mina laṅ ebug anë bëbò bë abe, bëyen mimbëmbë mimboan mian, bëvë fë Zamba duma amos ayi bia sòṅ yen.

Petrus osu 4:8

A mam mësë, daṅan baala ediṅ dzaan a zaṅ mina mina a kpiim, amu ediṅ yabudi abui minsëm.

Petrus bèè 3:1

A mindindiṅ miama, e kalara bèè matil mina nyò. A bëkalara bëte bësë bëbè, mavëlë nnëm sosoo waan, mëtsogo mina mam,

1Yoh 3:18

A bòngò, te biadiṅ hë ai anyu, tò ki ai oyëm, ndiṅan ai mimboan, ai bëbëla.

1Yoh 3:3

Ndò e mod ose abëlë afidi abë nyè afubu emen, akyaè emen anë mfuban.

1Yoh 4:1

A mindidiṅ miama, te miayëbë nsisim osë, dzam da tsasan minsisim, miyëm ngë miasò abë Zamba; abui bëprofèt mëdugan bëngasò ya a si-ndon;