Filipi 3:19 - MKPAMAṄ AMVOE Nouveau Testament en langue Ewondo 2012

¹⁹ a mëmana, bayi dzaṅ, Zamba waban anë abum daban, bëbëlë duma a osama waban, mbò batsog hë mam më si.

Filipi 3:19 Iomraidhean Croise

Mt 16:23

Ndò angavëṅan, nyè ai Petrus na: Kodogo ma a zen, a Satan, wayè ma zen. Amu wawog ki mam më Zamba, e ma më bod mmò wawog.

Mt 25:41

Eyòṅ te ayi dzo ai e ba ya mbo-ngala na: Kodan ma a mis, a bod bë eyòk, mikë a e ndoan kòm bëngakomëzan asu Mbë Nsisim ai benglès boe.

Lk 12:19

abog te hm mayi dzo ai mamen na: A mod, obëlë abui akuma asu abui mimbu: waègi, odi, onyu, ofon.

Lk 16:19

Mod ziṅan gabë nkukuma mod, akarëga bòd biyie bi mòni, anyiṅi fë a mintag ha amos osë.

Lk 18:4

Ndò eban engakog, nyè të yi kom adzo. A mvus hala, ndò abindi, nyè na: Tò anë mambara ki Zamba, ma të kam mod,

Roma 16:18

Amu bò basye ki Nti waan Kristus, basye hë mëbun maban, bëngadug ban abobod ai mbëmbë nkòbò mvol.

Roma 6:21

Maan mëfe mingabi a e byem ya mingawog ya osòn ete bi? Amu amana daban anë hë nsëm.

1Kor 3:3

amu mingënë bod bë nyòl. Amu, ntye ya zuṅa ai esuṅu minkoṅ bingënë a zaṅ dzaan, nga mingënë bod bë nyòl, miwulugu fë hë anë bod batsog?

1Kor 5:2

Ndò minë hë enguṅ! Nga miayean bò mëyëb asu yë na e mod ahë bò dzam te akodo abë mina?

1Kor 5:6

Enguṅ dzaan esëki mbëṅ. Nga miayëm na man ekòsaṅ tsëtsat ṅnyè abò na ovug omana vus?

2Kor 11:12

E di mabò, mayi fë dò bò, asu yë na mëtsig e bod bayi zen te, na bëyen na bënë ai bia nkoṅ e dzam babò enguṅ ete.

2Kor 11:15

Nkënga osëki ete na bësye boe bëyene anë bësye mëkyëbë. Amana daban layi fë bò anë mimboan miaban.

Galati 6:13

Amu tò e bod bëben bënë nkëlan, babaala ki mvende, dzam da bayi na bakele mina, asu yë na bëbò enguṅ a nyòl dzaan.

Filipi 2:21

Amu bod bësë badzëṅ hë mfi waban, së ki e hi Yesus Kristus.

Kolosi 3:2

Tsogan mam ya yob, së ki e ma ya si.

2Tes 1:9

mbò bayi yaan endëgëlë anyama kòm, oyab ai mvòm asu Nti, oyab ai duma fim dzie,

2Tes 2:12

ai na e ba bësë bandzëki ṅyëbë bëbëla, bëdiṅi hë nkòt, bod bëte bëtsigëban ntol.

2Tes 2:8

Abog te mod-nkòt ayi kulëban, ṅnyè Nti Yesus ayi woe ai evundu ya anyu die, amana fë ndaman nkuan-ngëëṅ woe osë,

1Tim 6:5

minkòbò a zaṅ bod ya bëbelë ki sosoo a nnëm, tègè ai bëbëla, amu batsog na olugu Zamba azu ai mòni.

2Tim 3:4

bëkuan ai bod, enyënyam, mëbun, bëdiṅi mintag mi si mëyian yë na badiṅ Zamba.

Yakobus 4:16

Ndò hm të miabò enguṅ ai miṅyene mian. Kan enguṅ te esë enë abe.

Petrus bèè 2:1

Bë profèt minnal bënë a nnam, anë bëyëgëlë minnal bayi fë bò abë mina; mbò bayi sò ai mam më ngam ngam a mandaman bod, bëngasie Nti ya angakus bò. Bazu ai bò bëben amala lavol bòban.

Petrus bèè 2:13

Bayi bi maan më nkòt asu nkòt waban. Bayen na anë bivoe na babò ezëzam ai amos; Bënë adzo mvit osama, eyòṅ babò mëbog ai mina, bëbòò ezëzam a basòṅ mina.

Petrus bèè 2:3

a ndòg a yob, bayi dian ai mina ai e mam batye a nlo. Nkat waban wazuzu ya wabò esye, ndò fë amala daban lakë ki oyò.

Yudas 1:10

Dzam da e ba bamgbali e dzi esë bayëm ki, e byem ya bayëm nala tègè ai fëg anë tsit yabëlë ki nlo yayëm, etere ngò badzaṅ.

Yudas 1:16

Bod bëte mbò balòdan, bësaṅan; batoṅ hë miṅyian miaban, ndò fë anyu daban lakòbò minkòbò mi enguṅ, babòlan bod ai ezëzëk nkòbò.

Yudas 1:4

Amu bod bëziṅ bënganyian omomoa; bëngabë nkomëzan asu nkat te okoba; balugu ki Zamba; batsende maa Zamba waan entoa ebamba, bësiege ṅyëgëlë waan etam ai Nti waan Yesus Kristus.

Ekuli-mam 18:7

Akyaè angalugu emen, anyiṅi fë enyiṅ endaman, vaan nyè endëgëlë ai mëlunga. Amu adzo a nnëm woe na: Mëtoa ha, mënë nkukuma, masëki nkus, maangayen ki mëlunga.

Ekuli-mam 19:20

Ndò bëngabi tsit afan, fufulu ai nyè ha, bëbii fë profèt minnal ya abò mësimba a mis moe, ete ngò bëkëlë a ndimi ai e bod bënganòṅ ndëm tsit afan ai e ba bëngabë bëluugu evëgëlë dzie. Ndò bëngawoa bò bësë bëbè bëtala a etëtag ndoan yadig ai sulfur.

Ekuli-mam 21:8

Mfag miṅwowòṅ a i e ba bayëbë ki, e ba babò bëbe bë mam, bëwoe bë bod, bod bë ebamba, bod mëbiaṅ ai e ba balugu bëzamba ai e ba bësë babò minnal, ngab dzaban enë etëtag yadig ndoan ai sulfur; awu bèè dili.

Ekuli-mam 22:15

Bayi ligi a nsëṅ na: mvu, bod mëbiaṅ, bod bë ebamba, bëwoe bë bod, e ba balugu bëzamba, e nyò osë adiṅ minnal, abòò fë minnal.