Filipi 3:18 - MKPAMAṄ AMVOE Nouveau Testament en langue Ewondo 2012

¹⁸ Amu abui bod banyiṅ hala -mazuzu ya makad mina adzo daban, etoa dzi makad mina dò mëyono- bënë minziziṅ mi klos Kristus,

Filipi 3:18 Iomraidhean Croise

Lk 19:41

Ndò eyòṅ angakui babi, ayënë tisòn, ndò angayon dzò a nyòl,

Bisye bi Apostel 20:19

mësye Nti ai edzòdi nyòl esë, ai bibëga a mis, ai e mëbobëla ya Yuden bëngalam ma,

Roma 9:2

na nnëm onë ma ndzugulan abui, ndò fë mintye minë ma a nnëm kòm esë.

1Kor 1:18

Amu anë hm na, asu bod ya ndzaṅ, ebug klos enë nkòbò akud, etoa hm ngul Zamba asu bia ya binë nkodan.

1Kor 6:9

Yë na miayëgan na bod bë abe bayi ki bi ngab-elig edzoe Zamba? Të miatòbò a ndimi hala: tò bod bisog, tò bëlugu bëzëzë bëzamba, tò bod bë ngòbinda, tò e fam yaboman bò bò, tò e bininga baboman bò bò,

2Kor 11:13

Amu bod bëte bënë apostel bë mvol, bod bisye bë mfugu, bayi na bayene anë apostel bë Kristus.

2Kor 11:29

Za akòn, mëtoa të kòn ai nyè? Za aku a nsëm, ma tègè dò wog abe?

2Kor 2:4

Amu mëngatil mina a zaṅ mindzug ai nyënya a nnëm, ai abui bibëga, së ki asu yë na miwog olun, da asu yë na miyëm abui ediṅ mëbëlë asu daan.

Galati 1:7

mbëmbë foe mfë asëki, dzam da, bod bëziṅ bandëgëlë mina, bayi na batsende mbëmbë foe Kristus.

Galati 2:14

Dzam da, eyòṅ mëngayen na basëki a tëtëlë zen bëbëla ya mbëmbë foe, ndò madzo ai Kefas a bod ete na: Ngë e wa ya onë man Yuden waanyiṅ anë man haiden, së ki anë man Yuden, eyë onë dzam nòdi bëhaiden na bënyiṅ anë Yuden ya?

Galati 2:21

Masole ki efaè Zamba. Ngë mëkyëbë masò a mvende, oyëmë na Kristus angawu a zëzë.

Galati 5:21

mëkomëṅa, nsògan mëyòg, ndòg ai e mvòṅ mam nyili, mmò matari mina kad, e kan fë mëngatari kad na e bod babò e mam ma bayi ki bi ngab a edzoe Zamba.

Galati 6:12

Abui dzam ya badzëṅ duma a nyòl, mbò bayi na bakele mina a ngul, hë asu yë na të bafëm bò etòm klos Kristus.

Galati 6:14

Mfag wama, masëki dzam bò enguṅ, së na a klos Nti waan Yesus Kristus, abë nyè ngò si-ndon engabomban a klos asu dama, ma fë mëbomban asu si-ndon.

Ef 4:17

Makad mina dò ndò fë makogëlan ai mina abë Nti: të miadugan nyiṅ anë bëhaiden banyiṅ a mvol nnëm waban,

Filipi 1:4

e ngogëlan makogëlan asu daan kòm esë, mëbòò dò ai mintag,

1Tes 4:6

të bò evus ngë adug manyòṅ a mam më enyiṅ, amu Zamba akun e mam mësë mala, akyaè ya bingatari mina kad ndò fë biabòòlò dò a ngëëṅ.

2Tes 3:11

Amu biawog na bod bëziṅ banyiṅ a bë mina we ezëzam, tègè sye tò dzom, hë akë afudi anyu hom osë.

Petrus bèè 2:10

adaṅ adaṅ a eba babie nyòl a bëbe miṅyian, bëbyandigi ati. E bod mëbun bakam ki dzom, bambara ki mgbali mimbëmbë benglès,

Yudas 1:13

Bod minsum mëndim ya maṅ, bëkuligi avul ya osòn waban, atitie ya lawulu, a bëngakomëzan ebe ndoan ya dibi a kòm ya kòm.