Filipi 3:10 - MKPAMAṄ AMVOE Nouveau Testament en langue Ewondo 2012

¹⁰ na mëyëm nyè, mëyëm fë ngul akui-lë sòṅ die ai anòṅ ngab a mintye mie, na mëfulan fë ai nyè a awu die,

Filipi 3:10 Iomraidhean Croise

Mt 20:23

Nyè ai bò na: Miayi hm fò nyu kòb dzama; dzam da, mfa yë na miatòbò ma a mbo-nnomo ai mbo-ngala, së ki ma makab bitoa bite; Tara angamana ya tòb bod.

Yohannes 10:18

Mod afadi ki ma dzò, dzam da, mamen makab dzò, mëbëlë fë ngul ya adugan dzò nòṅ. Mënganòṅ e mvende nyili abë Tara.

Yohannes 17:3

Enyiṅ kòm dzò enë na bëyëm wa, Zamba mbòg ai bëbëla, ai e nyò ongalom, Yesus Kristus.

Roma 8:17

Ngë binë hm bòn, binë fë bëkaban bë elig. Mbol binë bëkaban bë elig Zamba, biakaban dzò ai Kristus, ngë bibi mintye ai nyè, asu yë na binòṅ ngab a duma die.

Roma 8:29

Amu e ba angatari yëm osusua, atele fë bò na bëfulan ai mòn woe, asu yë na abò ntol mòn a zaṅa bui babënyaṅ.

Roma 8:36

Akyaè anë ntilan na: Etòm dzoe endzò biawu nguma ntye amos, bëngatele bia etye mintomba ya bakë tsig.

2Kor 1:10

Ṅnyè angakode bia a awu, ṅnyè fë ayi kode, ṅnyè bingafidi, ndò fë ayi kode,

2Kor 1:5

na akyaè ya mintye mi Kristus miafuguzu abë bia, awone dan afuguzu asu Kristus.

2Kor 13:4

Amu angaboman a klos etòm ntëgan nyòl, dzam da anyiṅ ai ngul Zamba. Amu bia binë ntëgan abë nyè, dzam da bianyiṅ ai nyè, ai e ngul Zamba yazu abë bia.

Galati 2:20

Së ki fë ma manyiṅ, Kristus ṅnyè anyiṅ a bë ma. Enyiṅ manyiṅ a nyòl, manyiṅ dzò a ṅyëbë mayëbë mòn Zamba ya angadiṅ ma, akaba fë emen asu dama.

Galati 6:17

Mod abë ma dugan vë ndzug atarigi etoa dzi. Amu mëbëgë ndëm Yesus a nyòl dzama.

Ef 4:13

akëlë kui anë bia bësë biakui a ṅyëbë mbòg ai ṅyëman mòn Zamba mbòg, a okala nyia-modo, akëlë kui a etye biabi Kristus ntud,

Filipi 3:8

Ndò mëngayen yen na mam mësë mënë ma edzèè abog etòm ayëmë-lë Kristus Yesus Nti wama, ya anë mbëṅ ya walod bisë, asu die ngò dzom esë yavëṅan zëzë, mëyënë na enë hë akun, asu yë na mëdò ai Kristus,

Kolosi 1:24

Etoa dzi, matag a mindzug misë asu daan, ndò fë madzala a minson miama, e dzom yadzëman a mindzug mi Kristus asu nyòl dzie ya enë nda Zamba.

Kolosi 2:13

Ndò hm e mina ya mingabë ṅwuan a minsëm mian ai mbol tègè ai akele nyòl dzaan, angadugan mina vë enyiṅ ai nyè emen, adzuu mina bivus bisë.

Kolosi 3:1

Ngë bëngakuli hm mina a sòṅ ai Kristus, dzëṅan mam ya yob, mfag ya Kristus atoa a mbo nnomo Zamba.

Petrus osu 1:3

Ngaṅ ai Zamba esya Nti waan Yesus Kristus ya angabò na, a ṅyian abui ngòl die, midugan byali a vëvëë afidi ai akui-lë sòṅ Yesus Kristus a bëkon,

Petrus bèè 1:13

Mayen na anë sosoo na, ntye ya mëngënë a e nyòl nyi, mëvëlë mina a oyò ai ntsogan matsog mina mam,

1Yoh 2:3

Na hm ngò biayëm na bingayëm nyè: ngë biabaala mëmvende moe.

1Yoh 2:5

E nyò abaala ebug dzie, ediṅ Zamba yadzie abë nyè mfaṅ; nala ngò biayëm na binë abë nyè.

Ekuli-mam 1:18

e mod avëë, mëngabë ṅwuan, dzam da yënë, mëvëë a bisëb bisëb, ndò fë mëbëlë bidibiga ya awu ai e bi ya Hades.