Filipi 2:9 - MKPAMAṄ AMVOE Nouveau Testament en langue Ewondo 2012

⁹ Asu te ndò Zamba nyè angabede nyè, avëë nyè e dzoe lalod dzoe asë,

Filipi 2:9 Iomraidhean Croise

Mt 11:27

«Tara angavë ma dzom esë; mod ziṅ ayëyëm mòn, ngë së Tara, mod ziṅ ayëyëm Tara ngë së mòn, ai e nyò mòn ayi na akulan dò.

Mt 28:18

Ndò Yesus angasubu bò babi, nyè ai bò na: Ngul esë engavëëban ma, tò a yob, tò a si.

Lk 10:22

Tara angavë ma dzom esë, ndò fë mod ziṅ ayëm ki mòn, ngë së ki esya; mod ziṅ ayëm ki tara, ngë së ki mòn ai e mod mòn ayi na akulan dò.

Yohannes 13:3

mbol ayëmë na esya angavë nyè dzom esë a mò, ai na angasò abë Zamba, ndò fë adugan abë Zamba,

Yohannes 17:11

Ndò hm, masëki fë a si-ndon; mfa waban, bënë a si-ndon; ma, mazu abë wa. A Tara ya onë mfufub, baala bò a dzoe doe ya ongavë ma, asu yë na bëbò dzom dzidzia anë bia.

Yohannes 17:12

Eyòṅ mëngabë ai bò, mëbaala bò a dzoe doe ya ongavë ma, mëkalëga fë bò, ndò mod ziṅ ya abë bò andzëki dzaṅ, sësala hë mòn ndzaṅ-kòm, asu yë na Ntilan odzalëban.

Yohannes 17:5

Ndò hm, etoa dzi, wamen, a Tara, vaa ma duma, e kan mëngabë mëbëlë a mgbag dzoe osusua yë na si yazu bò.

Bisye bi Apostel 5:31

Zamba abede nyè a wò mbo-nnomo woe na abò etòṅ-ntomba ai nkode, ai na avë Israel ntsendan enyiṅ ai evaè minsëm.

Ef 1:10

na eyòṅ zul mëtiṅ engaboman, abò na Kristus abò nlo byem bisë, tò ebi ya yob, tò ebi ya si, abë nyè.

Kolosi 1:18

Anë nlo nyòl, nyòl ya enë nda Zamba. Ṅnyè anë mëtari, ntol ya bëkon, Asu yë na atëbë osu a mam mësë,

2Tes 1:12

asu yë na dzoe Nti waan Yesus abi duma abë mina, mina fë abë nyè, anë maa Zamba waan ai Nti Yesus Kristus ayi.

Ebrea 1:4

akyaè alod benglès a ngul, nala ngò fë angabi e dzoe ya lalod endaban.

Ebrea 1:9

Ongadiṅ mëkyëbë, ofëmë nkòt; Asu te, a Zamba, Zamba angawòbò wa mbòn ai mbòn mintag, alodo anë awòbò bëmvoe boe.

Ebrea 12:2

bibëbë abë Yesus, ṅnyè angatye ṅyëbë hi, abò fë wa a saaṅ, ṅnyè angadzibi mintye ya klos asu e mintag mingabë nyè osu, abyandi osòn, ndò angatòbò a mbo-nnomo etoa-ati Zamba.

Ebrea 2:9

E Yesus ya benglès bëngabë bëlodo hë asu man etun abog, ṅnyè biayen abëgë ekadi ai olugu asu mintye mi awu, asu yë na, ai maa Zamba, adëmëlë awu asu bod bësë.

Petrus osu 3:22

ya angakë a yob, anë a mbo-nnomo Zamba. Benglès ai mintomba babò nyè mëwog.

Petrus bèè 1:17

Amu eyòṅ angabi olugu ai duma abë Zamba esya, eyòṅ ki lëngasò nyè a yob anë ati-ati duma na: Ndindiṅ mòn wama hi, ṅnyè mëngafuu nnëm,

3Yoh 1:7

Asu doe ndò bëngakèè ai dulu, të ṅyëbë e dzom bëhaiden bavë bò.

Ekuli-mam 1:5

ai abë Yesus Kristus, wusnèt, mod-afidi, ntol bëwu ai ndzoe minkukuma ya si. E mod angadiṅ mina, atii mina a minsëm mian ai mëki moe,

Ekuli-mam 11:15

Ndò englès zamgbala angalòṅ tòṅ. Ndò kiṅ engasò abui a yob na: Edzoe si-ndon ebò ya edzoe Nti waan ai Kristus woe, ayi dzoe a bisëb bisëb.

Ekuli-mam 19:16

Dzoe anë nyè ntilan a abè ai a eyie na: Nkukuma minkukuma ai Nti bëti.

Ekuli-mam 3:21

Mayi bò na zingi etòbò ai ma a etoa-ati dzama, akyaè ya mamen mëngakui zingi, mëtòbò fë ai Tara a etoa-ati dzie.

Ekuli-mam 5:12

bëkòbògò a yob ete na: Ntomba ya bëtsig wakyëbë na onòṅ ngul ai akuma, ai fëg, ai fim, ai olugu, ai duma ai mëtaman.