Filipi 2:5 - MKPAMAṄ AMVOE Nouveau Testament en langue Ewondo 2012

⁵ Bëlëgan e mintsogan Kristus angabë abëlë abë nyè emen,

Filipi 2:5 Iomraidhean Croise

Mt 11:29

Bëëgan efanga dzama, miyègè fë abë ma na mënë evovoe ai edzòdi nyòl, eyòṅ te miayi bi awaè asu enyiṅ dzaan.

Lk 22:27

Za hm anë nkoṅ a yob, yë e mod atoa a tëbëlë bidi, yë e nyò asye? Së e nyò atoa a tëbëlë a? Ma mënë hm a zaṅ dzan anë e mod asye.

Bisye bi Apostel 10:38

akyaè ya Zamba angawòbò Yesus ya Nazaret mbòn ai Mfufub Nsisim, ai ngul; Yesus te ṅnyè akëlë abò mbëṅ, asye e bod bësë ya Satan angatëgë, mbol Zamba angabë ai nyè.

Bisye bi Apostel 20:35

Mëngalëdë mina mvulna a dzom esë na eyòṅ mod wasye nala, wavòli mintèd, bitsogo hm fë bibug ya Nti Yesus angakòbò na: Anë maa abui, eyòṅ wavë alodo anë eyòṅ waanòṅ.

Roma 14:15

Amu ngë manyòṅ awog e dzom wadi abe, wa wawulu ki fë a zen ediṅ. Dzoge kë ai e nyò ya Kristus angabudan ai nyè a elëlëb hë asu bidi.

Roma 15:3

Amu Kristus andzëki dzëṅ hë mintag mie, hë mbol anë ntilan na: Mëtè më e bod bëtèè wa mëngakubi ma a nyòl.

Roma 15:5

Zamba azombo ai evòli avaa mina na mitsog a zaṅ dzaan anë Kristus Yesus,

1Kor 10:33

akyaè ya mamen madzëṅ na mënyëb bod bësë a nnëm a mam mësë, ma tègè dzëṅ e dzi enë ai ma mfi, mëdzëṅë hë mfi abui bod, asu yë na bëkodeban.

Ef 5:2

nyian a ediṅ anë Kristus angadiṅ mina, ndò fë angakab emen anë mëtunëṅa ya manyum mbëṅ abë Zamba.

Filipi 1:1

Paulus ai Timoteus, bësye bë Kristus Yesus, biatil mimfufub misë minë abë Kristus a Filipi, ai bëtëbë bë osu ai bëbò bë esye,

Petrus osu 2:21

Amu ndò bëngaloe mina ai dò, amu Kristus angadzugi mintye asu daan, aligi mina mvulna asu yë na mibie nyè e hom atele mëkol,

Petrus osu 4:1

Mbol hm Kristus angabi mintye a nyòl, nòṅan hm mintsogan mie na mibò mina bikpële, amu e mod angadzugi mintye a nyòl avòd ya adzo nsem

1Yoh 2:6

E nyò adzo na atòbò abë nyè, ayean wulu anë nyè fë angawulu.