Filipi 2:11 - MKPAMAṄ AMVOE Nouveau Testament en langue Ewondo 2012

¹¹ ai na anyu asë amëm na Yesus Kristus anë Nti, asu duma Zamba esya.

Filipi 2:11 Iomraidhean Croise

Mt 10:32

E nyò osë angâmëm ma a mis më bod, ma mëngâmëm nyè a mis më Tara ya anë a yob.

Lk 2:11

na, ana hi, nkode ya anë Kristus Nti abyali mina a tisòn David.

Yohannes 12:42

Tò hm të nala, abui bëvòg ya bëdzoe bëngayëbë nyè, dzam da, asu bëfarisea, bò të nyè mëm asu yë na bëzaa kuli bò a nda-bikoan a nsëṅ.

Yohannes 13:13

Mialoe ma na: ṅyëgele ai Nti; miabò fò mbëṅ, amu anë nala.

Yohannes 13:14

Ndò hm, ngë e ma ya mënë ṅyëgele ai Nti, mëhë sob mina mëkol, mina fë miayean soban mina mina mëkol.

Yohannes 14:13

Ndò e dzi miayi dzaè a dzoe dama, mayi dò bò, asu yë na Tara avëëban olugu abë mòn.

Yohannes 14:23

Yesus nyè ai nyè na: Ngë mod ziṅ adiṅ ma, ayi baala ebug dzama, ndò Tara ayi nyè diṅ, ndò biayi sò abë nyè, bikomo etoa abë nyè.

Yohannes 17:1

Amana angamana kòbò e mam ma, ndò Yesus angabede mis a yob, nyè na: A Tara, awola asò ya. Vaa nyò mòn duma, asu yë na nyò mòn avë wa duma,

Yohannes 20:28

Tomas nyè ai nyè na: A Nti wama ai Zamba wama.

Yohannes 5:23

asu yë na bod bësë bëkam mòn anë bakam esya. E mod akam ki mòn, akam ki tò esya ya angalom nyè.

Yohannes 9:22

Bëbonde boe bëngakòbò nala mbol bëmbarëga Yuden. Amu hala Yuden bëvë ya abende na ngë mod ziṅ amëm Kristus, bëkuligi nyè a nda-bikoan a nsëṅ.

Bisye bi Apostel 10:36

Angalom bòn bë Israel ebug, ayedëgan mbëmbë foe mvoè a anyu Yesus Kristus, ṅnyè anë Nti bësë;

Bisye bi Apostel 2:36

Ndò hm, nda-bod esë ya Israel eyëmë na e Yesus ya mina mingabomë a klos, ṅnyè Zamba atele Nti ai Kristus».

Roma 14:11

amu anë ntilan na: Sòṅ hë anë mënë na, Nti ṅnyè akòbò nala, mëbòṅ mësë mayi ma kudëban a si, ndòṅ fë oyëm osë wayi ma kaṅ.

Roma 14:9

Amu asu te ndò Kristus angawu ndò fë anganyiṅ, asu yë na abò Nti bëwu ai bënyiṅ.

Roma 15:9

na bëhaiden bëvë Zamba olugu asu ngòl, akyaè anë ntilan na: Asu te mayi wa taman a zaṅ bëhaiden, mëyiègè fë bia asu olugu dzoe doe.

1Kor 12:3

Ndò hm makad mina na, mod ziṅ asë dzam bò na, akòbò ai ngul Nsisim Zamba nyè na: Amala ai Yesus! Ndò fë mod ziṅ asëki dzam dzo na: Yesus anë Nti, ngë tègè ai ngul Mfufub Nsisim.

1Kor 15:47

E mod osu atye a mbòdòg ya si, e mod bèè asò a yob.

1Kor 8:6

asu daan, Zamba anë hë mbòg, esya ya dzom esë yatye abë nye, bia bitoa fë asu die, Nti Yesus Kristus anë mbòg. Byem bisë binë a dzoe die, bia fë hë a dzoe die.

Petrus osu 1:21

Asu die ngò mibële afidi abë Zamba ya angavëlë nyè a bëkon, avëë nyè duma, antoa hm na ṅyëbë waan ai afidi daan binë abë Zamba.

1Yoh 4:15

E nyò amëm na Yesus anë mon Zamba, Zamba atoa abë mod te, nyè fë abë Zamba.

1Yoh 4:2

Na ngò miayëm Nsisim Zamba: Nsisim osë wamëm na Yesus Kristus angasò a minson wasò abë Zamba,

2Yoh 1:7

Amu abui bod mëdugan bëngasò a si-ndon, e ba bamëm ki na Yesus Kristus angasò a minson. E nyòlò te anë mod-minnal, atoa fë nziziṅ-Kristus.

Ekuli-mam 3:5

Zingi yayi bòd mimfum biwòman nala, ndò fë mayi ki dim dzoe die a kalara enyiṅ; mayi mëm dzoe die a mis më Tara ai a mis benglès boe.