Filipi 1:27 - MKPAMAṄ AMVOE Nouveau Testament en langue Ewondo 2012

²⁷ Nyiṅan hë mbol wayean ai mbëmbë foe Kristus asu yë na tò mësò, mëyënë mina, tò masëki we, mëwodan minlaṅ mian, na mitëlë a kpiim ai nsisim mbòg, nnëm mbòg, mikëan a ṅyëbë mbëmbë foe,

Filipi 1:27 Iomraidhean Croise

Mt 12:25

Mbol angabë ayëmë mintsogan miaban ndò adzo ai bò na: Edzoe esë enë nkaban a zaṅ, ngam ngam, yawoe eben. Ndò fë e tisòn esë ngë nda enë nkaban a zaṅ, esë ki dzam tòbò kòm.

Bisye bi Apostel 2:46

Amos osë, bò bësë, nnëm mbòg mbòg, bëkëlë a tempel, bëbëgë mbaṅëla a mënda maban, bëkaban bidi ai mintag, ai dzin a nnëm,

Bisye bi Apostel 24:24

A mvus mëlu ha, Felis atoa ai ngal woe Drusila, ngòn Yuden, ndò alom loe Paulus, bëngavogolo mam më ṅyëbë Kristus Yesus.

Bisye bi Apostel 4:32

Nkunda e bod bënganyian a ṅyëbë ongabë hë nnëm mbòg mbòg, ai nsisim mbòg mbòg, tò mod të dzo na dzom dzie yawoge ai nyè, byem biaban bingabë bò hë fufulu.

Roma 1:16

Amu mawog ki osòn asu mbëmbë foe, amu anë ngul Zamba asu akode e mod osë ayëbë, atarigi ai man Yuden, a mvus hala, man Grek.

Roma 1:5

Abë nyè ngò binganòṅ ntotomamaa ai esye apostel asu yë na, a dzoe die, biyëgëlë abò mëwog a ṅyëbë a zaṅ bëhaiden bësë.

Roma 1:9

Amu e Zamba ya masye a nsisim wama ai mbëmbë foe anë ma mfaṅ mbòòlò na matsog mina tègè ku sòm,

Roma 10:8

Ndò hm wadzo ya? Ebug enë wa babi, a anyu doe ai a nnëm woe, nala watyan na ebug ṅyëbë ya biabende.

Roma 15:16

asu yë na mëbò mbò-esye Yesus Kristus asu bëhaiden, mëbò esye mbëmbë foe Zamba asu yë na mëtunëṅa bëhaiden mëbò akyaè layean, mëfuban fë abë Mfufub Nsisim.

Roma 15:29

Amu mayaṅan na eyòṅ mazu abë mina, mazu ai nsalan Kristus ntud.

1Kor 1:10

Ndò hm makogëlan ai mina a dzoe Nti waan Yesus Kristus, a babëdzaṅ, na mina bësë mibò kiṅ dzidzia, tègè ai ngam ngam abë mina, na milad nnëm mbòg mbòg.

1Kor 15:58

A mindindiṅ mi babedzaṅ, antoa hm na, boan nkanga, të tëg, mibulugu bò esye Nti kòm esë, miyëmë na ndzug waan osëki zëzë abë Nti.

2Kor 13:11

A babëdzaṅ, a mëmana, tòbògan mintag, tsendëgan mëfulu, bian awonòṅ, boan kiṅ, nyiṅan mvoè, abog te Zamba mvoè ayi bò ai mina.

2Kor 4:4

Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

2Kor 9:13

Akyaè bayi yen esye dzi, bayi lugu Zamba asu mëwog mialëdë a miayëbë mbëmbë foe Kristus ai akab miavòli bò, mivòligi fë bod bësë,

Galati 1:7

mbëmbë foe mfë asëki, dzam da, bod bëziṅ bandëgëlë mina, bayi na batsende mbëmbë foe Kristus.

Ef 1:13

Abë nyè ngò fë mina mingawog ebug bëbëla, mbëmbë foe akode waan, abë nyè ngò bëngalig mina ndëm a nyòl mbol mingayëbë asu Mfufub Nsisim ya angakagban,

Ef 1:15

Asu te, mbol mëngawog foe ṅyëbë waan ya abë Nti Yesus ai ediṅ ya miadiṅ mimfufub misë,

Ef 4:1

Makogëlan hm ai mina, ma, man mimbog, abë Nti, na minyiṅ ai dzin nloe bëngaloe mina,

Filipi 1:5

a enyiṅ fufulu dzaan asu mbëmbë foe, atarigi amos osu, azaag kui etoa dzi,

Filipi 2:12

A mindidiṅ miama, antoa hm na, akyaè ya miakad ya sòṅ miabò mëwog, -së ki hë eyòṅ mënë ai mina, tò fë etoa dzi a masëki hala,- syean ai ngul asu akode daan ai wòṅ, ai mësis.

Filipi 2:24

Mëbëlë afidi abë Nti na mamen mayi fë vol sòṅ we.

Filipi 3:18

Amu abui bod banyiṅ hala -mazuzu ya makad mina adzo daban, etoa dzi makad mina dò mëyono- bënë minziziṅ mi klos Kristus,

Filipi 3:20

Amu dzal daan anë a yob, awe ngò fë biayanga nkode, Nti Yesus Kristus,

Filipi 4:1

A babëdzaṅ ya madiṅ, mëyii fë mina du, mintag miama ai ekad-olugu dzama, antoa hm na, boan minkanga nala abë Nti.

Kolosi 1:10

na minyiṅ anë mbol wayean ai Nti, midzëṅë na minyëb nyè a nnëm a mam mësë, a e dzam asë anë mbëṅ,

Kolosi 1:4

mbol biawog foe ṅyëbë miayëbë Kristus Yesus, ai ediṅ mibëlë asu mimfufub misë,

1Tes 3:6

Etoa dzi hm a Timoteus adugan abë bia, asòòg mfag minë, mbol akad bia abëṅ foe ṅyëbë waan ai ediṅ dzaan, ai na miatsog bia mbëṅ kòm esë na miyii fë du na miayen bia, anë biayi na biayen mina,

1Tes 4:1

Mfag mbòg hm a babëdzaṅ, biadzaè mina, bikogëlan fë ai mina abë Nti Yesus na akyaè ya bingalëdë mina mbol miayean wulu abë Zamba, minyëbë fë nyè a nnëm, nala ngò fë miwulu, asu yë na midaṅa bò nala mbëṅ.

1Tim 1:11

ya onë anë mbëmbë foe mvomvòm Zamba ayi, ṅnyè bëngakalan ma.

1Tim 1:19

mbol obëlë ṅyëbë, ai abëṅ nnëm sosoo; bod bëvòg bëngawoa mò a fyè, ndò bëngadzèè ṅyëbë,

2Tim 4:7

Mëngaluman abëṅ ndum ndò fë mëngambara mbil, mëbaala ṅyëbë.

Titus 2:10

tègè ai fulu wub, hë da bëlëdë mbëmbë ṅyëbë waban osë, asu yë na bëvë dòkten Zamba nkode waan olugu a mam mësë.

Filemon 1:5

mbol mawog nlaṅ ediṅ dzoe ai ṅyëbë woe ya obëlë asu Nti Yesus ai asu mimfufub misë,

Yakobus 3:18

E bod banyiṅ a mvoè babè bibuma ya mëkyebe a mvoè ete.

Petrus bèè 3:11

Mbol hm e byem bisë bi biayi mana tiiban, za akyaè bod miayean bò a mfufub enyiṅ ai olugu Zamba;

Petrus bèè 3:14

Asu te, a mindindiṅ miama, mbol miayanga e mam ma, dzëṅan ai ngul esë na akòb mina ai mvoè, tègè ai atòn, tègè ai mvit;

Yudas 1:3

A mindindiṅ miama, mbol fò mayag na matil mina adzo akode anë bia fufulu, ndò mëyen na mayean mina til, mëkad mina na midzëṅ ṅyëbë bëngavë mimfufub evëvëë.