Ef 5:2 - MKPAMAṄ AMVOE Nouveau Testament en langue Ewondo 2012

² nyian a ediṅ anë Kristus angadiṅ mina, ndò fë angakab emen anë mëtunëṅa ya manyum mbëṅ abë Zamba.

Ef 5:2 Iomraidhean Croise

Mt 20:28

Nala hm fë ngò mòn mod andzëki sòṅ na bësye nyè, angasò na asye, alig fë enyiṅ dzie eban asu abui bod.

Yohannes 13:34

Mavë mina mkpamaṅ mvende, na midiṅan mina mina, akyaè ya mëngadiṅ mina, asu yë na mina midiṅan fë mina mina.

Yohannes 6:51

Ma mënë mbaṅëla avëë ya asò a yob. Ngë mod adi mbaṅëla te, ayi nyiṅ kole, ndò fë mbaṅëla mayi vë anë nyòl dzama asu enyiṅ si-ndon.

Roma 15:16

asu yë na mëbò mbò-esye Yesus Kristus asu bëhaiden, mëbò esye mbëmbë foe Zamba asu yë na mëtunëṅa bëhaiden mëbò akyaè layean, mëfuban fë abë Mfufub Nsisim.

Roma 4:25

Yesus te angakabëban asu minsëm mian, ahëlëban asu mëkyëbë man.

Roma 8:3

E dzam mvende engabë ki dzam bò mbol engamana tëg etòm nyòl, Zamba abò dò: Angalom mòn woe, anòṅò nyòl nsëm, na avaè nsëm, ndò angatègè nsëm a nyòl,

Roma 8:37

Tègè hm fò, amu a e mam mësë ma, biadò a dzoe e nyò angadiṅ bia.

1Kor 16:14

E dzam asë miabò abòò hë ediṅ.

1Kor 5:7

Woan nnomo ekòsaṅ a fyè, asu yë na mibò mkpamaṅ ovug, mbol minë tègè ai ekòsaṅ. Amu ntomba Paska waan, Kristus, otsigëban ya.

2Kor 2:14

Ngaṅ ai Zamba, mbol avë bia olugu kòm esë abë Kristus, akuligi fë mënyum më ṅyëman woe ai wò esye waan hom osë.

2Kor 2:15

Amu binë mbëmbë enyum Kristus asu Zamba tò a e bod bakodeban, tò e ba bakë a ndzaṅ,

2Kor 8:9

Amu miayëm maa Nti waan Yesus Kristus, mbol angavëṅan mëbua, atoa nkukuma, asu yë na mina fë mibi akuma mëbua te.

Galati 1:4

ya angakab emen asu minsëm mian, asu ye na akode bia a mbë si-ndon bitoa nyi, a ṅyian Zamba esya waan,

Galati 2:20

Së ki fë ma manyiṅ, Kristus ṅnyè anyiṅ a bë ma. Enyiṅ manyiṅ a nyòl, manyiṅ dzò a ṅyëbë mayëbë mòn Zamba ya angadiṅ ma, akaba fë emen asu dama.

Ef 1:4

akyaè angatòb bia abë nyè osusua akomo-lë yob ai si, na bibò mimfufub, tègè ai atòn a mis moe a ediṅ,

Ef 3:17

na, asu ṅyëbë, Kristus atòbò a minnëm mian, milada minkaṅ, miyëmë fë a ediṅ,

Ef 3:19

na miyëm mod ediṅ ṅyëman Kristus, asu yë na midzie akyaè ntud Zamba onë.

Ef 4:15

bikòbògò bëbëla a ediṅ, binaṅa bë nyè kan esë, ṅnyè anë nlo, Kristus.

Ef 4:2

ai edzòdi-nyòl esë, ai afu-nnëm asë, ai fin; midzibigi mina mina ai ediṅ,

Ef 5:15

Toan yen akyaè mianyiṅ; të mianyiṅ anë mëkud, nyiṅan anë mimfëfëg,

Ef 5:25

Mina fam, diṅan bëyal ban anë Kristus angadiṅ nda-Zamba, akaba fë emen asu nda-Zamba te,

Filipi 4:18

Bëyaan ya ai ma alodo ben nala. Mënë ndzalan, mbol mëngabi atom ya mingalom ai Epafroditus, mëtunëṅa ya manyum mbëṅ, mëtunëṅa bayëbë, a manyëb Zamba a nnëm.

Kolosi 3:14

A e mam mësë mala a yob, bëlëgan ediṅ, nala watyan na tin abëṅ asë.

1Tes 4:9

Mfag ediṅ babëdzaṅ, miayaṅan ki na bëtil mina, amu mina bëben miayègè dò abë Zamba na midiṅan mina mina,

1Tim 2:6

ṅnyè angavë emen eban asu abui bod, mbòòlan te okui a zuli metiṅ.

1Tim 4:12

Të mod abyandi wa mbol ongënë mòngò; Obòò mvulna asu bëyëbë a nkòbò, a fulu, a ediṅ, a ṅyëbë, a fulu mfuban.

Titus 2:14

ya angakaban asu daan, asu yë na akode bia a nkòt osë, ai na afubu nyè emen akyaè ayòṅ etam, a lamvaman ai mimbëmbë mi mam.

Ebrea 8:3

Amu fada-nen osë anë hala na atuni bifaè ai mëtunëṅa. Nala ontoa hm na fada-nen ṅnyè fë ayean bi e dzom atuni.

Ebrea 9:14

ngamëna hm ai mëki më Kristus; ṅnyè angatuni Zamba emen tègè ai atòn abë nsisim kole; mëki mëte mmò mayi bia mana fubu minnëm a mimboan minë ṅwuan asu yë na bisye e Zamba avëë.

Ebrea 9:23

Angabë hm fò ayean bò nala na bëfubu bivëgëlë bi byem ya yob ai mëtum mala, dzam da e byem ya yob biafuban ai mëtunëṅa mënyëbë alodo e mala.

Ebrea 9:26

Ngë nala, ngë angabë ayean dzugi mintye abui biyòṅ, atarigi a mëtari më yob ai si. Ndò hm etoa dzi, akui a ngëëṅ eyòṅ dzidzia a zuli metin na avaè minsëm ai mëtunëṅa moe.

Petrus osu 4:8

A mam mësë, daṅan baala ediṅ dzaan a zaṅ mina mina a kpiim, amu ediṅ yabudi abui minsëm.

1Yoh 3:16

Eyë hm bingayëm ediṅ na: Angavë enyiṅ dzie asu daan. Ndò bia biayean vë enyiṅ dzaan asu babëdzan.

1Yoh 3:23

Mvende dzie hm nyi: na biyëbë dzoe mòn woe Yesus Kristus, bidiṅan fë bia bia anë angavë bia mvende.

Ekuli-mam 1:5

ai abë Yesus Kristus, wusnèt, mod-afidi, ntol bëwu ai ndzoe minkukuma ya si. E mod angadiṅ mina, atii mina a minsëm mian ai mëki moe,

Ekuli-mam 5:9

bëngayia mkpamaṅ dzia, bò na: Wakyëbë na onòṅ kalara, oyaè fë zitam dzie, amu bëngatsig wa kiṅ, ndò ongakus bod asu Zamba a mëki moe, bod ya nda-bod esë, ai minkòbò misë, ai ayom asë, ai mëyòṅ mësë,