Ef 4:18 - MKPAMAṄ AMVOE Nouveau Testament en langue Ewondo 2012

¹⁸ mbol mintsogan miaban minë a dibi, bënë bëdzin a enyiṅ Zamba etòm asug anë bò a nyòl, etòm alèd ya minnëm miaban,

Ef 4:18 Iomraidhean Croise

Mt 13:15

Amu ayòṅ di anë nnëm alèd, bëdibi mëlò, bëbudigi mis asu yë na bëza yen ai mis, ngë awog ai mëlò, ngë asoṅ a nnëm, asu yë na bëvëṅan, mëzu bò bò mvoè.

Mk 3:5

Ndò angatum bò mis ai olun osë, nnëm ovus nyè asu alëd-nnëm daban, nyè ai mod na: Sama wò. Ndò mod angasam wò, odugan bò mvoè.

Yohannes 12:40

Angakub bò ndim a mis, Amana bò yëm minnëm, asu yë na të bayen ai mis, bò të wog ai nnëm, asu yë na bëzaa vëṅan, mësye bò.

Bisye bi Apostel 17:30

Mbol ya Zamba angabudi mis a mëbog më ndimi mëte, abende hm bod etoa dzi na bëvëṅan hom osë,

Bisye bi Apostel 3:17

Ndò etoa dzi, a babëdzaṅ, mayëm na mingabò nala mbol tègè yëm angabë bëlë mina, akyaè fë bëdzoe ban bëngabò.

Roma 1:28

Mbol bandzëki yi na bayëm Zamba, ndò Zamba nyè angadzoge bò a nsisim ndim waban, bëngabò e mam mayean ki.

Roma 11:25

A babëdzaṅ, mayi ki fò na miyëgan e ndimba nyi, asu yë na mibindi ai fëg, na alèd-nnëm anë a ngab ziṅ a Israel, akëlë kui anë bëhaiden bësë bamana nyian,

Roma 11:7

Antoa hm ya? E dzi ya Israel adzëṅ, andzëki dzò bi. E bod bënë ntòban bëbi dzò. E ba bëvòg bënë alèd-nnëm,

Roma 2:19

ngë wayëm mbëṅ mbëṅ na onë nlëdë-zen asu mindindim, otoa mfyè asu e ba bënë a dibi,

1Kor 1:21

Amu, mbol ya si-ndon, ai fëg dzaban, bandzëki yëm Zamba a fëg dzie, ndò Zamba angayen dò mbëṅ na akode e bod bayëbë ai akud foe bayedan di.

1Kor 2:8

e nyi ya tò mod ziṅ mbòg ya bëdzoe bë e si nyi andzëki yëm. Amu, ngë bëyëm, ngë bandzëki bomë Nti a klos.

2Kor 3:14

Fëg dzaban engabò ya ndim. Amu, azaag kui amos ya ana, eyie te enë eyòṅ balaṅ nnomo elad, tègè bò kuli na emana ya sole abë Kristus.

2Kor 4:4

Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

Galati 4:8

Okoba, mingabë yëmë ki Zamba, mingabë minkom mi e bëzamba basëki bëzamba a mëbyali.

Ef 2:1

Ndò fë avëlë mina ya mingabë ṅwuan a bivus ai minsëm mian,

Ef 2:12

mitsogo na abog te mingabë miwoge ki ai Kristus, mitoa bëdzin a ayòṅ Israel, bëyëṅ a mëtiṅ më ngaga, tègè ai afidi, mitoa tègè ai Zamba a si-ndon.

Kolosi 1:21

Angalad fë ai mina ya mingabë bëdzin ai minziziṅ okoba asu mintsogan ya bëbë bë mam,

1Tes 4:5

së ki a mintsogan mi ngoṅ anë bëhaiden ya bayëm ki Zamba,

Ebrea 5:2

Anë dzam toan bëlan ai e ba bayëm ki ai e ba fë bënë a ndimi, mbol emen anyiṅ a atëg,

Ebrea 9:7

A ebëm bèè, hë fada-nen etam ṅnyè anyian ete eyòṅ dzia a nguma mbu; anyian ki we së na anòṅ mëki ya atuni asu die nyè emen ai asu minsëm mi nnam.

Yakobus 4:4

A e bod miasëki bod bë afidi ba, nga miayëm na amvoe ai si-ndon latyan na wasiṅ Zamba?

Petrus osu 1:14

Mbol minë bòn mëwog, te mianyiṅ anë miṅyian mian ya okoba, eyòṅ mingabë mingënë të yëm,

1Yoh 2:11

E nyò asiṅ manyaṅ anë a dibi, ndò awulu a dibi, ndò fë ayëm ki mfag ake amu dibi lakub ya nyè ndim a mis.