Ef 4:14 - MKPAMAṄ AMVOE Nouveau Testament en langue Ewondo 2012

¹⁴ asu yë na të biadugan bò bòngò, bisë osu, binë a mvus anë evundu bëdòkten a mëdugan më bod, ai mëkëṅ asu mfi mëdugan,

Ef 4:14 Iomraidhean Croise

Mt 11:7

Eyòṅ bëngadugan, ndò Yesus angatari na akad minkunda etòm Yohannes na: Dze mingakë yen a nkod-nnam? Yë e ndën yandëṅa evundu?

Mt 24:11

Abog te abui bëprofet mëdugan bayi kodo a si, bëngadug abui bod.

Mt 24:24

Abui bë Kristus mëdugan ai beprofet mëdugan bayi sò, bëbòò biyëṅ bi mam asu yë na, ngë atoa ebugbu, bëngadug tò e ba bëngatòban.

Bisye bi Apostel 23:21

Ndò hm, të wayëbë bò. Amu bod ya ete, alodo bod mëwom mënyii, balam nyè, bëkani sòṅ na bayi ki di tò anyu së na bëwoe nyè; etoa dzi, bëtëlë, bëyanga mbol wayi dzo.

1Kor 12:2

Miayëm na, hala mingënë bëhaiden, mingabë fò hë atoṅ mimvumvug bëzëzë bëzamba.

1Kor 14:20

A babëdzaṅ, të miabò bòngò a fëg, boan bòngò a abe, boan mintud a fëg.

1Kor 3:19

Amu fëg ya e si nyi enë akud a mis më Zamba, amu anë ntilan na: Abad mimfëfëg mëkëṅ maban.

2Kor 2:17

Amu biasëki anë abui bod bakuan ai ebug Zamba, bia biasye a tëtëlë, biakòbò a nloman Zamba, a mis më Zamba, abë Kristus.

2Kor 4:2

bingadzoge fò hë e mam basòli asu osòn, bia të wulu ai mëkëṅ, tò ki a tsende ebug Zamba, dzam da, mbol biakad bëbëla a ngëëṅ ngò wayi bò na bod bëse bëyëbë bia a mis më Zamba.

Galati 3:1

A mëkud më bod ya Galati ma, za anyuu mina dzò, e mina ya mëngatoan lëdë anë Kristus angawu a klos?

Ef 6:11

Bòdan bikpëlë bi Zamba asu yë na mibi ngul ya abò nkanga a mëlam më Satan.

1Tim 3:6

Të abò mod ya andëmë nyian a ṅyëbë, aza kud ongon, akuu a ntol Satan.

2Tim 1:15

Wayëm e di na, e bod bësë ya Azia bëngalum ya ma mvus, bëvòg ya ete bënë na: Figelos ai Ermogenes.

2Tim 3:13

Bëbe bë bod ai bod mëdugan bayi kë ai abe daban osu, bëdugu bod, bëdugu fë bò bëben.

2Tim 4:3

Amu abog lazu, a bayi ki fë ṅyëbë mbëmbë ayëgëlë, dzam da mëlò mëyaaban bò, bayi wolo bëyëgëlë akyaè ya miṅyian miaban minë.

Ebrea 13:9

Të miakë a ndimi ai byem bi dòkten ya biasò mfag mfë; anë mbëṅ na nnëm obi ngul ai maa, së ki ai bidi. Bidi bite biandzëki bò ai e bod bëbiege biè ai mfi.

Yakobus 1:6

Asiligi ai ṅyëbë, tègè bò bisoo; amu e mod abò bisoo anë anë nsum mëndim ya maṅ; asë diban ali, anë kë ali.

Yakobus 3:4

Bëbëgë bëtitima, abim anen bënë, ngul evundu endzò yatindi bò, hë man ekye ṅnyè awulu ai bò e hom ṅyian ndudu titima wayi;

Petrus bèè 2:18

Amu, eyòṅ bakòbò bivoe bi mam bi akud, ai miṅyian mi ebamba miaban ya nyòl fë, basòṅ bod ya bëndëm fò tub eba banyiṅ a ndimi.

1Yoh 2:19

Bëngatye abë bia, dzam da bëngabë ki bëwoge ai bia. Amu ngë bëwoge ai bia, ngë bëngatòbò ai bia fufulu. Ndò hm bëngakodo abë bia asu yë na akulan na tò mbòg awoge ki ai bia.

1Yoh 2:26

Maatil mina e mam ma mëtyan ai e bod bayi na badzèè mina, Bon bë Zamba.

1Yoh 4:1

A mindidiṅ miama, te miayëbë nsisim osë, dzam da tsasan minsisim, miyëm ngë miasò abë Zamba; abui bëprofèt mëdugan bëngasò ya a si-ndon;

Yudas 1:12

E bala bënë mëlam a mëbog më ezëzam maan, bavoe ai enyiṅ tègè sigan, babisi hë bëben, bënë e minkut minë tègè ai mëndim, a evundu yatindi. Bënë bile binë tègè ai bibuma abog mëkoe, ṅwuan biyòṅ bibè, mfuman a si.

Ekuli-mam 19:20

Ndò bëngabi tsit afan, fufulu ai nyè ha, bëbii fë profèt minnal ya abò mësimba a mis moe, ete ngò bëkëlë a ndimi ai e bod bënganòṅ ndëm tsit afan ai e ba bëngabë bëluugu evëgëlë dzie. Ndò bëngawoa bò bësë bëbè bëtala a etëtag ndoan yadig ai sulfur.