Ef 4:12 - MKPAMAṄ AMVOE Nouveau Testament en langue Ewondo 2012

¹² asu yë na akomëzan mimfufub asu nsol esye, asu nloṅan nyòl Kristus,

Ef 4:12 Iomraidhean Croise

Lk 22:32

Ndò hm mëkogëlan asu doe, asu yë na të ṅyëbë woe watëg. Mfa woe, eyòṅ wayi wome nyòl, owonëṅe babënyòṅ.

Bisye bi Apostel 1:17

na angabë a ngab dzan, ndò abi fë ngab ya esye dzi.

Bisye bi Apostel 1:25

na anòṅ etoa esye apostel ya Yudas angadzoge a si nyè akëlë e hom woe.»

Bisye bi Apostel 11:23

Ṅnyie anë angakui, ayënë ntotomamaa Zamba, ndò angatag, angayin fë bò bësë na bëyëm minnëm, bëlad ai Nti,

Bisye bi Apostel 20:24

Dzam da, madaṅ ki yen na enyiṅ enë ai ma mfi, hë na mëmana mbara mbil wama, mëmana fë esye ya Nti Yesus angavë ma, na mëbòòlò mbëmbë foe ntotomamaa Zamba.

Bisye bi Apostel 20:28

Kalëgan mina bëben, ai nkunda osë ya Mfufub Nsisim ongatele mina bë asu zoa na mikala nda-Zamba ya angakus a mëki moe.

Bisye bi Apostel 9:31

Ekoan nda-Zamba engabë a saaṅ a Yudea asë, ai a Galilea ai a Samaria, eloṅëban, ewulugu, ekama Nti, ebuguban ai nkëan Mfufub Nsisim.

Roma 12:5

nala ngò fë bia abui binë nyòl dzia abë Kristus, anë mod atoa edzo asu e ba bëvòg.

Roma 12:7

ngë ki na efaè esye asu esye te; ngë efaè na mod anë ṅyëgëlë, angayëgëlë,

Roma 14:19

Ndzëṅan hm mam më mvoè ai mam më eka a zaṅ dzaan.

Roma 15:14

A babëdzaṅ, mamen mayëm fò mbëṅ mbëṅ na, mfa waan, midzie ya ai abëṅ nnëm a tuud, mintoa ntud ai ṅyëman osë, ndò fë mibëlë ngul ya avean mëlëbëga.

Roma 15:2

Mod osë adzëṅë na anyëb manyaṅ a nnëm, asu mbëṅ, biwonan bia bia.

Roma 15:29

Amu mayaṅan na eyòṅ mazu abë mina, mazu ai nsalan Kristus ntud.

1Kor 12:27

Mina minë nyòl Kristus, mina fë, anë mod, minë bidzo.

1Kor 12:7

Nsisim wavë mod osë na ayen e dzom enë ai mfi.

1Kor 14:12

Dzam dëda hm asu daan, ngë miayag ai bifaè bi Nsisim, dzëṅan biè abui asu yë na nda-Zamba ewonëban.

1Kor 14:14

Ngë makogëlan a minkòbò, nsisim wama wakogëlan, nsisim wama tègè ai mfi ya ete.

1Kor 14:26

Antoa hm ya a babëdzaṅ? Eyòṅ miakoan, mod osë abëlëgë dzia olugu, abëlëgë ayëgëlë, ngë ekuli-mam, ngë nkòbò, ngë mbol atimi nkòbò te. Mam mësë mëbò asu awone.

2Kor 12:19

Azaag kui etoa dzi, miatsog na biakaman ai bia bëben a mis maan. Makòbò a mis më Zamba abë Kristus. A babëdzaṅ, mam mësë mëngabë hë asu awone dan.

2Kor 13:11

A babëdzaṅ, a mëmana, tòbògan mintag, tsendëgan mëfulu, bian awonòṅ, boan kiṅ, nyiṅan mvoè, abog te Zamba mvoè ayi bò ai mina.

2Kor 13:9

Amu biatag eyòṅ binë ntëgan, mina mitoa ngul. Asu te biakogëlan: Asu yë na minyiṅ ntud.

2Kor 3:8

biyòṅ taṅ ya esye Nsisim yayi bò a duma ete?

2Kor 4:1

Asu te, mbol bibëlë esye dzi na bëngawog bia ngòl, ndò biaku ki sòm,

2Kor 5:18

Byem bisë biasò abë Zamba ya angalad bia ai emen ai Kristus, avëë fë bia esye elad,

2Kor 6:3

Biayè ki mod ziṅ dzom a zen, asu yë na bëza yen evus ya esye dzaan,

2Kor 7:1

A mindindiṅ miama, mbol bibëlë e ngaga esë nyi, mfubugan bia bëben ai mvit ya nyòl ai a nsisim, bibò na mfuban waan obò ntud a wòṅ Zamba.

Ef 1:23

endzò enë nyòl dzie, ntud e mod abò mam mësë ntud kan esë.

Ef 4:16

Nguma nyòl osë olada, otoa ndzònan fufulu abë nyè, onë nladan ai ngul nkòl esye, eyòṅ esë yasye mbëṅ, nala wabò na nyòl enaṅ, engaloṅëban fë a ediṅ.

Ef 4:29

Të mbë nkòbò akui mina a anyu, hë ebug yavòli e hom onë ai mfi, asu yë na evë e bod bawog dzò maa.

Ef 4:4

Nyòl dzia, Nsisim mbòg, akyaè ya mingaloeban a mbaṅ afidi ya nloe waan.

Kolosi 1:24

Etoa dzi, matag a mindzug misë asu daan, ndò fë madzala a minson miama, e dzom yadzëman a mindzug mi Kristus asu nyòl dzie ya enë nda Zamba.

Kolosi 1:28

Kristus te ṅnyè bia biayedan, bilëbë mod osë a fëg esë, asu yë na bilëdë mod osë ntud abë Kristus.

Kolosi 4:17

Kadan Arkipus na: Odzëṅ na odzala esye ya ongabi abë Nti.

1Tim 1:12

Makaṅ Kristus Yesus Nti waan ya angavë ma ngul, mbol ayen na mënë mod afidi ai ntelan atelëge ma a esye dzi,

2Tim 4:11

Lukas etam ṅnyè anë ai ma ha. Nòṅò Markus, ozu ai nyè eyòṅ wayi sò, amu anë ai ma mfi a esye abò.

2Tim 4:5

Mfag woe, osaala mam mësë, obëlëgë mintye, obò esye nkada mbëmbë foe, odzala esye dzoe.

Ebrea 13:17

Boan bëtëbë bë osu baan mëwog, midzòdiban fë abe bò; amu bakala minnëm mian anë e bod bayi tëbë ai dò a nkat, asu yë na bëbò dò ai mintag, tègè wog abe. Amu nala wasëki ai mina mfi ziṅ.

Ebrea 6:1

Asu te, ntaman dzoge e mam ya mëtari a mabëbë Kristus, bikë a e mam mëwon ya, tègè fë ai na biadugan tele tin mfim asu ntsendan enyiṅ, a mimboan ya minë ṅwuan, ai asu ṅyëbë biayëbë Zamba,