Ef 3:1 - MKPAMAṄ AMVOE Nouveau Testament en langue Ewondo 2012

¹ Asu te, ma Paulus, man mimbog Kristus Yesus asu mina bëhaiden,

Ef 3:1 Iomraidhean Croise

Lk 21:12

Osusua e mam mësë ma, bayi mina fudi mò a nyòl, bëngatibili mina, bëkuan ai mina a mënda bikoan ai a mimbog, bëtele mina a mis minkukuma ai bëdzoe etòm dzoe dama.

Bisye bi Apostel 21:33

Ndò ndzoe bakuda bëzimbi asubu babi, anòṅò nyè, ndò abende na bëfaṅ nyè ai mësuṅ mëbè, angasili na anë za ben ai e esye ya abò a enyiṅ dzie.

Bisye bi Apostel 23:18

Ndò anganòṅ nyè, akëlë ai nyè abë ndzoe bakuda bëzimbi, nyè na: Paulus, man mimbog, aloe ma, ndò asili ma na mëzu ai e mòngò nyò abë wa, abëlë e dzam akad wa.

Bisye bi Apostel 26:29

Paulus nyè na: Mënë fë dzam kogëlan ai Zamba na, tò a kòm tò a etun abog, së ki hë wa, dzam da e bod bësë bavogolo ma ana bëbò fò fë anë mënë, sësala hë e mësuṅ ma.

Bisye bi Apostel 9:15

Nti ai nyè na: Këlëg, amu mod te anë ntòban na abëgë dzoe dama a bëhaiden, ai minkukuma, ai bòn bë Israel.

2Kor 1:6

Ngë bibëlë mindzug, hë asu yë na biwone mina, ai asu akode dan. Ngë bibëlë awonòṅ, hë asu awonòṅ daan ya lasò e fin ya bibëlë a mindzug ya bia fë biadzugi.

2Kor 10:1

Mamen, Paulus, makogëlan ai mina ai evovoe, ai abëṅ nnëm Kristus, e ma ya mënë edzòdi-nyòl eyòṅ mënë abë mina, mëntoa ayòg eyòn mënë mina oyab.

2Kor 11:23

Yë bënë bësye bë Kristus? -Mëngakobò ya anë akud- Malod bò! Malod bò a bisye, malod bò a mimbog, malod bò a bibom, abui biyòṅ dili, awu angasubu ma babi!

Galati 5:11

A babëdzaṅ, mfag wama, ngë anë fò na mayedan mëkëban, asu dze baluman ai ma? Oyëmë hë na e klos yakë ai bod a mbëg esole ya.

Galati 5:2

Ma Paulus, makad mina na ngë bëkele mina, Kristus ayi ki bò ai mina mfi ziṅ.

Galati 5:24

E bod bawoge ai Kristus Yesus bëngabomolo nyòl a klos ai mintye miaban, ai miṅyian miaban.

Ef 3:11

Akyaè ya angawoe ya oyili woe kole abë Kristus Yesus Nti waan,

Ef 3:13

Asu te makogëlan na të maku sòm a mindzug ya mëbëlë asu daan, mbol minë etam duma dzan.

Ef 3:8

E ma ya madaṅ obòbòd a zaṅ mimfufub misë, ma bëngavë e maa nyò, na mëyedan bëhaiden mbëmbë foe akuma Kristus ya anë tègè ai alèè,

Ef 4:1

Makogëlan hm ai mina, ma, man mimbog, abë Nti, na minyiṅ ai dzin nloe bëngaloe mina,

Ef 6:20

mbëmbë foe te ṅnyè mëtii ai nyè a mësuṅ nyò, mëtoa nloman, asu yë na mëkòbò fò nyè ai fim anë mayean kòbò.

Filipi 1:7

Mbol anë sosoo asu dama na mëtsog e mam ma asu mina bësë, mbol mëbëlë mina a nnëm wama, a mimbog miama ai a makaman, mëyini fë mbëmbë foe mina bësë ya miakaban ai ma maa.

Kolosi 1:24

Etoa dzi, matag a mindzug misë asu daan, ndò fë madzala a minson miama, e dzom yadzëman a mindzug mi Kristus asu nyòl dzie ya enë nda Zamba.

Kolosi 4:18

Mësugan mënë ntilan ai wò wama, ma Paulus. Tsogan mësuṅ mama. Maa abòòg ai mina.

Kolosi 4:3

mikogëlan fufulu asu daan asu yë na Zamba ayaè bia mbè yë na bikad ebug, ndimba Kristus, a mëtii ai dzò a mësuṅ,

2Tim 1:16

Zamba ayënë nda-bod Onesiforus ngòl amu angavòli ma abui biyòṅ, ndò fë andzëki wog mësuṅ mama osòn,

2Tim 1:8

Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

Filemon 1:1

Ma Paulus, man mimbog Kristus Yesus, ai madzaṅ Timoteus, biatil ndindiṅ waan Filemon a asye fë ai bia fufulu,

Filemon 1:23

Epafras ya anë ai ma a mbog asu Kristus Yesus asug wa;

Filemon 1:9

mazombo kogëlan ai wa, asu ediṅ, akyaè mënë nnom di, ma Paulus, mëtoa man mimbog Kristus Yesus.

Ekuli-mam 2:10

Të hm wambara e mam wayi dzugi. Satan ayi woa bod bëvòg ya abë mina a mbog, asu yë na mibi mëbobëla, ndò miayi bi ndzug mëlu awom. Bòò mod-afidi, akëlë kui a awu, mëvë wa ekadi-duma enyiṅ.