Ef 2:2 - MKPAMAṄ AMVOE Nouveau Testament en langue Ewondo 2012

² a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Ef 2:2 Iomraidhean Croise

Mt 11:19

Mòn mod akë sò, adzaa, anyaa, bò na: Yënë ndondòg ai nsòò mëyòg, mvoe bënòṅò bëtoya ai bësëm minsëm. Tò a hm nala, fëg yayenëban a mimboan.

Mt 13:22

E nyò a miasban a biyò: e nyòlò te awog ebug, hë da mëbobëla ya si ai mëdugan m'akuma biawoe ebug, entoa tègè wum bibuma.

Mt 13:38

Afub anë si ndon; mbëmbë mvòṅ anë bòn bë edzoe. Mbë elòg anë bòn bë mbë nsisim.

Mk 4:19

bëngasaṅan ai mam më si, ndòg akuma ai mëyaṅan mësë mëvòg bidzie bò a nnëm, ebug të wum bibuma.

Lk 16:8

Ndò esya-nti angataman ndzodzongo nkala-byem hi, amu angasye ai mëkëṅ. Amu bòn bë e si nyi balod bòn bë mfyè a fëg eyòṅ bënë a zaṅ mvòṅ dzaban.

Lk 22:31

A Simun, a Simun, Satan asili ya mina, asu yë na asëgëzë mina anë basëgëzë oles.

Yohannes 12:31

Eyòṅ dzi, ntol e si nyi wazu tsigëban; etoa dzi, ndzoe ya e si nyi azu woaban a nsëṅ.

Yohannes 13:2

Abog bidi bi ngoge, hala Satan anyian ya Yudas man Simun Iskariot a nnëm na akuan ai nyè,

Yohannes 13:27

A mvus etun mbaṅëla dzi, ndò Satan anyian nyè a nyòl. Yesus nyè ai nyè na: Vologo bò e dzam wayean bò.

Yohannes 14:30

Mayi ki mina bad kad abui mam, amu ndzoe si-ndon azu. Abëlë ki ngul a nyòl dzama.

Yohannes 15:19

Ngë miwoge ai si-ndon, ngë si-ndon yadiṅ endzie. Mbol hm miawoge ki ai si-ndon, ndò mëngatòb mina, asu te si-ndon yafëm mina.

Yohannes 16:11

Asu nkat, mbol ndzoe e si-ndon nyi atsigëban ya ntol.

Yohannes 7:7

Si-ndon esëki mina dzam fëm, dzam da, yafëm ma asu mabòòlò dzò na mimboan mie minë abe.

Yohannes 8:23

Nyè ai bò na: Mina, minë bod ya si, ma, mod ya yob. Mina, minë bod ya e si-ndon nyi, ma, masëki mod ya e si-ndon nyi.

Yohannes 8:44

Mina, miasò abë esya waan, Satan, ndò miadiṅ na miabò ṅyian waan. Ṅnyè anë hm ṅwoe bod atarigi a mëtari, ndò atëlë ki a bëbëla, amu bëbëla asëki abë nyè. Eyòṅ akòbò minnal, akòbò mam moe, amu anë mod minnal, atoa fë esya minnal.

Bisye bi Apostel 19:35

Ndò nsaṅa bëkalara angasuu nnam minnëm a si, nyè na: A bod ya Efesi, mod mfe ayëm ki na tisòn ya Efesi endzò yakala nda Artemis nen ai ehëgëlë yasò a yob?

Bisye bi Apostel 5:3

Petrus nyè na: «A Ananias, dze fò Satan adzie wa a nnëm ha, ongazu dug Mfufub Nsisim, osòli etun mòni ya nkuan si?

Roma 12:2

Ndò të miabie e si-ndon nyi, dzam da, tsendëgan, ai ntsendan ya nnëm, asu yë na mitoan yëm akyaè ṅyian Zamba onë, e dzi enë mbëṅ, ai e dzi yanyëb a nnëm ai e dzi enë të ai atòn.

1Kor 5:10

nala ombë tyan ki na e bëbe bë bod ya si-ndon mu, tò mindondòg, tò e ba bënë akoe, tò e ba balugu bëzëzë bëzamba, nala ontoa hë anë miayean kodo a si-ndon.

1Kor 6:11

Nala ngò bëvòg ya abë mina bëngabë. Ndò mingawòbòban ya, mintoa mimfufub, mikyëbë a nkat a dzoe Nti Yesus Kristus ai abë Nsisim Zamba waan.

2Kor 4:4

Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

Galati 1:4

ya angakab emen asu minsëm mian, asu ye na akode bia a mbë si-ndon bitoa nyi, a ṅyian Zamba esya waan,

Ef 1:21

alodo edzoe esë, ai ngul esë, ai ntomba osë, ai e dzoe asë ya bënë dzam loe, së ki hm hë enyiṅ dzi, tò fë enyiṅ yazu.

Ef 2:11

Asu te, mitsog hm na okoba mingabë bëhaiden a nyòl, e mina ya e Yuden ya bakëban ai mò a nyòl baloe na bëhaiden,

Ef 2:13

Etoa dzi, abë Kristus, e mina ya mingabë oyab ai Kristus okoba, mintoa ya babi a mëki më Kristus.

Ef 2:3

A zaṅ dzaban, bia bësë fë binganyiṅ okoba ai miṅyian mi nyòl mian, bibò ṅyian nyòl ai nsisim, bia fë bingabë hë bòn bë olun anë e ba bëvòg a enyiṅ dzaan.

Ef 4:17

Makad mina dò ndò fë makogëlan ai mina abë Nti: të miadugan nyiṅ anë bëhaiden banyiṅ a mvol nnëm waban,

Ef 4:22

na mivaè nnomo modo ya enyiṅ dzaan ya okoba, nnomo modo ya anë ṅwuan a mintsogan mi nsëm,

Ef 5:6

Të mod adug mina ai nkòbò mvol. Asu ai akyaè mam te ngò olun Zamba wazu bòn mëlò a nyòl.

Ef 5:8

Amu mingabë dibi osusua, etoa dzi, minë mfyè abë Nti. Nyiṅan anë bòn bë mfyè,

Ef 6:12

Amu esëki ndum awu, enë ndum ya mialuman ai bidzoe, ai mingungul, ai bëdzoe bë e si dibi nyi, ai bëbe minsisim ya yob.

Kolosi 1:21

Angalad fë ai mina ya mingabë bëdzin ai minziziṅ okoba asu mintsogan ya bëbë bë mam,

2Tim 4:10

Amu Demas alig ya ma, adiṅi e si-ndon nyi, ndò akë a Tesalonika, Kreskes akëlë a Galasia, Titus a Dalmasia.

Yakobus 1:27

Olugu Zamba ya anë mfuban, tègè ai atòn a mis më Zamba anë na: akë bëbë ban bë nyui ai minkus a mindzug miaban, atòbò tègè ai akalëga a mam më si-ndon.

Yakobus 1:7

Amu mod te ayean ki kë ai ntsogan osu na ayi bi dzom ziṅ abë Zamba;

Yakobus 4:4

A e bod miasëki bod bë afidi ba, nga miayëm na amvoe ai si-ndon latyan na wasiṅ Zamba?

Petrus osu 1:14

Mbol minë bòn mëwog, te mianyiṅ anë miṅyian mian ya okoba, eyòṅ mingabë mingënë të yëm,

Petrus osu 4:3

Abog angalod ya layëan asu e mam bëhaiden babò, a enyiṅ ebamba, bëmvomëgan, bësògò mëyòg; enyiṅ bidi ai mënyu, mëyòg ai olugu bëzamba anë eki.

Petrus bèè 2:14

Mis maban mënë atuud ai ṅyian ndaman mëlug, tègè vòd nsëm. Basòṅ minnëm miyëmë ki a kpiim; Bëbëlë minnëm ya mimana ya yëmëlë ai ndòg. Bòn bë eyòg!

1Yoh 3:10

Bòn bë Zamba ai bòn bë Satan basëlan e dzam di na: E mod osë abò ki sosoo asò ki abë Zamba, tò fë e nyò adiṅ ki manyaṅ.

1Yoh 3:8

E nyò abò nsëm asò abë Satan, amu Satan azuzu ya asëm atarigi a mëtari. Asu te mòn Zamba angakulëban, na asole mimboan mi Satan.

1Yoh 4:4

Mina miasò abë Zamba, a bòngò, ndò mingatègè bò amu e nyò anë abë mina alod e nyò anë a si-ndon.

1Yoh 5:19

Biayëm na biasò abë Zamba, ndò si-ndon esë enara a nsëm.

1Yoh 5:4

E dzi esë enë mbyalan abë Zamba yatègè si-ndon. Ntegan watègè si-ndon onë ṅyëbë waan.

Ekuli-mam 12:9

Ndò bëngawoe e ngaṅ-mëdzaa nyò, mod nnomo nyò, ṅnyè baloe na Satan, ṅnyè adug si-ndon esë, ndò bëngawoa nyè a si, ndò fë bëngawoa benglès boe fufulu ai nyè a si.

Ekuli-mam 13:14

ndò adug e bod bëtoa a si ai mëndëm ya bëngavë nyè ngul na abò a mis më tsit afan, akada e bod bëtoa a si na bëkom bivëgëlë asu e tsit afan bëngabali ai nyamëla okëṅ, enyiṅ ifë.

Ekuli-mam 13:8

Ndò e bod bësë bëtoa a si bayi nyè lugu, e ba ya dzoe daban asëki ntilan osusua akomo-lë yob ai si a kalara enyiṅ man ntomba ya angatsigëban.

Ekuli-mam 16:17

Ndò e nyò zamgbala angasoe kòb dzie a evundu, ndò mod kiṅ angasò a tempel a etoa-ati na: Lëbòban ya.

Ekuli-mam 20:2

Ndò angavë ngaṅ-mëdzaa mò, nnomo nyò, ṅnyè anë Satan, ndò angafaṅ nyè ngadag a taṅ tòzin bisëb,