Ef 2:13 - MKPAMAṄ AMVOE Nouveau Testament en langue Ewondo 2012

¹³ Etoa dzi, abë Kristus, e mina ya mingabë oyab ai Kristus okoba, mintoa ya babi a mëki më Kristus.

Ef 2:13 Iomraidhean Croise

Yohannes 10:16

Ndò fë mëbëlë mintomba mifë ya miasëki a efòg dzi. Mayean wulu ai e mili mite, miayi wog kiṅ dzama, ndò miayi bò esamba dzia, ṅnòni mbòg.

Bisye bi Apostel 15:14

Simun amana ya lèè e kan ya Zamba angatari ṅyëbë na anòṅ ayòṅ a zaṅ bëhaiden asu dzoe die.

Bisye bi Apostel 2:39

Amu, mina, ai bòn ban, ai e bod bësë bënë oyab, ai e taṅ bod esë Nti Zamba waan angaloe, mina minë ai ngaga».

Bisye bi Apostel 22:21

Nyè ai ma na: Këlëg, amu malom wa a mëyòṅ oyab.

Bisye bi Apostel 26:18

na mëyaè bò mis, na bëkodo a dibi, bëdugan a mfyè, bëkodo a ngul Satan, bëdugan abë Zamba, na bëbi evaa-minsëm ai ngab elig ai e bod bëfububan ai ṅyëbë bayëbë ma.

Roma 8:1

Antoa hm na, ntol mëku ziṅ wasëki asu e bod bënë abë Kristus Yesus.

1Kor 1:30

Ṅnyè abò na mitòbò abë Kristus Yesus ya anë bia e fëg yasò abë Zamba, mëkyëbë ai mfuban, ai akode,

1Kor 12:13

Amu bia bësë bingaduuban abë Nsisim mbòg na binë nyòl dzia, tò Yuden, tò Grek, tò bëlò, tò fili bod, ndò fë bia bisë binganyu Nsisim mbòg.

1Kor 6:11

Nala ngò bëvòg ya abë mina bëngabë. Ndò mingawòbòban ya, mintoa mimfufub, mikyëbë a nkat a dzoe Nti Yesus Kristus ai abë Nsisim Zamba waan.

2Kor 5:17

Ngë mod anë abë Kristus, anë mkpamaṅ ekokoma. Minnomo mimana ya, yënë sik, mimkpamaṅ mintoa ya.

Galati 3:28

Man Yuden asëki fë, tò man Grek, tègè ai olò, tègè ai fili mod, tègè ai fam, tègè ai mininga. Amu mina bësë minë dzom dzia abë Kristus Yesus.

Ef 1:1

Ma Paulus, man apostel Kristus Yesus a ṅyian Zamba, matil mimfufub ya minë a Efesi, a bayëbë Kristus Yesus:

Ef 1:7

Abë nyè ngò bibëlë akode asu mëki moe, evaè minsëm, anë akuma maa die layi,

Ef 2:10

Amu binë ekokoma dzie, bingakomban abë Kristus Yesus asu mimbëmbë mimboan ya Zamba angatari komëzan asu yë na biwulu ete.

Ef 2:12

mitsogo na abog te mingabë miwoge ki ai Kristus, mitoa bëdzin a ayòṅ Israel, bëyëṅ a mëtiṅ më ngaga, tègè ai afidi, mitoa tègè ai Zamba a si-ndon.

Ef 2:2

a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Ef 2:6

ndò angavëlë bia, atoa fë bia a yob fufulu ai Kristus Yesus,

Ebrea 9:18

Nala onë na, tò amvoe osu andzëki bòban tègè ai mëki.

Petrus osu 3:18

Amu Kristus emen angabi mintye asu minsëm hë eyòṅ dzia, sosoo mod asu bod bë nkòt, asu yë na akë ai bia abë Zamba; bëngawoe nyè a nyòl, adugan bëlë enyiṅ a nsisim.

Ekuli-mam 5:9

bëngayia mkpamaṅ dzia, bò na: Wakyëbë na onòṅ kalara, oyaè fë zitam dzie, amu bëngatsig wa kiṅ, ndò ongakus bod asu Zamba a mëki moe, bod ya nda-bod esë, ai minkòbò misë, ai ayom asë, ai mëyòṅ mësë,