Ef 2:10 - MKPAMAṄ AMVOE Nouveau Testament en langue Ewondo 2012

¹⁰ Amu binë ekokoma dzie, bingakomban abë Kristus Yesus asu mimbëmbë mimboan ya Zamba angatari komëzan asu yë na biwulu ete.

Ef 2:10 Iomraidhean Croise

Mt 5:16

Mfyè waan ofyè a mis më bod nala, asu yë na bëyen mimbëmbë mi mam miabò, bëvë esya waan ya yob olugu.

Yohannes 3:21

E nyò abò sosoo azu a mfyè, asu yë na mimboan mie mikulan, amu minë mboan abë Zamba.

Bisye bi Apostel 9:31

Ekoan nda-Zamba engabë a saaṅ a Yudea asë, ai a Galilea ai a Samaria, eloṅëban, ewulugu, ekama Nti, ebuguban ai nkëan Mfufub Nsisim.

Bisye bi Apostel 9:36

Mininga ziṅan gabë a Yopa, dzoe na Tabita, nala watyan na: Ngòn nkògò. Angabë abòò abui mimbëmbë mi mam, atoa fë akab abui.

Roma 8:1

Antoa hm na, ntol mëku ziṅ wasëki asu e bod bënë abë Kristus Yesus.

Roma 8:29

Amu e ba angatari yëm osusua, atele fë bò na bëfulan ai mòn woe, asu yë na abò ntol mòn a zaṅa bui babënyaṅ.

1Kor 3:9

Amu biasye fufulu ai Zamba, mina minë afub Zamba ai nda-Zamba.

2Kor 5:17

Ngë mod anë abë Kristus, anë mkpamaṅ ekokoma. Minnomo mimana ya, yënë sik, mimkpamaṅ mintoa ya.

2Kor 5:5

E nyò angakomëzan bia asu dzam te anë Zamba, ṅnyè avë bia eban Nsisim.

2Kor 9:8

Zamba abëlë ngul ya abulu maa osë abë mina, asu yë na mibëlë e dzom esë miayaṅan ai dzò, a dzam asë ai kòm esë, mibulu hm bò e dzom enë mbëṅ,

Galati 6:15

Amu, tò mod onë nkëlan, tò osëki, nala osëki dzom; mkpamaṅ ekokoma ngò onë dzom.

Ef 1:1

Ma Paulus, man apostel Kristus Yesus a ṅyian Zamba, matil mimfufub ya minë a Efesi, a bayëbë Kristus Yesus:

Ef 1:4

akyaè angatòb bia abë nyè osusua akomo-lë yob ai si, na bibò mimfufub, tègè ai atòn a mis moe a ediṅ,

Ef 2:13

Etoa dzi, abë Kristus, e mina ya mingabë oyab ai Kristus okoba, mintoa ya babi a mëki më Kristus.

Ef 2:15

asole mvende mëbende asu yë na akom bësë bëbè abë nyè na bëbò mkpamaṅ mod a wabò mvoè,

Ef 2:2

a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Ef 2:6

ndò angavëlë bia, atoa fë bia a yob fufulu ai Kristus Yesus,

Ef 4:1

Makogëlan hm ai mina, ma, man mimbog, abë Nti, na minyiṅ ai dzin nloe bëngaloe mina,

Ef 4:24

mibòd hm mkpamaṅ mod akyaè Zamba adiṅ, a ongakomban mëkyëbë ai mfaṅ bëbëla.

Filipi 1:6

mëyëmë fò mbëṅ na e mod angatari abëṅ esye di abë mina ayi dzò dzala akui a amos Kristus Yesus.

Filipi 2:13

Amu Zamba ṅnyè asye abë mina, ndò fë ayi sye asu mbëmbë ṅyian.

Kolosi 1:10

na minyiṅ anë mbol wayean ai Nti, midzëṅë na minyëb nyè a nnëm a mam mësë, a e dzam asë anë mbëṅ,

Kolosi 3:10

mibòd mkpamaṅ modo, ya odugan ya bò mkpamaṅ na ayëmë akyaè e nyò angakom nyè

2Tes 2:17

avòligi minnëm mian, awone fë miè a mboan osë ai a mbëmbë nkòbò.

1Tim 2:10

bëdzaman ai mimbëmbë mimboan, akyaè layean ai e bininga bamëm olugu Zamba.

1Tim 5:10

awumu ai mimbëmbë mimboan: ngë anganèè bòn, ngë angabëlan ai bëyëṅ mbëṅ, ngë angasob mimfufub mëkol, ngë angavòli e bod bëbëlë mindzug, ngë angamvaman ai abëṅ dzam asë.

1Tim 5:25

Nala ngò fë mimbëmbë mi mam miakui a ngëëṅ, tò e mi minë abe tò e mi miasëki dzam sòbò.

1Tim 6:18

Bod bëte bëbòò mbëṅ, bëbulu bò mimbëmbë mi mam, bëbòò akab, bëbii fulu akab;

2Tim 2:21

Ngë mod ziṅ amana hm wòbò mfuban a e mam ma, ayi bò dzam olugu, mfuban, atoa ai esya nda mfi, atoa nkomëzan asu abëṅ dzam asë.

2Tim 3:17

asu yë na mod Zamba abò a ngomëzan, abëlë fë ekpëlë a abò e dzam asë anë mbëṅ.

Titus 2:14

ya angakaban asu daan, asu yë na akode bia a nkòt osë, ai na afubu nyè emen akyaè ayòṅ etam, a lamvaman ai mimbëmbë mi mam.

Titus 2:7

a mam mësë, lëdëgë na wamen onë mvulna a mimbëmbë mi mam mësë, olëdëgë na onë a saaṅ a dòkten woe, ai dzin,

Titus 3:1

Dugan bò tsog na bëbò mintomba ai bidzoe mëwog, bëwog bò, bëtòbò a ngomëzan asu abëṅ dzam asë,

Titus 3:14

Bod baan bëtoan yègè mvaman ai mimbëmbë mi mam, asu mimfaṅ mëyaṅan, asu yë na të batòbò nala të bò esye.

Titus 3:8

Ebug enë bëbëla; Mayi na matoan wa baala e mam ma, na e bod bëngafudi afidi daban abë Zamba bëdzëṅ na bëmvaman ai mimbëmbë mi mam. Mam mëte mënë mbëṅ, mëtoa fë ai mfi asu bod.

Ebrea 10:24

ṅyëgan ngul ya ediṅ a i mimbëmbë mi mam, anë mod asu e nyò mbòg,

Ebrea 13:21

avaag mina e dzom esë enë mbëṅ asu yë na mibò ṅyian woe, asye abë bia e dzi yanyëb a mis moe abë Yesus Kristus; ṅnyè duma abòò ai nyè a bisëb bisëb. Amen.

Petrus osu 2:12

Nyiṅan mbëṅ a zaṅ bëhaiden asu yë na, ngë bakë mina laṅ ebug anë bëbò bë abe, bëyen mimbëmbë mimboan mian, bëvë fë Zamba duma amos ayi bia sòṅ yen.

1Yoh 1:7

Ngë biawulu a mfyè akyaè ya anë a mfyè, bibëlë ngab bia bia, ndò fë mëki më mòn woe Yesus mavaè bia mvit ya nsëm osë a nyòl.

1Yoh 2:6

E nyò adzo na atòbò abë nyè, ayean wulu anë nyè fë angawulu.