Ef 1:20 - MKPAMAṄ AMVOE Nouveau Testament en langue Ewondo 2012

²⁰ Ngul te endzò asye ai dzò abë Kristus, ai nkulan angakuli nyè a bëkon, atoa nyè a mbo-nnomo woe a yob,

Ef 1:20 Iomraidhean Croise

Mt 26:64

Yesus nyè ai nyè na: Ndò wadzo dili. Ndò hm fë makad mina na, akaègè etoa dzi miayi yen mòn mod atoa edzoe a mbo-nnomo, asusu a minkut ya yob.

Mt 28:18

Ndò Yesus angasubu bò babi, nyè ai bò na: Ngul esë engavëëban ma, tò a yob, tò a si.

Mk 14:62

Yesus nyè na: Owe, ndò fë miayi yen mòn mod atoa a mbo-nnomo ngul, azaa fë a minkut a yob.

Mk 16:19

Eyòṅ hm Nti Yesus angamana lèè ai bò nala, ndò anganòṅëban a yob, atòbò a mbo-nnomo Zamba.

Yohannes 10:18

Mod afadi ki ma dzò, dzam da, mamen makab dzò, mëbëlë fë ngul ya adugan dzò nòṅ. Mënganòṅ e mvende nyili abë Tara.

Yohannes 10:30

Bia Tara binë dzom dzia.

Bisye bi Apostel 10:40

Zamba angakuli nyè a sòṅ a amos lala, ndò fë angabò na ayene,

Bisye bi Apostel 26:8

Asu dze miayen aye na Zamba avëlë mimbim?

Bisye bi Apostel 4:10

mina bësë hm, ai ayòṅ Israel asë, yëman na a dzoe Yesus Kristus man Nazaret ya mina mingabomë a klos, ndò Zamba angavëlë nyè a bëkon, a dzoe die ngò e mod nyò atëlë mina mvoè osu.

Bisye bi Apostel 5:31

Zamba abede nyè a wò mbo-nnomo woe na abò etòṅ-ntomba ai nkode, ai na avë Israel ntsendan enyiṅ ai evaè minsëm.

Roma 1:4

bëtele nyè na anë mòn Zamba ai ngul mfag ya Mfufub Nsisim, atarigi a akui-lë sòṅ bëwu, Yesus Kristus Nti waan;

Roma 8:34

Za ayi kpèè a adzo? Kristus Yesus angawu, abadan afëdan, akui a sòṅ, ṅnyè anë a mbo-nnomo esya, akogëlan asu daan.

Ef 1:3

Olugu ai Zamba, esya Nti waan Yesus Kristus, ya angafubu bia ai nsalan Nsisim osë a yob abë Kristus,

Filipi 3:10

na mëyëm nyè, mëyëm fë ngul akui-lë sòṅ die ai anòṅ ngab a mintye mie, na mëfulan fë ai nyè a awu die,

Kolosi 1:16

Amu abë nyè, byem bisë ya yob ai e bi ya si bingakomban, Ebi bayen ai e bi bayen ki, tò mintomba, ai bati, ai bidzoe, ai mingungul; Byem bisë bingakomban ai nyè asu die.

Kolosi 3:1

Ngë bëngakuli hm mina a sòṅ ai Kristus, dzëṅan mam ya yob, mfag ya Kristus atoa a mbo nnomo Zamba.

Ebrea 1:3

Ṅnyè anë mfyè ya duma die, atoa fë ndëm nsi woe, abëgë dzom esë ai ngungul ebug woe, avëṅan esob-minsëm, atòbò a mbo-nnomo ati a yob ete,

Ebrea 10:12

nyè angatuni efaè dzidzia, atòbò a mbo-nnomo Zamba a kòm ya kòm,

Ebrea 13:20

Zamba mvoè ya azu ai Nti waan Yesus Kristus, mod nnòni mintomba, a bëkon a mëki më amvoe kole,

Ebrea 2:9

E Yesus ya benglès bëngabë bëlodo hë asu man etun abog, ṅnyè biayen abëgë ekadi ai olugu asu mintye mi awu, asu yë na, ai maa Zamba, adëmëlë awu asu bod bësë.

Petrus osu 1:3

Ngaṅ ai Zamba esya Nti waan Yesus Kristus ya angabò na, a ṅyian abui ngòl die, midugan byali a vëvëë afidi ai akui-lë sòṅ Yesus Kristus a bëkon,

Ekuli-mam 1:17

Ayen mëngayen nyè, ndò mëngaku nyè a mëkol anë mbim, ndò abede ma wò mbo-nnomo a nyòl, nyè na: Të wambara. Ma mënë e mod osu ai e mod mvua,