Ef 1:1 - MKPAMAṄ AMVOE Nouveau Testament en langue Ewondo 2012

¹ Ma Paulus, man apostel Kristus Yesus a ṅyian Zamba, matil mimfufub ya minë a Efesi, a bayëbë Kristus Yesus:

Ef 1:1 Iomraidhean Croise

Lk 16:10

E nyò anë mod afidi a ban mam ayi fë bò mod afidi a mam mënen; e nyò ki anë dzongo a ban mam, ayi fë bò dzongo a mam mënen.

Bisye bi Apostel 16:15

Eyòṅ angaduuban ha ai nda-bod dzie esë, ndò akogëlan ai bia, nyè na: Ngë mina miyen na mayëbë Nti, zaan a nda dzama, mitòbò ete. Angayag fò bia a kiṅa i dzam te.

Bisye bi Apostel 18:19

Ndò bakui a Efesi, aligi bò hala, nyè akëlë a nda-bikoan, angalaṅëdan ai Yuden.

Bisye bi Apostel 18:21

dzam da, ndò ayaan ai bò, nyè na: Mayi dugan sòṅ a bë mina, ngë Zamba adiṅ. Ndò atye a Efesi,

Bisye bi Apostel 9:13

Ananias nyè na: A Nti, mëwog ya abui bod bëkòbògò adzo e mod nyòlò, e bëbe bë mam bësë abò mimfufub mie a Yerusalem.

Roma 1:1

Ma , Paulus, olò Yesus Kristus, mëloeban na mëbò man apostel, mëtòbëban asu mbëmbë foe Zamba,

Roma 1:7

e mina bësë ya minë a Roma, mindindiṅ mi Zamba, a minë nloean a etye mimfufub, ntotomamaa ai e mvoè ya biasò abë Zamba esya waan, ai abë Nti Yesus Kristus bibòòg ai mina.

Roma 8:1

Antoa hm na, ntol mëku ziṅ wasëki asu e bod bënë abë Kristus Yesus.

1Kor 4:12

ndò biawu esye, bisye ai mò maan. Eyòṅ bakag bia, bia bikubu bò ntotomamaa, bëfëmë bia, bidzibigi,

1Kor 4:17

Asu te malom mina Timoteus; anë ndindiṅ mòn afidi wama abë Nti, ṅnyè ayi mina dugan tsog mëzen mama abë Kristus Yesus, akyaè mayëgëlë hom osë a nda-Zamba esë.

2Kor 1:1

Ma Paulus, man apostel Kristus Yesus a ṅyian Zamba, ai madzaṅ Timoteus, abë nda-Zamba ya enë a Korinti, ai e mimfufub misë minë a Akaia asë,

Galati 1:1

Ma, Paulus, man apostel, së ki a nloe bod, ngë a zen bod , hë a zen Yesus Kristus ai Zamba esya ya angavëlë nyè a bëkon,

Galati 3:26

Amu mina bësë minë bòn bë Zamba asu ṅyëbë ya abë Kristus Yesus.

Galati 3:28

Man Yuden asëki fë, tò man Grek, tègè ai olò, tègè ai fili mod, tègè ai fam, tègè ai mininga. Amu mina bësë minë dzom dzia abë Kristus Yesus.

Galati 3:9

Antoa na, e bod banyiṅ enyiṅ ṅyëbë babëlë maa ai ṅyëbë Abraham.

Ef 1:15

Asu te, mbol mëngawog foe ṅyëbë waan ya abë Nti Yesus ai ediṅ ya miadiṅ mimfufub misë,

Ef 2:10

Amu binë ekokoma dzie, bingakomban abë Kristus Yesus asu mimbëmbë mimboan ya Zamba angatari komëzan asu yë na biwulu ete.

Ef 2:13

Etoa dzi, abë Kristus, e mina ya mingabë oyab ai Kristus okoba, mintoa ya babi a mëki më Kristus.

Ef 2:6

ndò angavëlë bia, atoa fë bia a yob fufulu ai Kristus Yesus,

Ef 6:21

Asu yë na miyëm mbol mënë ai esye mabò, ndindiṅ madzaṅ Tukikos ya anë fë mbò-esye afidi abë Nti ayi mina mana kad,

Kolosi 1:2

biatil mimfufub ai babëdzaṅ bayëbë Kristus a Kolosi; mvoè ai maa bibò ai mina, bisòò abë Zamba esya waan.

Ekuli-mam 17:14

Mbò bayi luman ai ntomba, ndò ntomba wayi bò tègè, amu anë Nti bëti ai nkukuma minkukuma, e bod bënë ai nyè fufulu bëtoa nloan, ntòban, bëtoa bod bë afidi.

Ekuli-mam 2:10

Të hm wambara e mam wayi dzugi. Satan ayi woa bod bëvòg ya abë mina a mbog, asu yë na mibi mëbobëla, ndò miayi bi ndzug mëlu awom. Bòò mod-afidi, akëlë kui a awu, mëvë wa ekadi-duma enyiṅ.

Ekuli-mam 2:13

Mayëm e hom otoa, awe ngò etoa-ati Satan enë, dzam da ndò walad ai dzoe dama, ndò fë waandzëki sie na wayëbë ma, tò ben a mëlu më Antipas, mbòòlò wama, mod-afidi wama, a bëngawoe a tisòn dzaan, e hom Satan anyiṅ.