2Tim 4:8 - MKPAMAṄ AMVOE Nouveau Testament en langue Ewondo 2012

⁸ Atarigi etoa dzi, bënyie ya ma ekat duma mëkyëbë, a Nti ya anë sosoo ntsigi ntol ayi ma vë amos te; së ki hë ma etam ayi dzò vë, ayi fë dzò vë e bod bësë bëngadiṅ asò-lë die.

2Tim 4:8 Iomraidhean Croise

Mt 24:36

Mfa amos te ai awola te, tò mod ziṅ ayëyëm; tò benglès ya yob, tò mòn, hë Tara etam.

Mt 7:22

Abui dzam layi dzo ai ma amos te na: A Nti, a Nti, së a dzoe doe ngò bingabò abui biyëṅ bi mam a?

Lk 10:12

Makad mina na, amos te, Sodoma ayi bi ovëves alodo tisòn te.

Roma 2:5

Etòm alèd-nnëm doe ai mëlò ya nnëm woe endzò wakoman wamen olun a nyòl asu amos olun ai amos ya sosoo ntol Zamba ayi kulan,

Roma 8:23

Së hm ki hë nala, dzam da, bia bëben bibëlë bifaè bi osu ya abë Mfufub Nsisim, bia bëben biatad a minnëm etere biyanga na bibò bòn bë Zamba, ai akode nyòl dzaan.

1Kor 2:9

Dzam da, hë mbol anë ntilan na: E mam ya dis andzëki yen, alò të wog, e dzi yabë ki lod mod a nlo, e bi ya Zamba angakomëzan e ba badiṅ nyè.

1Kor 3:13

esye mod osë yayi kui a ngëëṅ, amu biayi kuban a ndoan. Amu, e kan esë esye mod enë, ndoan yayi dzò fial.

1Kor 9:25

E mod akë mbil nala, abaala abui biki na atom nyòl; bò babò nala asu maan më ndon, bia ki asu maan më kole.

2Kor 5:2

Ndò hm bibëlë mintye, biyii du na biabëlan ai etòbògò dzaan yasò a yob,

Filipi 3:11

na mëkë kui a akui-lë sòṅ bëwu.

Kolosi 1:5

asu afidi bënganyie mina a yob, a mingatari wog a ebug bëbëla mbëmbë foe

1Tes 1:10

ai na miyanga mòn woe, a asò a yob, e nyò angavëlë a bëkon, Yesus ya akode bia a olun ya wazu.

1Tes 5:4

Mfag waan, a babëdzaṅ, miasëki a dibi, asu yë na amos odilan mina anë ṅwuwub.

2Tes 2:8

Abog te mod-nkòt ayi kulëban, ṅnyè Nti Yesus ayi woe ai evundu ya anyu die, amana fë ndaman nkuan-ngëëṅ woe osë,

1Tim 6:19

Bëkomëzan bò bëben akuma, abëṅ mëtin më nda asu enyiṅ yazu, asu yë na bëbi mfaṅ enyiṅ.

2Tim 1:10

Maa te akulan etoa dzi ai asò-lë nkode waan Kristus Yesus ya angasole awu, asòò ai enyiṅ a enyiṅ kole a mfyè ai mbëmbë foe.

2Tim 1:12

etòm te endzò madzugi e mam ma. Dzam da mawog ki osòn, amu mayëm e mod mëngafudi afidi dama abë nyè, ndò fë mayëm mbëṅ mbëṅ na abëlë ngul ya akala e dzi ya angavë ma asu amos te.

2Tim 1:18

Zamba avaa nyè na ayen ngòl abë Nti amos te. Ndò fë wayëm mbëṅ alodo ma abim bisye angavòli bò a Efesi.

2Tim 2:5

Ngë mod ziṅ anë a bivoe ya bod bavëgan a mbil, asëki dzam dò ngë abò të voe anë mëmvende mayi.

2Tim 4:1

Matëbëlë wa, a mis më Zamba ai a mis më Kristus Yesus ya ayi bò nkat bënyiṅ ai bëwu a asò-lë die ai edzoe dzie.

Titus 2:13

biyanga mvomvòm afidi ai asò-lë duma Zamba nen ai nkode waan Yesus Kristus

Ebrea 12:11

Ayëgëlë asë layene ki na anë adzo mintag etye etye, hë adzo olun; a mvus hala, angavë bibuma bi mvoè ya mëkyëbë asu e bod bëngabi ayëgëlë te.

Ebrea 9:28

nala ngò fë Kristus ya bëngatuni eyòṅ dzidzia ayi sò eyòṅ bèè, asu yë na avaè minsëm mi abui bod, së ki asu adzo minsëm; azu asu yë na akode e ba ya bayanga nyè mfaṅ.

Yakobus 1:12

Mvòm ai e mod ya anë nkanga a mëbobëla, amu e mod akui zingi ayi bi ekada-olugu enyiṅ ya angakag e bod badiṅ nyè.

Petrus osu 1:4

asu ngab-elig yandaman ki, etoa fë tègè ai atòn, tègè bubi, a banyie a yob asu daan,

Petrus osu 5:4

Eyòṅ ṅnòni nen ayi sò a ngëëṅ, miayi bi ekada e duma lamana ki.

Ekuli-mam 1:7

Yënë sik, azu ai minkut, ndò dis asë layi nyè yen, tò ben e ba bëngatubulu nyè; abog te mëyòṅ mësë ya si mayi nyè yëb. Owe, amen.

Ekuli-mam 19:11

Ndò mëngayen yob oyoo, atëm na mfum ekabëli, mod atoa dzò a yob, bëloege nyè na: mod-afidi, mod-bëbëla. Atsig ntol, aluman fë a sosoo.

Ekuli-mam 2:10

Të hm wambara e mam wayi dzugi. Satan ayi woa bod bëvòg ya abë mina a mbog, asu yë na mibi mëbobëla, ndò miayi bi ndzug mëlu awom. Bòò mod-afidi, akëlë kui a awu, mëvë wa ekadi-duma enyiṅ.

Ekuli-mam 22:20

E nyò abòòlò e mam ma adzo na: Owe, vologo zu. Amen. Zaag, a Nti Yesus.

Ekuli-mam 4:10

e minnom mi bod mintèd minyii mi, mingaku e mod atoa a etoa-ati a si osu, bëngalugu e nyò avëë a bisëb bisëb, bëwoaga bikada bi duma biaban a etoa-ati osu, bò na:

Ekuli-mam 4:4

Bitoa mintèd minyii bingabë etoa-ati edinga a nyòl; a bitoa mintèd minyii bi, minnom mi bod mitoa, mibëgë mimfum biwòman, bikada bi olugu bi mvòt a minlo a yob.