2Tim 4:5 - MKPAMAṄ AMVOE Nouveau Testament en langue Ewondo 2012

⁵ Mfag woe, osaala mam mësë, obëlëgë mintye, obò esye nkada mbëmbë foe, odzala esye dzoe.

2Tim 4:5 Iomraidhean Croise

Mt 25:16

Etye etye, ndò e mod angabi minsaṅ mi mòni mitan nyò anganòṅ miè, asye ai miè, ndò mingabulu nyè minsaṅ mifë mitan.

Mk 13:34

Anë anë mod ya angakë a dulu, aligi nda dzie ai bod bisye boe, avë bò ngul, anë mod esye dzie, abende nnòni na abò evie.

Mk 13:37

Ndò fë e dzam madzo di anë asu mod osë: tòbëgan a ngomzëna.

Lk 12:37

Mvòm ai bëbò bisye bëte a Nti ayi kòb bëtoa ehie eyòṅ ayi sò. Makad mina bëbëla na ayi tindi eyie a angëdëg, amana bò toa a si, angakë asye bò.

Bisye bi Apostel 21:8

Amos otsaag, ndò biatye, bikëlë a Sezarea, ndò bianyian a nda Filip, nkada foe, mbòg ya bod zamgbal, ndò biatòbò abë nyè.

Roma 15:19

ai ngul mësimba ai biyëṅ bi mam, ai ngul Nsisim Zamba. Nala ngò mamana bò esye mbëmbë foe Kristus, atarigi a Yerusalem, mëkilan a ngòdò esë akëlë kui a Iliria,

Ef 4:11

Ndò fë angatele apostel, bëprofèt, bëkad bë mbëmbë foe, bëvòg bënòni, ai bëyëgëlë,

Ef 4:12

asu yë na akomëzan mimfufub asu nsol esye, asu nloṅan nyòl Kristus,

Kolosi 1:25

Endzò mavëṅan mod bisye dzie akyaè Zamba abëlan ai dò, avë fë ma na mëdzala ebug Zamba abë mina,

Kolosi 4:17

Kadan Arkipus na: Odzëṅ na odzala esye ya ongabi abë Nti.

1Tes 5:6

Ndò hm të miakë oyò anë e bod bëvòg, dzam da ntòbògan evie, tègè nyu.

1Tim 4:12

Të mod abyandi wa mbol ongënë mòngò; Obòò mvulna asu bëyëbë a nkòbò, a fulu, a ediṅ, a ṅyëbë, a fulu mfuban.

1Tim 4:15

Otoan bò e mam mala, onyiṅi hë ete, asu yë na bod bësë bëyen anë wakë ai enyiṅ dzoe osu.

2Tim 1:8

Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

2Tim 2:10

Asu te madzibi mësë asu e bod bënë ntòban, asu yë na bò fë bëbi akode ya anë abë Kristus Yesus ai mintag mi kòm.

2Tim 2:3

Nòṅò ngab a mintye anë mbëmbë man bëzimbi Kristus Yesus.

2Tim 4:17

Nti angakè ma, avëë ma ngul, asu yë na, a anyu dama, nkadan mbëmbë foe odzalëban, ai na bëhaiden bësë bëwog; Ndò mëngakodeban a anyu emgbëm;

Ebrea 13:17

Boan bëtëbë bë osu baan mëwog, midzòdiban fë abe bò; amu bakala minnëm mian anë e bod bayi tëbë ai dò a nkat, asu yë na bëbò dò ai mintag, tègè wog abe. Amu nala wasëki ai mina mfi ziṅ.

Petrus osu 1:13

Asu te, tindëgan kanda a angëdëg nnëm waan, miban nnëm mbëṅ, mifudi afidi daan a maa ya bazu ai mina nyè a asò-lë Yesus Kristus.

Ekuli-mam 3:2

Otòbògò evie, owonëṅe e man abim aligi ya, a atëlë a etye awu, amu mayen ki na mimboan mie minë ntud a mis më Zamba wama.