2Tim 2:3 - MKPAMAṄ AMVOE Nouveau Testament en langue Ewondo 2012

³ Nòṅò ngab a mintye anë mbëmbë man bëzimbi Kristus Yesus.

2Tim 2:3 Iomraidhean Croise

Bisye bi Apostel 23:31

Ndò bëzimbi bënganòṅ Paulus ha ai alu asë, akyaè bëngabende bò, bëkëlëg ai nyè abë Antipater

1Kor 13:7

Yadzibi mësë, yayëbë mësë, yafidi mësë, yazombo mësë.

1Kor 9:7

Za angatam ya bò esye man bëzimbi ai mòni woe? Za angawòdan ya afub wayn, abò të di bibuma ya ete? Za ki anganòni ya nkunda biyëm, abò të di e bidi biasò ete?

2Kor 1:6

Ngë bibëlë mindzug, hë asu yë na biwone mina, ai asu akode dan. Ngë bibëlë awonòṅ, hë asu awonòṅ daan ya lasò e fin ya bibëlë a mindzug ya bia fë biadzugi.

1Tim 1:18

Abende di ndò mavë wa, a mòn wama Timoteus, latoban ai bibug bëprofèt asu doe, asu yë na bibò wa bikpële ya waluman ai biè mbëmbë ndum,

2Tim 1:1

Ma Paulus, man apostel Kristus Yesus a ṅyian Zamba ai asu ngaga enyiṅ enë abë Kristus Yesus,

2Tim 1:8

Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

2Tim 2:10

Asu te madzibi mësë asu e bod bënë ntòban, asu yë na bò fë bëbi akode ya anë abë Kristus Yesus ai mintag mi kòm.

2Tim 2:9

asu te madzugi mintye, mëbëgë ben mësuṅ anë ezilngan dzam da, ebug Zamba etii ki a mësuṅ.

2Tim 3:11

a bindëgëlë, a mintye ya mëngabi a Antiokia, a Ikoniom, a Listra, mëngadzibi bindëgëlë bite bisë, ndò fë Nti angakode ma a mam mëte mësë.

2Tim 4:5

Mfag woe, osaala mam mësë, obëlëgë mintye, obò esye nkada mbëmbë foe, odzala esye dzoe.

Filemon 1:2

bitili fë Afia kal dzaan, ai Arkipus ya abò esye bëzimbi ai bia fufulu, ai e nda-Zamba yatoban a nda dzoe;

Ebrea 10:32

Tsogan hm mëlu ya okoba; a mvus yë na mibi ya mfyè, ndò mingazombo abui mintye,

Ebrea 11:27

A ṅyëbë ngò angakodo a Egipten, tègè mbara ayòg nkukuma. Amu angabò fin hë anë ayen e nyò asëki ai ayene.

Ebrea 6:15

Nala ngò hm angabò fin, ndò angabëlë ngaga.

Yakobus 1:12

Mvòm ai e mod ya anë nkanga a mëbobëla, amu e mod akui zingi ayi bi ekada-olugu enyiṅ ya angakag e bod badiṅ nyè.