2Tim 2:24 - MKPAMAṄ AMVOE Nouveau Testament en langue Ewondo 2012

²⁴ Mbò-esye Nti ayean ki bò bitòm, ayean bò evovoe ai bësë, ayëmëṅë yëgëlë, adzibigi,

2Tim 2:24 Iomraidhean Croise

Mt 12:19

Ayi ki bò mod mëdzo, tò kiṅ, ayi ki bede a yob, Bayi ki wog kiṅ dzie a maan.

Yohannes 6:52

Yuden bëngasog bò bò ha, bò na: Eyë e nyò anë bia dzam vë nyòl dzie ya na bidi?

Bisye bi Apostel 15:2

Abui moman ai minkòbò bibolan a zaṅ Paulus ban Barnabas ai bò, ndò bayili na Paulus ai Barnabas ai bod bëfë ya abë bò bëbed a apostel ai bënyia-bod-mvia a Yerusalem asu adzo te.

Bisye bi Apostel 23:9

Mod etotog antoa, ndò bësaṅa bëkalara ya ngam bëfarisea bëngatëbë a si, bëngalaṅëdan ai e ba bëvòg ba, bò na: Biayen ki mbë dzam abë e mod nyò. Dze hm ki, ngë nsisim, ngë ki na englès alèè ai nyè?

Bisye bi Apostel 7:26

Amos otsaag hala, ndò azu bò kòb bëyidëgan, ndò angadzëṅ na ahaṅ bò, nyè na: 'A bod, kë minë anyaṅa ! Dze miawoean?'

2Kor 10:1

Mamen, Paulus, makogëlan ai mina ai evovoe, ai abëṅ nnëm Kristus, e ma ya mënë edzòdi-nyòl eyòṅ mënë abë mina, mëntoa ayòg eyòn mënë mina oyab.

2Kor 10:4

Amu bikpëlë bi ndum dzaan biasëki e bi bi nyòl; binë ngul asu Zamba na biabug mimfim, biasole mëlam më fëg;

2Kor 6:4

dzam da bialëdë bia bëben anë bësye bë Zamba, ai abui fin, a mindzug, a mëyaṅan, a wòṅ,

Galati 5:22

Bibuma bi nsisim binë na: ediṅ, mintag, mvoè, fin, abëṅ-nnëm, afu-nnëm, ṅyëbë,

Ef 4:2

ai edzòdi-nyòl esë, ai afu-nnëm asë, ai fin; midzibigi mina mina ai ediṅ,

Filipi 2:14

Boan mam mësë tègè ai minaṅëdan ngë mimfèt,

Filipi 2:3

mod tègè dzëṅ mfi woe emen, tègè dzëṅ engëlzëg, dzam da, ai edzòdi-nyòl, telegan e bod bëvòg osu, bëlodo mina;

Kolosi 3:13

midzibigi mina mina, midzuan fë mina mina ngë mod abëlë adzo ai e nyò mbòg. Akyaè ya Kristus angadzu mina, mina fë boan nala.

1Tes 2:7

tò anë mbol bibëlë ngul ya alëdë ngul dzaan na binë apostel bë Kristus, dzam da ndò bingavëṅan ban bòngò a zaṅ dzaan, anë eyòṅ nyia-ntòṅ afolo bòn boe,

1Tim 6:11

Mfag woe, a mod Zamba, tubu e mam ma. Biege mëkyëbë a zut, ai olugu Zamba, ai ṅyëbë, azombo, afu-nnëm.

Titus 1:1

Ma Paulus, mbò-esye Zamba, man apostel Yesus Kristus asu ṅyëbë e bod Zamba angatòb, ai asu ṅyëman bëbëla ya olugu Zamba,

Titus 1:7

Amu bisòb ayean bò tègè ai ebug balaṅ nyè, mbol anë etye nkala nda-Zamba, tègè ai nyè mëbun, tègè vol wog olun, tègè diṅ mëyòg, tègè diṅ bitòm, tègè dzëṅ akuma a nkòt,

Titus 1:9

ayëmë a kpiim a bëbëla ebug anë dòkten ayi, asu yë na atoan yëm vòli ai ayëgëlë, ai mfuban, atoan hm fë yëm dò e bod badoan ai nyè.

Titus 3:2

të bamgbali mod ziṅ, të badzëṅ bitòm, bëbò evovoe, bëlëdëgë bod bësë afu-nnëm daban;

Yakobus 1:1

Ma Yakobus, mbò-esye Zamba ai Nti waan Yesus Kristus, matil mënda më bod awom ai mebè ya mëngamana tsaman. Miavuma a !

Yakobus 3:17

Fëg yasò a yob; e di osu, enë mfuban mfuban; a mvus hala, enë mvoè, evovoe, enë mëwog, enë ndzalan ai nnëm ngòl, ai mimbëmbë bibuma, tègè ai dzò ebom-kama, tègè ai dzò mëdugan.

Yakobus 4:2

Ngë miandzëki bi e dzom miayi, mingawoe bod. Mibëlë ngoṅ asu dzom ziṅ, mbol miasëki dzò dzam bi, mingayidan, milumëṅan. Miabi hm ki mbol miadzaè ki.

Petrus osu 3:8

Mëngaluu nkòbò na, boan nnëm mbòg mbòg, miwogan mintye, midiṅan anë babënyaṅ, mibëlëgë nnëm edzòdi-nyòl,

Yudas 1:3

A mindindiṅ miama, mbol fò mayag na matil mina adzo akode anë bia fufulu, ndò mëyen na mayean mina til, mëkad mina na midzëṅ ṅyëbë bëngavë mimfufub evëvëë.