2Tim 2:21 - MKPAMAṄ AMVOE Nouveau Testament en langue Ewondo 2012

²¹ Ngë mod ziṅ amana hm wòbò mfuban a e mam ma, ayi bò dzam olugu, mfuban, atoa ai esya nda mfi, atoa nkomëzan asu abëṅ dzam asë.

2Tim 2:21 Iomraidhean Croise

Bisye bi Apostel 9:15

Nti ai nyè na: Këlëg, amu mod te anë ntòban na abëgë dzoe dama a bëhaiden, ai minkukuma, ai bòn bë Israel.

1Kor 5:7

Woan nnomo ekòsaṅ a fyè, asu yë na mibò mkpamaṅ ovug, mbol minë tègè ai ekòsaṅ. Amu ntomba Paska waan, Kristus, otsigëban ya.

2Kor 7:1

A mindindiṅ miama, mbol bibëlë e ngaga esë nyi, mfubugan bia bëben ai mvit ya nyòl ai a nsisim, bibò na mfuban waan obò ntud a wòṅ Zamba.

2Kor 9:8

Zamba abëlë ngul ya abulu maa osë abë mina, asu yë na mibëlë e dzom esë miayaṅan ai dzò, a dzam asë ai kòm esë, mibulu hm bò e dzom enë mbëṅ,

Ef 2:10

Amu binë ekokoma dzie, bingakomban abë Kristus Yesus asu mimbëmbë mimboan ya Zamba angatari komëzan asu yë na biwulu ete.

1Tim 6:11

Mfag woe, a mod Zamba, tubu e mam ma. Biege mëkyëbë a zut, ai olugu Zamba, ai ṅyëbë, azombo, afu-nnëm.

2Tim 2:16

Saala e bod bayëm ki Zamba, a bakòbò evoe nkòbò. Amu bayi kë ai ebyandi Zamba dzaban osu,

2Tim 2:20

A mod nda, së ki hë byem bi mvòt ai silba mbiè binë ete, byem bi ele ai ekòn binë fë we, bivòg bitoa asu olugu, e bi bivòg asu zëzë mam.

2Tim 3:17

asu yë na mod Zamba abò a ngomëzan, abëlë fë ekpëlë a abò e dzam asë anë mbëṅ.

2Tim 4:11

Lukas etam ṅnyè anë ai ma ha. Nòṅò Markus, ozu ai nyè eyòṅ wayi sò, amu anë ai ma mfi a esye abò.

Titus 3:1

Dugan bò tsog na bëbò mintomba ai bidzoe mëwog, bëwog bò, bëtòbò a ngomëzan asu abëṅ dzam asë,

Titus 3:14

Bod baan bëtoan yègè mvaman ai mimbëmbë mi mam, asu mimfaṅ mëyaṅan, asu yë na të batòbò nala të bò esye.

Titus 3:8

Ebug enë bëbëla; Mayi na matoan wa baala e mam ma, na e bod bëngafudi afidi daban abë Zamba bëdzëṅ na bëmvaman ai mimbëmbë mi mam. Mam mëte mënë mbëṅ, mëtoa fë ai mfi asu bod.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

Petrus osu 1:7

asu yë na ndëm ṅyëbë waan ebò asu mëngëmë ai duma ai olugu eyòṅ Yesus Kristus ayi kulëban. Ṅyëbë waan te onë ai mfi abui alodo e mvòt ya enë dzam ndaman, dzam da bëngakiègè të wò a ndoan.

1Yoh 3:3

Ndò e mod ose abëlë afidi abë nyè afubu emen, akyaè emen anë mfuban.