2Tim 2:15 - MKPAMAṄ AMVOE Nouveau Testament en langue Ewondo 2012

¹⁵ Luman fò ai ngul na obò zingi a mis më Zamba, mbò-esye ya abëlë akalëga osòn, akada ebug bëbëla a kpaam.

2Tim 2:15 Iomraidhean Croise

Mt 13:52

Nyè ai bò na: Asu te, ntil bëkalara osë ya ayègè mam ya edzoe ya yob, afulan ai mod-dzal ya akuli bisë etòg dzie, tò mimkpamaṅ, tò minnomo.

Mk 4:33

Ndò, hë e kan minkana nyi ndzò angabë akada bò ebug, e kan bëngabë dzam wog.

Lk 12:42

Nti nyè na: Za mbëmbë ai mfëfëg nkala-byem Nti ayi tele na adzoe bëbò bisye boe, asu yë na akad kab bidi eyòṅ abog akui ya?

Bisye bi Apostel 2:22

A bod ya Israel, vogolan e bibug bi; E Yesus man Nazaret ya Zamba angatele mina a zaṅ ai mimboan mi ngul, ai biyëṅ bi mam, ai e mëndëm Zamba angabò a mò moe a zaṅ dzaan, akyaè ya mina bëben miayëm,

Bisye bi Apostel 20:27

Amu mandzëki mina dimi akad ṅyian Zamba osë.

Roma 14:18

Amu e mod asye Kristus hala, anyëb Zamba a nnëm, bod bëkama fë nyè.

Roma 16:10

Sugan Apelès, ya angabi mindzug abë Kristus. Sugan bod ya nda-bod Aristobolus.

Roma 6:13

ndò fë të miabara vë bidzo bian na bibò bikpëlë bi mbë-nnëm; Vaan Zamba mina bëben anë e bënyiṅ basò a awu, mivë Zamba bidzo bian na bibò bikpëlë bi mëkyëbë.

1Kor 2:6

Biakòbò mam më fëg ai e bod bëwolobo ya, së ki fëg ya e si-ndon nyi, ngë ki e nyi e bod bë ndon badzoe e si-ndon nyi.

2Kor 10:18

Amu së ki e mod ataman emen ṅnyè bakam, hë e mod fò Nti ataman.

2Kor 3:6

ṅnyè angatele bia na bibò bësye bë mkpamaṅ elad, së ki elad enë ntilan, edzi Nsisim. Amu ekanga ekanga ya kalara yawoe, Nsisim wavë enyiṅ.

2Kor 4:2

bingadzoge fò hë e mam basòli asu osòn, bia të wulu ai mëkëṅ, tò ki a tsende ebug Zamba, dzam da, mbol biakad bëbëla a ngëëṅ ngò wayi bò na bod bëse bëyëbë bia a mis më Zamba.

2Kor 5:9

Asu te biadzëṅ na, tò binë abë nyè, tò binë nyè oyab, binyëb nyè a nnëm.

Galati 1:10

Ma na: yë amvoe bod, yë e di Zamba, dze madzëṅ? Yë madzëṅ na mënyëb bod a nnëm? Ngë mënyëbë bod a nnëm, ngë masëki mbò-esye Kristus.

Ef 1:13

Abë nyè ngò fë mina mingawog ebug bëbëla, mbëmbë foe akode waan, abë nyè ngò bëngalig mina ndëm a nyòl mbol mingayëbë asu Mfufub Nsisim ya angakagban,

1Tes 2:4

dzam da akyaè ya Zamba angafëb bia, asò hm bia vë mbëmbë foe, kan te endzò biakòbò, së ki të hë anë biayi na bianyëb bod a nnëm, Zamba ṅnyè biayi na bianyëb a nnëm, ṅnyè fë angafëb bia minnëm.

1Tes 5:14

A babëdzaṅ, biakogëlan ai mina, lëban e bod bënë ndunduman, miwonòṅo eba bënë wòṅ, mivòligi eba bënë ntëgan, mibòò afu-nnëm ai bod bësë.

1Tim 4:6

Ngë oyëgëlë babëdzaṅ e mam ma, wayi bò mbëmbë mbò-esye Kristus Yesus a bënganèè ai bibug bi ṅyëbë, ai mbëmbë ayëgëlë ya ongënë obiege a zut ana.

Ebrea 4:11

Ndzëṅan hm ai ngul na binyian a awaè te, asu yë na të mod ziṅ adzaṅ anë e bod bali ya bëngabë tègè ai ṅyëbë.

Yakobus 1:12

Mvòm ai e mod ya anë nkanga a mëbobëla, amu e mod akui zingi ayi bi ekada-olugu enyiṅ ya angakag e bod badiṅ nyè.

Yakobus 1:18

A ṅyian woe, ndò angabye bia ai ebug bëbëla asu yë na bibò mintol mi kye ya bikokoma bie.

Petrus bèè 1:10

Asu te a babëdzaṅ, daṅan mvaman na mibò na nloe waan ai ntòban waan bibò a kpiim. Eyòṅ miabò nala, miangaku ki mbëg.

Petrus bèè 1:15

Ndò fë mayi dzëṅ ai ngul esë na mikad tsog e mam ma kòm esë hala te mëkë ya.

Petrus bèè 3:14

Asu te, a mindindiṅ miama, mbol miayanga e mam ma, dzëṅan ai ngul esë na akòb mina ai mvoè, tègè ai atòn, tègè ai mvit;