2Tim 2:12 - MKPAMAṄ AMVOE Nouveau Testament en langue Ewondo 2012

¹² Ngë biadzibi, biayi fë bëlë edzoe minkukuma ai nyè. Ngë bisie nyè, nyè fë ayi bia sie.

2Tim 2:12 Iomraidhean Croise

Mt 10:33

E nyò angâsye ma a mis më bod, ma mengâsye nyè a mis më Tara y'anë a yob.

Mt 26:35

Petrus nyè ai nyè na: Tò mayean wu ai wa, mangasie ki wa. Bëyègè bësë bëngadzo hë dzam dëda.

Mt 26:75

Petrus adugan hm tsog ebug Yesus angakad nyè na: «osusua yë na nnom kub alòṅ, wayi ma sie biyòṅ bilè». Ndò angakui a nsëṅ, angayon eyëgan.

Mk 10:33

nyè na: Mbëdan biabed a Yerusalem vi, mòn mod ayi kuan a mò bëfada bënen, ai bësaṅa bëkalara; bayi tsig na akyëbë ai awu, bëkaba nyè a mò bëhaiden,

Mk 8:38

Amu, e mod awog osòn asu dama ai asu bibug biama a e ngongo bod b'ebamba ai minsëm ba, mòn mod nyè ayi fë wog osòn asu die abog ansò a duma esya ai mimfufub benglès.

Lk 12:9

E nyò angasie ma a mis më bod, angasieban a mis benglès bë Zamba.

Lk 22:29

Ndò hm ma mayi mina komëzan edzoe e kan tara angakomëzan ma edzoe

Lk 22:30

asu yë na midi, minyu a tëbëlë wama a edzoe dzama, mitòbò fë a bitoa bi edzoe, mitsigi ntol mënda më bod më Israel awom ai mëbè.

Lk 9:26

Amu e nyò awog osòn asu dama ai asu bibug biama, mòn mod nyè fë ayi nyè wog osòn eyòṅ ayi sò a duma die ai e di esya ai e di mimfufub benglès.

Bisye bi Apostel 14:22

bëwonëṅe minnëm bëyègè, bëlëbë fë bò na bëbò mban a ṅyëbë ai na biayean bi abui mindzug, abog te bizu kë nyian a edzoe Zamba.

Roma 5:17

Amu, ngë awu angadzoe etòm nsëm mod mbòg, e ba banòṅ ndzalan maa ai efaè afu-nnëm sosoo bayi dzoe a enyiṅ a zaṅ mod mbòg, Yesus Kristus fog fe?

Roma 8:17

Ngë binë hm bòn, binë fë bëkaban bë elig. Mbol binë bëkaban bë elig Zamba, biakaban dzò ai Kristus, ngë bibi mintye ai nyè, asu yë na binòṅ ngab a duma die.

Filipi 1:28

mina të mbara tò nziziṅ waan a dzam ziṅ, nala wayi bò lëdë amala daban, olëdë mina akode daan. Dzom te yatye abë Zamba.

1Tim 5:8

Ngë mod ziṅ atòṅ ki bivuvuman bie, abadan afëdan na, mod ya nda-bod dzie emen, aben ya ṅyëbë ndò fë anë mbë haiden.

Yudas 1:4

Amu bod bëziṅ bënganyian omomoa; bëngabë nkomëzan asu nkat te okoba; balugu ki Zamba; batsende maa Zamba waan entoa ebamba, bësiege ṅyëgëlë waan etam ai Nti waan Yesus Kristus.

Ekuli-mam 1:6

abòò na mibò nguma edzoe, bëfada asu Zamba ai esya woe, duma ai ngul bibòò ai nyè a bisëb bisëb. Amen.

Ekuli-mam 1:9

Mamen Yohannes, manyaṅ waan, a mëngabi ngab fufulu ai mina a mindzug ai a edzoe, ai a azombo abë Yesus, mëngabë a elon baloe na Patmos, etòm ebug Zamba ai mbòòlan ya mabòòlò Yesus.

Ekuli-mam 2:13

Mayëm e hom otoa, awe ngò etoa-ati Satan enë, dzam da ndò walad ai dzoe dama, ndò fë waandzëki sie na wayëbë ma, tò ben a mëlu më Antipas, mbòòlò wama, mod-afidi wama, a bëngawoe a tisòn dzaan, e hom Satan anyiṅ.

Ekuli-mam 20:4

Ndò mëngayen bitoa bi ati, bod bëtoa ete, a bëngavë bò nkat, ai minsisim mi e bod bëngatsig minlo asu mbòòlan ya babòòlò Yesus ai asu ebug Zamba; Bò bandzëki lugu tsit afan ngë evëgëlë dzie, ndò fë bandzëki nòṅ ndëm a mvòm-asu dzaban ngë a wò waban. Ndò bënganyiṅ, bëdzoe ai Kristus anë minkukuma a taṅ tòzin bisëb.

Ekuli-mam 20:6

e mod abëlë ngab a akui-lë sòṅ osu anë mvòm, atoa fë mfufub. Awu bèè abëlë ngul a nyòl dzaban, dzam da bayi bò bëfada bë Zamba ai Kristus, ndò fë bayi dzoe anë minkukuma ai nyè tòzin bisëb.

Ekuli-mam 3:10

Amu ongabaala ebug fin dzama ndò fë ma mayi wa kala a awola mëbobëla layi sò a si esë, na babobolo e bod bëtoa a si.

Ekuli-mam 3:21

Mayi bò na zingi etòbò ai ma a etoa-ati dzama, akyaè ya mamen mëngakui zingi, mëtòbò fë ai Tara a etoa-ati dzie.

Ekuli-mam 3:8

Mayëm mimboan mie, yënë, mëngavë wa mbè ya oyoo, a mod asëki dzam fèd, amu onë ngul abòd ndò ongabaala ebug dzama, waandzëki sie dzoe dama.

Ekuli-mam 5:10

ndò ongabò na bëbò bod bë edzoe ai bëfada asu Zamba, ndò bayi dzoe a si.