2Tim 1:8 - MKPAMAṄ AMVOE Nouveau Testament en langue Ewondo 2012

⁸ Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

2Tim 1:8 Iomraidhean Croise

Mk 8:38

Amu, e mod awog osòn asu dama ai asu bibug biama a e ngongo bod b'ebamba ai minsëm ba, mòn mod nyè ayi fë wog osòn asu die abog ansò a duma esya ai mimfufub benglès.

Lk 9:26

Amu e nyò awog osòn asu dama ai asu bibug biama, mòn mod nyè fë ayi nyè wog osòn eyòṅ ayi sò a duma die ai e di esya ai e di mimfufub benglès.

Yohannes 15:27

Ndò fë mina miayi bòòlò, amu mingabë ai ma atarigi a mëtari.

Yohannes 19:35

E mod angayen angabòòlò, ndò fë mbòòlan woe onë bëbëla, ndò ayëm na akòbò bëbëla, asu yë na mina fë miyëbë.

Bisye bi Apostel 5:41

Ndò të apostel bakodo a ekoan-nnam ha, bakë batag, mbol bëngayen na bakyëbë ai ebyandi etòm dzoe,

Roma 1:16

Amu mawog ki osòn asu mbëmbë foe, amu anë ngul Zamba asu akode e mod osë ayëbë, atarigi ai man Yuden, a mvus hala, man Grek.

Roma 16:25

Olugu abòò ai nyè ya abëlë ngul ya awone mina asu mbëmbë foe ai ṅyedan Yesus Kristus, asu nkulan ndimba engabë esòlò bisëb bisëb,

Roma 8:36

Akyaè anë ntilan na: Etòm dzoe endzò biawu nguma ntye amos, bëngatele bia etye mintomba ya bakë tsig.

Roma 9:33

akyaè anë ntilan na: Yënë sik, matele ekòli obag ai akòg lasòṅ bod a nsëm a Sion; e mod ayi dò yëbë, angasama ki.

1Kor 1:6

amu mbòòlan Kristus ongayëm abë mina,

2Kor 6:7

a ebug bëbëla, a ngul Zamba. Ai bikpëlë bi mëkyëbë ya mbo-nnomo ai ebi ya mbo-ngala,

Ef 3:1

Asu te, ma Paulus, man mimbog Kristus Yesus asu mina bëhaiden,

Ef 3:13

Asu te makogëlan na të maku sòm a mindzug ya mëbëlë asu daan, mbol minë etam duma dzan.

Ef 4:1

Makogëlan hm ai mina, ma, man mimbog, abë Nti, na minyiṅ ai dzin nloe bëngaloe mina,

Ef 4:17

Makad mina dò ndò fë makogëlan ai mina abë Nti: të miadugan nyiṅ anë bëhaiden banyiṅ a mvol nnëm waban,

Filipi 1:7

Mbol anë sosoo asu dama na mëtsog e mam ma asu mina bësë, mbol mëbëlë mina a nnëm wama, a mimbog miama ai a makaman, mëyini fë mbëmbë foe mina bësë ya miakaban ai ma maa.

Filipi 3:10

na mëyëm nyè, mëyëm fë ngul akui-lë sòṅ die ai anòṅ ngab a mintye mie, na mëfulan fë ai nyè a awu die,

Filipi 4:13

Mënë dzam bò mësë abë e nyò avë ma ngul.

Kolosi 1:11

avë mina ngul kan esë, anë ngul duma die asu kan fin esë ai afu-nnëm. Ai mintag a nnëm

Kolosi 1:24

Etoa dzi, matag a mindzug misë asu daan, ndò fë madzala a minson miama, e dzom yadzëman a mindzug mi Kristus asu nyòl dzie ya enë nda Zamba.

1Tes 3:4

Amu eyòṅ bingabë abë mina, bingatari mina kad na biayi bi mindzug, akyaè fë angatoban, ndò fë miayëm nala.

1Tim 2:6

ṅnyè angavë emen eban asu abui bod, mbòòlan te okui a zuli metiṅ.

2Tim 1:10

Maa te akulan etoa dzi ai asò-lë nkode waan Kristus Yesus ya angasole awu, asòò ai enyiṅ a enyiṅ kole a mfyè ai mbëmbë foe.

2Tim 1:12

etòm te endzò madzugi e mam ma. Dzam da mawog ki osòn, amu mayëm e mod mëngafudi afidi dama abë nyè, ndò fë mayëm mbëṅ mbëṅ na abëlë ngul ya akala e dzi ya angavë ma asu amos te.

2Tim 1:16

Zamba ayënë nda-bod Onesiforus ngòl amu angavòli ma abui biyòṅ, ndò fë andzëki wog mësuṅ mama osòn,

2Tim 2:3

Nòṅò ngab a mintye anë mbëmbë man bëzimbi Kristus Yesus.

2Tim 2:8

Otsogo Yesus Kristus ya anë nkuan a bëkon, mod ya mvòṅ David, akyaè mbëmbë foe wama adzo,

2Tim 2:9

asu te madzugi mintye, mëbëgë ben mësuṅ anë ezilngan dzam da, ebug Zamba etii ki a mësuṅ.

2Tim 4:17

Nti angakè ma, avëë ma ngul, asu yë na, a anyu dama, nkadan mbëmbë foe odzalëban, ai na bëhaiden bësë bëwog; Ndò mëngakodeban a anyu emgbëm;

2Tim 4:5

Mfag woe, osaala mam mësë, obëlëgë mintye, obò esye nkada mbëmbë foe, odzala esye dzoe.

Petrus osu 1:5

mina ya babaala a ngul Zamba ai ṅyëbë asu akode ya anë a ngomëzan na lakulëban a abog mvua.

1Yoh 4:14

Bingayen, ndò biabòòlò na esya angalom mòn na akode si-ndon.

Yudas 1:24

E nyò anë ngul ya akala mina na të miaku, ai alëdë mina a mis më duma die tègè ai atòn, ai mintag,

Ekuli-mam 1:2

Ṅnyè abòòlò e mam mësë angayen na mënë ebug Zamba ai mbòòlan Yesus Kristus.

Ekuli-mam 1:9

Mamen Yohannes, manyaṅ waan, a mëngabi ngab fufulu ai mina a mindzug ai a edzoe, ai a azombo abë Yesus, mëngabë a elon baloe na Patmos, etòm ebug Zamba ai mbòòlan ya mabòòlò Yesus.

Ekuli-mam 12:11

Ndò bëngatègè nyè asu mëki më ntomba ai asu ebug mbòòlan dzaban, ndò bandzëki diṅ enyiṅ dzaban akui a awu.

Ekuli-mam 19:10

Ndò mëngalaban a mëkol moe a si, na malugu nyè. Nyè ai ma na: Obë dò bò! Mabò esye fufulu ai wa, ai e babënyòṅ bëbëlë mbòòlan Yesus. Zamba ṅnyè olugu. Amu mbòòlan Yesus onë nsisim esye profèt.